மருத்துவக் கேள்வி பதில்கள்

by **சிவா** Fri Mar 27, 2009 11:10 pm

First topic message reminder :

ரத்தக்கொதிப்பை எப்படி கண்டுபிடிப்பது? அது ஏன் வருகிறது?

ரத்தக்கொதிப்பை முழு உடல் பரிசோதனையின்போது கண்டுபிடிக்கலாம். இந்த நோய் வருவதற்கான காரணம் இதுதான் என எதையும் பட்டியில் போட்டு உடனே சொல்லிவிட முடியாது. காரணம் தெரியாத எந்த நோயினாலும் ரத்தக் கொதிப்பு வரலாம். இப்படித்தான் 90 பேருக்கு வருகிறது. சிலருக்கு சிறுநீரகத் திற்குச் செல்லும் ரத்த நாளங்களில் குறுக்கம் ஏற்படுவது, நிணநீர் சுரப்பிகளில் கழலைகள் போன்றவற்றைச் சொல்லலாம்.

உங்களுக்கு எதுபோன்ற அறிகுறிகள் தெரிகின்றன என்பதை மருத்துவரிடம் சொன்னால், அது என்ன காரணத்தினால் வந்திருக்கும் என டாக்டர் தெரிய படுத்துவார். எக்ஸ்-ரே, ஈசிஜி, அல்ட்ரா சவுண்டு போன்ற பரிசோதனைகள் தேவைப்படலாம். சிறுநீரகச் செயல் திறன் பரிசோதனையும் தேவை. அப்போதுதான் எந்த வகையான ரத்த அழுத்தம் வந்துள்ளது என்பதை டாக்டரால் கூற இயலும்.

எப்போது ரத்த அழுத்தம் உயரும்? உறக்கத்தின் போது உயருமா? வயதாக வயதாக ரத்த அழுத்தம் உயரும் என்பது உண்மையா?

உறக்கத்தின் போது ரத்த அழுத்தம் குறையும். ஆனால் திகில் கனவுகளின் போது அதிகமாக உயர்ந்துவிடும். உணர்ச்சி வசப்படும்போது, அதிகமாக உழைக்கும்போது, கவலைப்படும்போது ரத்த அழுத்தம் உயரும். பொதுவாக உடல் எடை குறைவாக இருக்கவேண்டும். உடல் பருமன் அதிகமானவர்களுக்கு அதிக ரத்த அழுத்தம் உள்ளது. ரத்த அழுத்தமானது சுவாசிக்கும்போது, வலி மற்றும் உடற்பயிற்சியின்போதுகூட உயர்கிறது. தகுந்த மருத்துவரை அணுகி சிகிச்சை பெறலாம்.

by **சிவா** Mon Oct 05, 2009 8:16 pm

நெஞ்சுவலி ஏற்படும் எல்லோரும், "Isordil" என்ற மாத்திரையை நாக்கின் அடியில் வைக்கலாமா?

"Isordil" (ஐசார்டில்) என்பது "நைட்ரேட்" வகை மருந்தைச் சேர்ந்தது. இம்மாத்திரையை நாக்கின் அடியில் வைக்கும்போது இருதய ரத்தநாளங்களை விரைவாக, நன்கு விரிவடைய செய்கிறது. எனவே இருதயத்திற்கு ரத்த ஓட்டம் சீராகிறது. அத்துடன் நெஞ்சுவலியும் குறைகிறது.

இம்மாத்திரையின் முக்கியமான உபயோகம் என்னவென்றால், நடக்கும்போது நெஞ்சுவலி ஏற்பட்டால் மட்டுமே இதை பயன்படுத்தலாம். இவ்வியாதியை "Chronic Stable Angina' என்பர். மாரடைப்பு ஏற்படும்போது குறிப்பாக இருதயத்தின் அடிப்பகுதியை பாதிப்பதாக இருந்தால் இந்த மாத்திரையை அவசியம் உபயோகிக்கக் கூடாது. ஏனெனில் இந்த மாரடைப்பில் ரத்த அழுத்தம் குறைவாக இருக்கும். அந்த தருணம் இம்மாத்திரையை உபயோகித்தால் இருதயத்திற்கு பல தீங்கு ஏற்படும். எனவே இம்மாத்திரையை டாக்டரின் ஆலோசனைப்படிதான் சாப்பிட வேண்டும். தற்போது "ஸ்பிரே' வடிவிலும் கிடைக்கிறது.

by **சிவா** Mon Oct 05, 2009 8:19 pm

எனக்கு இரு ஆண்டுகளுக்கு முன் "ஆஞ்சியோ கிராம்' பரிசோதனை செய்து பார்த்ததில் சில இடங்களில் லேசான அடைப்பு இருப்பதால் பலூன் சிகிச்சையோ, பைபாஸ் சர்ஜரி சிகிச்சையோ தேவையில்லை என டாக்டர் தெரிவித்தார். தற்போது மீண்டும் நெஞ்சுவலி ஏற்படுகிறது. நான் மீண்டும் ஆஞ்சியோ கிராம் பரிசோதனையை எடுக்க முடியுமா?

ஆஞ்சியோ கிராம் என்பது இருதயத்தில் உள்ள ரத்தநாளங்களில் அடைப்பு உள்ளதா, இல்லையா என்பதை கண்டறியும் முறை. இதில் கால் அல்லது கைகளில் உள்ள ரத்தநாளம் மூலம் நீண்ட குழாயை செலுத்தி, இருதயத்தில் உள்ள ரத்தநாளங்களில் மருந்து செலுத்தி, வெவ்வேறு கோணங்களில் படம் பிடிக்கும் முறை. இதில் அடைப்பு எந்த இடத்தில், எத்தனை சதவீதம் உள்ளது என கண்டறியலாம். இப்பரிசோதனை முடிவை வைத்து மருந்து மாத்திரை அல்லது பலூன் சிகிச்சை அல்லது பைபாஸ் அறுவை சிகிச்சை தேவைப்படலாம். ஆஞ்சியோ கிராம் என்பது இ.சி.ஜி., போல ஒரு பரிசோதனையே. இதனை எத்தனை முறையும் எடுக்கலாம். ஒருமுறை ஆஞ்சியோ பரிசோதனை செய்தால், அது ஆறு மாதங்களுக்கு செல்லுபடியாகும்

by **சிவா** Mon Oct 05, 2009 8:20 pm

எனக்கு 38 வயதாகிறது. மாரடைப்பு வந்து ஆஞ்சியோ பலூன் சிகிச்சை செய்து ஐந்து மாதங்களாகிறது. இருந்தாலும் அவ்வப்போது நெஞ்சு, முதுகு, இடதுகை பகுதிகளில் வலி ஏற்படுகிறது. இதற்கு என்ன காரணம்?

ஆஞ்சியோ பிளாஸ்டி சிகிச்சை என்பது இருதயத்தின் ரத்தநாள அடைப்பை பலூன் மூலம் விரிவடையச் செய்து அதற்கு மேல் "ஸ்பிரிங்' (ஸ்டென்ட்) பொருத்தும் சிகிச்சை முறை. ஆஞ்சியோ பிளாஸ்டி செய்தவருக்கு செய்த இடத்திலோ அல்லது வேறு இடத்திலோ திரும்பவும் அடைப்பு ஏற்படும் தன்மை உள்ளது. எனவே நீங்கள் டிரெட்மில் பரிசோதனை செய்வது நல்லது. இம்முடிவு நார்மல் என்று வந்தால் இந்த வலி தசைவலியாக இருக்கக் கூடும். உங்கள் டாக்டரிடம் சென்று அதற்கேற்ப சிகிச்சை பெறலாம்.

by **சிவா** Sun Jan 03, 2010 6:16 pm

எனக்கு பத்து ஆண்டுகளுக்கு முன், பைபாஸ் சர்ஜரி செய்யப்பட்டது. தற்போது எனது கொலஸ்ட்ரால் அளவு LDL 86 mgs, HDL அளவு 25 mgs என வந்துள்ளது. இது சரிதானா?

சர்ஜரி செய்து பத்து ஆண்டுகளுக்கு மேலாகிவிட்டாலும், உங்கள் வாழ்க்கை முறையை சரியாக பார்த்துக் கொள்வது மிக முக்கியம். உணவில் எண்ணெயை தவிர்ப்பது, மனநிம்மதி, தினமும் வாக்கிங், ஒரு வேளைகூட தவறாமல் மருந்து உட்கொள்வது, ஆறு மாதத்திற்கு ஒருமுறை இருதய டாக்டரை சந்திப்பது அவசியம்.

உங்கள் கொலஸ்ட்ரால் அளவை பொருத்தவரை, LDLஎனும் கெட்ட கொலஸ்ட்ரால் அளவு சரியாக உள்ளது. HDLஎனும் நல்ல கொலஸ்ட்ரால் அளவு மிக குறைவாக உள்ளதால், அதை அதிகரிக்க முயற்சி செய்வது அவசியம். தினமும் "வாக்கிங்' செல்ல வேண்டும்.

Niacin என்ற மாத்திரையை எடுத்துக்கொண்டால், நல்ல கொலஸ்ட்ராலின் அளவை அதிகரிக்கலாம். Statin வகை மாத்திரையில், Atorva statin என்ற மாத்திரை எடுத்துக்கொண்டால், அதை நிறுத்திவிட்டு, அதற்கு பதில் Rosuva statin என்ற மாத்திரையை எடுத்துக் கொள்ளலாம்.

by **சிவா** Sun Jan 03, 2010 6:23 pm

எனக்கு பல ஆண்டுகளாக சர்க்கரை நோய் உள்ளது. பாதங்களில் எரிச்சல், வலி ஏற்படுகிறது. இதற்கு ஏதும் சிகிச்சை உள்ளதா?

சர்க்கரை நோய் உடலின் அனைத்து பகுதிகளையும் பாதிக்கும் தன்மை உடையது. நீங்கள் குறிப்பிடும் பிரச்னையை, 'Diabetic Poly Neuro pathy என கூறலாம். இதற்கு சில நவீன மருந்துகள் வந்துள்ளன.

இவை, எரிச்சலை கட்டுப்பாட்டில் வைத்திருக்கும் தன்மை உடையவை. இதுதவிர, சில களிம்புகள் கிடைக்கிறது. அதையும் உபயோகித்தால் ஓரளவு பலன் கிடைக்கும்.

இதனால் பாதிப்பை கட்டுப்பாட்டில் வைத்திருக்கலாமே தவிர, முழுமையாக குணப்படுத்த முடியாது. இந்த பாதிப்பு மீண்டும் வருவதற்கான வாய்ப்பு உள்ளது

by தாமு Mon Jan 04, 2010 4:50 am

சிவா அண்ணா உண்மையில் நல்ல விஷயம்.... இதனால் நிறைய விஷயம் தெரிஞ்ச்சுக்க முடிக்கிரது நன்றி அண்ணா.... மருத்துவக் கேள்வி பதில்கள் - Page 6 678642

by தாமு Mon Jan 04, 2010 4:55 am

அண்ணா எனக்கு ஒரு கேள்வி மாமாவுக்கு சுகர் இருக்கு. அவருக்கு வயது 59 ஆகுது.... மற்ற எதுவும் இல்லை... ( நேய் )
என் நண்பனுக்கு வயது 35 ஆகுது ஆனால் அவனுக்கு சுகர், பீபி, கொலஸ்ட்டாரால் இப்படி இருக்கு அதுக்கு எதை சாப்பிட்டு எதை விடுவது...
அவன் மனைவிக்கும் ரொம்ப கஷ்டம் என்ன செய்யரது தெரிய்லை...
என்ன மாதிரி உணவு எடுத்துக்கலாம்... 3ம் ( சுகர், பீபி, கொலஸ்ட்டாரால் ) இருந்தால்....
அவர்கள் குழந்தை எதிர் பார்க்கிரார்கள்...
அவர் மனைவி என்னிடம் அண்ணா எனக்கு என்ன பன்னுரது புரியலை...
சொல்லி கஷ்டப்ப பாட்டார்கள் அதனால் மனம் தாங்கலை... அதனால் கேட்டேன்....

சொல்லி உதவிட முடியுமா?

by **சிவா** Tue Jan 05, 2010 3:50 pm

முதலில் உடல் எடையைக் குறைக்க வேண்டும்!!!

தினமும் உடற்பயிற்சி செய்தல் அவசியம்.

அசைவ உணவை தவிர்த்து சைவமாக மாறினால் இன்னும் நன்று!

புகை பிடித்தால் உடனடியாக நிறுத்த வேண்டும்!

உணவில் உப்பின் அளவை பாதியாக குறைக்க வேண்டும்!

நிச்சயம் மருத்துவரின் ஆலோசனையின் பேரில் மாத்திரைகளை தவறாது உட்கொள்ளவும்!

by musris Tue Jan 05, 2010 4:05 pm

அன்பின் அண்ணா நான் சாப்பிடும் விசயத்தில் எதயும் விட்டு வைப்பதில்லை நன்றாக வெழுத்து கட்டுவன் இதனால் என்ன சரி பிரச்சினை வருமா இதை கட்டுப்படுத்த என்ன வளி நல்ல ஒரு பதிலை எதிர் பார்க்கிறேன் please

by **சிவா** Tue Jan 05, 2010 4:27 pm

எதை வேண்டுமானாலும் சாப்பிடலாம் - முப்பது வயது வரை!!!

அதன்பிறகு வருடம் ஒருமுறை மறக்காது இரத்தப் பரிசோதனை செய்து வரவேண்டும்.. அதில் உங்களின் சர்க்கரை அளவு, கொழுப்பின் அளவு என அனைத்து விபரங்களும் விளக்கப்பட்டிருக்கும். அதைப் பார்த்து மருத்துவர் நீங்கள் என்ன உணவு வகைகளை தவிர்க்க வேண்டுமென அறிவுறுத்துவார்!!!

அனைத்தையும் சாப்பிட வேண்டும் என்பது மனத்தின் அதீத ஆசை. மனத்தைக் கட்டுப்பாட்டிற்குள் வைத்தால் அனைத்தும் சிறப்பாய் அமையும்!!!

by தாமு Tue Jan 05, 2010 4:33 pm

நன்றி அண்ணா மருத்துவக் கேள்வி பதில்கள் - Page 6 678642

அவனுக்கு புகை பிடிக்கும் பழக்கம் இருக்கு... விட்டு தொலை என்று சொன்னாலும் விட மாட்டங்கரான்... மருத்துவக் கேள்வி பதில்கள் - Page 6 649524

அதுதான் வருத்தம்... மருத்துவக் கேள்வி பதில்கள் - Page 6 56667

நீங்கல் சொல்லுவதை வனிடம் தெரிவிக்கிரேன்.... மருத்துவக் கேள்வி பதில்கள் - Page 6 678642

by Sponsored content

மருத்துவக் கேள்வி பதில்கள்

மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

Re: மருத்துவக் கேள்வி பதில்கள்

பின்னூட்டம் எழுத உள்நுழைக அல்லது உறுப்பினராக பதிவு செய்க

உறுப்பினராக இணையுங்கள்

உள்நுழைய