புத்தாண்டில் பறந்தது 200 கோடி எஸ்எம்எஸ்

தண்டாயுதபாணி · 24/10/2009

புதுடெல்லி : இந்தப் புத்தாண்டு யாருக்கு
சந்தோஷத்துடன் தொடங்கியதோ இல்லையோ, செல்போன் நிறுவனங்களுக்கு நிச்சயம்
அப்படித்தான் ஆரம்பித்தது. புத்தாண்டுக்கு 200 கோடி எஸ்எம்எஸ் பறந்தது
என்றால் இருக்காதா பின்னே?
கடந்த 31, 1ம் தேதிகளின் 48 மணி நேரத்தில்
நாடு முழுவதும் 200 கோடி வாழ்த்து எஸ்எம்எஸ்கள் பரிமாறிக் கொள்ளப்பட்டதாக
தொலைத் தொடர்புத் துறை கணக்கெடுப்பு தெரிவிக்கிறது. இது தீபாவளிக்கு
அனுப்பப்பட்ட எம்எம்எஸ் எண்ணிக்கையை விட அதிகம். ஆண்டுதோறும் புத்தாண்டு
எஸ்எம்எஸ் எண்ணிக்கை அதிகரித்து வந்துள்ளது.
இந்த ஆண்டில் அனுப்பப்பட்ட
200 கோடி எஸ்எம்எஸ் இதுவரை இல்லாத அதிகபட்சம். வழக்கமாக, பண்டிகை, முக்கிய
தினங்களில் அதிக எஸ்எம்எஸ் போக்குவரத்தை சமாளிக்கவும், அதிக வருமானம்
சம்பாதிக்கவும் போன் நிறுவனங்கள் கட்டுப்பாடுகளை விதிக்கம்.
குறிப்பிட்ட
நாளில் அனுப்பப்படும் எஸ்எம்எஸ்களுக்கு கூடுதல் கட்டணம் வசூலிப்பதுண்டு.
ஆனால், இந்தப் புத்தாண்டின்போது கடும் போட்டி காரணமாக சில நிறுவனங்கள்,
வழக்கமாக தாங்கள் வசூலிக்கும் குறைந்த கட்டணத்தை அனுமதித்தன.
ஒரு
எழுத்துக்கு ஒரு பைசா என்ற அளவுக்கு குறைந்த கட்டணத்தில் சேவை கிடைத்ததால்
வாடிக்கையாளர்கள் சுருக்கமாக தங்கள் உற்றார், உறவினர், நண்பர்கள்,
சகஊழியர்கள் என மொத்தமாக புத்தாண்டு வாழ்த்து எஸ்எம்எஸ் அனுப்பிக்
குவித்து விட்டனர்.
குறைந்த கட்டணம் சலுகை இல்லாத போன் நிறுவனங்களின் வாடிக்கை யாளர்களும் எஸ்எம்எஸ் அனுப்பினர்.
நாடு
முழுவதும் சுமார் 50 கோடி செல்போன்களில் இருந்து 200 கோடி எஸ்எம்எஸ்கள் 2
நாட்களில் அனுப்பப்பட்டதாக முதல்கட்ட தகவல்கள் தெரிவித்தன. எனினும், இந்த
எண்ணிக்கை மேலும் அதிகமாக இருக்கக் கூடும் என்று டெல்லியில் போன் நிறுவன
அதிகாரி ஒருவர் தெரிவித்தார்.

புத்தாண்டில் பறந்தது 200 கோடி எஸ்எம்எஸ்

புத்தாண்டில் பறந்தது 200 கோடி எஸ்எம்எஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக