11 மாணவிகளை கற்பழித்த ஆசிரியர் கைது

பீஜிங்:சீனாவில் 11 மாணவிகளை கற்பழித்த ஆசிரியர் கைது செய்யப்பட்டுள்ளார்.சீனாவின் ஹுனான் மாகாணத்தின் ஜின்வூடாங் நகரத்தில் உள்ள பள்ளியில், பணியாற்றுபவர் லியூ ஜியாங்ஹாங். 50 வயதுக்கும் அதிகமான இந்த ஆசிரியர் தன்னிடம் படிக்கும் 11 மாணவிகளை கற்பழித்துள்ளார்.இந்த பள்ளி இருப்பிடப்பள்ளி. பல்வேறு இடங்களில் பணிபுரியும் பெற்றோர்கள், இந்தப் பள்ளி நிர்வாகத்தை நம்பி, தங்கள் குழந்தைகளை இங்கு படிக்க வைக்கின்றனர். இதை பயன்படுத்தி, இந்த ஆசிரியர் ஒன்பது வயது முதல் 14 வயதுக்குட்பட்ட மாணவிகளின் கற்பை சூறையாடியுள்ளார்.


ஆசிரியரால் கற்பழிக்கப்பட்ட ஒரு சிறுமி, சமீபத்தில் உடல் நலம் பாதிக்கப்பட்டாள். ஆசிரியரிர், தன்னிடம் நடந்து கொண்ட முறையை வகுப்பு தோழியிடம் சொல்லியிருக்கிறாள். இதைக் கேட்ட வகுப்பு தோழி தன்னுடைய பெற்றோரிடம் இந்த படுபாதக செயலைத் தெரிவித்தாள். இதனால், அதிர்ச்சியடைந்த பெற்றோர். பாதிக்கப்பட்ட பெண்ணின் பெற்றோர் ஊர் திரும்பியதும் தகவலைக் கூறினர். இதையடுத்து, பிரச்னை பூதாகரமானது.பாதிக்கப்பட்ட மாணவிகளின் பெற்றோர் அனைவரும் ஒன்று சேர்ந்து பள்ளியை முற்றுகையிட்டனர். இந்த விஷயத்தை பெரிது படுத்தாமல் இருக்க பள்ளி நிர்வாகம் பெற்றோர்களுக்கு கணிசமான பணத்தை கொடுத்தது. ஆனால், இதை மறுத்த பெற்றோர் போலீசில் புகார் செய்தனர். இன்டெர்நெட்டிலும் தகவலைப் பரப்பினர். வேறுவழியின்றி போலீசார் அந்த ஆசிரியரை கைது செய்துள்ளனர்.