பனிப்பொழிவால் அதிகரிக்கும் கொண்டக்கடலை விளைச்சல் !

ஈகரை தமிழ் களஞ்சியம் :: மக்கள் அரங்கம் :: சுற்றுப்புறச் சூழல்

Page 1 of 1 •

பனிப்பொழிவால் அதிகரிக்கும் கொண்டக்கடலை விளைச்சல் !

#1310428

krishnaamma
தலைமை நடத்துனர்: பதிவுகள் : 65836
இணைந்தது : 22/04/2010

Post krishnaamma Fri Dec 20, 2019 9:15 pm

பனிப்பொழிவால் அதிகரிக்கும் கொண்டக்கடலை விளைச்சல் !

பெ.நா.பாளையம்:பெரியநாயக்கன்பாளையம் வட்டாரத்தில் கரிசல் மண் நிறைந்துள்ளது. இம்மண்ணுக்கு, தண்ணீரை உறிஞ்சும் தன்மை இல்லை. இதில், பருத்தி, கொண்டக்கடலை நன்கு விளையும். இந்தாண்டு பருவமழை வழக்கத்தை விட, அதிகளவு பெய்தததால், கொண்டக்கடலை சாகுபடியில் விவசாயிகள் அதிகமாக ஈடுபட்டுள்ளனர்.அதிக பனி மற்றும் மழை பொழிவு சூழ்நிலை, கொண்டக்கடலை சாகுபடிக்கு ஏற்றது.

தற்போது, பெரியநாயக்கன்பாளையம் வட்டாரத்தில், 300 ஏக்கரில் கொண்டக்கடலை சாகுபடி செய்யப்பட்டுள்ளது. ஒரு ஏக்கருக்கு, 500 முதல், 600 கிலோ வரை விளைச்சல் கிடைக்கும். தற்போது, இது கிலோ ஒன்றுக்கு, 80 முதல், 90 ரூபாய் வரை விற்பனையாகிறது. இது, 90 நாட்கள் பயிராகும். விதைக்கும் போது மட்டும் சிறிது தண்ணீர் பாய்ச்சினால் போதுமானது. ஜன., மூன்றாவது வாரத்தில் அறுவடை நடந்து விடும்.

வேளாண் அலுவலர் விஜயகோபால் கூறியதாவது: தமிழ்நாடு வேளாண் பல்கலையில், விதை நேர்த்தி செய்து, விதைப்பது, சரியான உரம் மேலாண்மை, பூச்சி மேலாண்மை ஆகியவை குறித்து, வகுப்புகளை நடத்தி வருகிறோம். கொண்டக்கடலை பனியில் மட்டுமே நன்கு விளையும். அதனால் ஆண்டுக்கு ஒரு முறை நவ., டிச., ஜன., காலத்தில் மட்டுமே, இது பயிர் செய்யப்படும். இவ்வாறு, அவர் கூறினார்.

நன்றி தினமலர்