ராதா பொருள் என்ன?

**ayyasamy ram** · **ayyasamy ram** Thu Dec 12, 2019 9:04 am

-ராதா……………..
நம்மை உய்விக்க வந்த ஒரு சொல். அவள் உ பி மானிலம்
மதுரா அருகிலுள்ள பர்சானா என்ற ஊரில் பிறந்தவள்.

மஹாலட்சுமியின் அம்சமான இவளே துர்க்கையாகவும்
பார்வதியாகவும் விளங்குகிறாள். அவள் தன் பெயரை
ராதா என வைத்துக் கொண்டது கூட நம்மை
உய்விக்கத்தான்.

இந்த சொல்லுக்கு வெற்றி அல்லது செழிப்பு என்று
பொருள். ராதே கிருஷ்ணா என்று சொல்லிவிட்டு ஒரு
செயலைத் தொடங்கினால் அது வெற்றியை மட்டுமல்ல
செழிப்பையும் தரும்.

இந்தச் சொல்லை ஆங்கிலத்தில் RADHA என வட்டமாக
எழுதுங்கள். அதை ஏ யில் இருந்து படித்தால் ARADH
என்று வரும். இதற்கு பூஜிப்பது என்று பொருள்.

கண்ணனை உண்மையான பக்தியுடன் பூஜித்தால்
உங்கள் துன்பங்கள் பறந்தோடும் என்கிறாள் ராதா.

இதையே மாற்றி ADHAR என எழுதினால் ஆதாரம்
அல்லது அடித்தளம் என்று பொருள் படும். கிருஷ்ணனே
இந்த உலகின் ஆதாரமாக உள்ளார். அவரைப் பற்றிக்
கொண்டால் பிறப்பற்ற நிலை அமையும் என்கிறாள்.

அதையே DHARA என வாசித்தால் வழிந்தோடுதல்
என அர்த்தமாகிறது. ஒரு பாத்திரத்தில் உள்ள நீரை
இன்னொரு பாத்திரத்திற்கு மாற்றும் போது எப்படி
வழிகிறதோ அதுபோல் உங்கள் மனதிலுள்ள பக்தி
என்னும் நீரை அவன் திருவடியில் ஊற்ற வேண்டும்
என்கிறாள்.

ஒரு முக்கியமான விஷயம் என் பெரிய பெண்ணின்
பெயர் ராதா. என் பிள்ளையின் பெயர் கிருஷ்ணா.
இவர்களை அழைக்கும்போதெல்லாம் எனக்கு
மகிழ்ச்சிதான் கண்ணனின் அருள் முற்றும் எனக்குத்தான்
என்பதில் எள்ளளவும் சந்தேகமில்லை.
-
-----------------------chinnuadhithya.

**krishnaamma** · **krishnaamma** Fri Dec 13, 2019 12:14 pm

Shri Mataji Gaushala, பர்சனா ...மிகப்பெரிய கோசாலா ... ராதை இந்த பிறந்த இடத்தில் புன்னகை

ராதா பொருள் என்ன?

ராதா பொருள் என்ன?

Re: ராதா பொருள் என்ன?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக