மருத்துவமனையில் கை கழுவாதீர்கள்!

**சிவா** · **சிவா** Sun 3 Jan 2010 - 9:15

லண்டன் : மருத்துவமனையில் கை கழுவாதீர்கள்; கழுவினால் நோய் பரவும் என்று எச்சரிக்கின்றனர், பிரிட்டன் நுண்ணுயிர் ஆராய்ச்சி நிபுணர்கள். பிரிட்டன் அபர்தீன் பல்கலைக்கழகத்தை சேர்ந்த நுண்ணுயிர் ஆராய்ச்சி நிபுணர், ஹக் பென்னிங்டன் தனது ஆய்வு மூலம் கை கழுவும் போது நோய் தொற்று ஏற்படுகிறது என்று கூறியுள்ளார்.

அவர் கூறுகையில், மருத்துவமனையில் ஒருவர் கை கழுவும் போது அவர் கையில் இருந்து வெளியேறும் கிருமிகளால் அடுத்தவருக்கு எளிதில் நோய் தொற்றிக் கொள்ளும் என்று கூறியுள்ளார். மருத்துவமனையில் உள்ள குழாய்களில் நூற்றுக்கணக்கான பேர் கை கழுவுகின்றனர். அப்போது, ஏராளமான கிருமிகள் குழாயில் படிந்து இருக்கும். நாம் கை கழுவும் போது கைகள் சுத்தம் ஆவதற்கு முன்னர், கிருமிகள் தொற்றிக் கொள்ள வாய்ப்பு உள்ளது. இதன் மூலம், நோய் பரவும் என்றும் கூறுகிறார். இந்த யோசனை முன்னரே தோன்றியது தான்; தற்போது, மருத்துவமனைகளில் செயல்படுத்திய பின் தான் இதன் பலனை உணர முடிந்தது. ஏர்போர்ட் மற்றும் இறைச்சி கடைகளில் செயல்படுத்த உள்ளோம் என்றார் பென்னிங்டன்