லிம்போமா - Lymphoma

லிம்போய்டு என்ற ஒருவகையான செல்கள் வயிற்றின் ஒவ்வொரு உறுப்பிலும் உள்ளது. நோய்த் தடுப்புத் தன்மைக்கு இவைகளே காரணம். குழந்தை கருவில் உள்ளபோது இவை வெகுவாக பயன்படுகின்றன. பிறப்பிற்குப் பின் ஒரு சில பாகங்களில் அதிகமாகக் காணப்படுகிறது. சிறுகுடல், குடல்வால் போன்ற பாகங்களில் இவை உள்ளன. இவற்றை அடுத்து தடுப்புத் திறன்கொண்ட நிணநீர் கட்டிகள் உள்ளன. இவை பல கட்டங்களாக அமைந் துள்ளன. இவைகள் மூலம் செல்லும் நிணநீர் மீண்டும் ரத்தக் குழாய் சென்றடைகிறது. வயிற்றின் உறுப்பு களில் உண்டாகும் புற்றுநோயை முதன் முதலில் இந்த நிணநீர் கட்டிகளே தடுக்கின்றன. அவைகளை பாதிக்கும்போது நாம் செகண்டரி லிம்ப் நோட்ஸ் என்று சொல்கிறோம்.

லிம்பாய்டு மற்றும் நிணநீர் கட்டி களிலும் புற்றுநோய் உண்டாகலாம். இதற்கு லிம்போமா என்று பெயர். இது வயிற்றின் எந்த உறுப்பிலும் வரலாம். நிணநீர் கட்டிகளிலும் தனிப்பட்ட முறையில் உண்டாகலாம். இவ்வகை யான புற்றுநோய் பெரும்பாலும் இளவயதினரையே பாதிக்கிறது.

லிம்போமா அறிகுறிகள்:

1. பலவீனம் மற்றும் சோர்வு,

2. இரத்த சோகை,

3. வயிறு வீக்கம்

4. மலக்கோளாறு

5. மஞ்சட்காமாலை

அடிக்கடி வயிற்றுப்போக்கு குறிப்பாக மலம் கழிதல் புற்றுநோய்க்கான அறிகுறிகள். உரிய பரிசோதனை செய்து கொள்வது நல்லது. இரைப்பை, சிறுகுடல்,; பெருங்குடல், கல்லீரல், மண்ணீரல் போன்ற உறுப்புகளிலும் லிம்போமா புற்றுநோய் உண்டாகும்.

இரைப்பை:

பருமனாகவும், பரவலாகவும் எண்டாஸ்கோபியில் தெரியும். பயாப்சியில் புற்றுநோய் இருப்பதைக் கண்டறியலாம். பயாப்சியில் தெரியாமலும் லிம்போமா இருக்க வாய்ப்புண்டு. மீண்டும் எண்டாஸ்கோப்பி பரிசோதனை செய்வது நல்லது.

ஆரம்ப நிலையில் அறுவை சிகிச்சை செய்து பாதிக்கப்பட்ட பாகத்தை எடுத்து விடுவதே நல்லது. பத்தாண்டுகளுக்கு முன் சிகிச்சை செய்துகொண்ட 55 வயது பெண்ணிற்கு கையளவு கட்டி எடுக்கப்பட்டது. இதுவரை எந்தவிதமான தொந்தரவும் இல்லை. நீக்கப்பட்ட பாகத்தில் நிணநீர் கட்டிகள் பாதித்திருந்தால் கீமோதெரபி கொடுக்க வேண்டும்.

சிறுகுடல் லிம்போமா:

வயிற்றில் உண்டாகும் லிம்போமா என்னும் புற்றுநோய் பெரும் பாலும் சிறுகுடல் மற்றும் அதைச் சார்ந்த நிணநீர் கட்டிகளிலேயே உண்டாகின்றன. பசியின்மை, சோர்வு, அடிக்கடி மலம் கழிதல், வயிற்றுவலி, வயிறு வீக்கம் ஆகியவை லிம்போமாவின் அறிகுறிகளாகும்.

அல்ட்ரா சவுண்ட் ஸ்கேன், சி.டி. ஸ்கேன், மற்றும் லேப்பராஸ்கோப்பி மூலம் புற்றுநோயின் நிலையைக் கண்டறியலாம். பெரும்பாலானவை முற்றிய நிலையிலேயே கண்டுபிடிக்கப் படுகின்றன. கீமோதெரபியே சிறந்த சிகிச்சையாகும்.

சிறுகுடலில் உண்டாகும் இவ்வகைக் கட்டிகளுக்கு கீமோதெரபி நல்ல பலன் தருகின்றன. ஐஸ் கட்டி வெயிலில் உருகுவதுபோல் இரண்டொரு ஊசி மருந்துகளிலேயே, வயிற்றின் கட்டிகள் மறைகின்றன. எனவே புற்றுநோய் என்று மனம் தளராமல் உரிய சிகிச்சை செய்வது நல்லது.

பெருங்குடல் லிம்போமா:

பெருங்குடலில் உண்டாகும் கட்டி களை எளிதில் கண்டறியலாம். இவை களை எளிதில் அறுவை சிகிச்சை மூலம் அகற்ற முடியும். மீண்டும் வராமல் கீமோதெரபி மருந்து கொடுத்து சிகிச்சையளிக்கலாம்.

வயிற்றில் வரும் புற்றுநோய்களில் மிகவும் நல்ல பலன் தருவது லிம் போமா தான். எனவே உரிய நேரத்தில் சிகிச்சை செய்துகொள்வது நல்லது.