ராத்திரி அது வந்துச்சா.. லபக்கென பிடிச்சுட்டேன்..

**T.N.Balasubramanian** · **T.N.Balasubramanian** Mon Nov 18, 2019 6:37 pm

First topic message reminder :

ராத்திரி அது வந்துச்சா.. லபக்கென பிடிச்சுட்டேன்.. பதற வைத்த பழனிச்சாமி.. ஆடிப்போன கலெக்டர் ஆபீஸ்

ஈரோடு: "நடுராத்திரி எங்க வீட்டுக்கு ஒரு உருவம் வந்துச்சா.. நாங்க அலறிட்டோம்.. அப்பறம் அந்த உருவத்தை நான் லபக்கென பிடிச்சிட்டேன்" என்று கலெக்டர் ஆபீசில் பழனிசாமி பேசியதை கேட்டு அங்கிருந்தோர் அலறியடித்து கொண்டு ஓடினர். ஈரோடு கலெக்டர் ஆபீசுக்கு ஒருவர் பிளாஸ்டிக் கூடையினை எடுத்து வந்தார். அப்போது அவரை தடுத்து நிறுத்திய அங்கிருந்த போலீசார், யார் நீங்கள், என்ன வேண்டும், கையில் என்ன கூடை? என்று விசாரித்தனர்.
அதற்கு அவர், என் பெயர் பழனிசாமி, கொடுமுடியில் வீடு.. நேற்று ராத்திரி நாங்க தூங்கிட்டு இருந்தோம்.. அப்ப திடீர்ன்னு எங்க வீட்டுக்கு உள்ளே ஒரு ஒருவம் நுழைஞ்சிடுச்சு.. அதனால் நாங்க எல்லாருமே பயந்து அலறிட்டோம்.. இருந்தாலும் சுதாரிச்சிட்டு அந்த உருவத்தை லபக்கென பிடித்தேன்.. ஆனா, அதுக்கு உடம்பில் இருந்து நிறைய முள்கள் விரிந்து வந்தது.. அந்த முள்ளை வெச்சி என்னை அடிக்கவும் வந்தது.. அப்பறம் டயர்ட் ஆகி அங்கேயே சுருண்டு படுத்து கொண்டது.. அதுக்கப்பறம்தான் அதை நான் பிடிச்சேன்.. இதோ அதுதான் அந்த உருவம்.. என்று படக்கென்று, கையில் இருந்த கூடையை திறந்து காட்டினார்.
ராத்திரி அது வந்துச்சா.. லபக்கென பிடிச்சுட்டேன்.. - Page 2 Erode34355-1574071632

ராத்திரி அது வந்துச்சா.. லபக்கென பிடிச்சுட்டேன்.. - Page 2 Erode34355-1574071632

அதில், ஒரு வினோத விலங்கு ஒன்று சுருண்டு படுத்து கிடந்தது. இதை பார்த்ததுமே அங்கிருந்த எல்லோரும் அலறி அடித்து கொண்டு ஓடினர். அந்த முள்ளால் ஆன வினோத உருவத்தை உரிய அதிகாரிகளிடம் ஒப்படைக்கவே கலெக்டரை சந்திக்க வந்திருப்பதாக சொன்னார். அந்த சமயத்தில்தான் காரில் வந்து இறங்கினார் கலெக்டர் கதிரவன். கூட்டம் ஒன்றாக திரண்டு கிடக்கவும், அங்கு சென்ற கலெக்டர் இதை பற்றி விசாரித்தார். "எங்கே.. அந்த உருவத்தை காட்டுங்க" என்றதும், கூடையில் வைத்திருந்த விலங்கை எடுத்து காட்டினார் பழனிசாமி. அதை பார்த்தவுடன் கலெக்டர், "எனக்கு பயமாக இருக்கு.. இதை பத்திரமாக வெச்சுக்குங்க.. வனத்துறை அதிகாரிகள் இங்கே வரச் சொல்கிறேன்.. அவங்ககிட்ட இதை தந்துடுங்க.. அவங்க பார்த்துப்பாங்க" என்று சொல்லவிட்டு, அங்கிருந்து காரில் கிளம்பி விட்டார். கலெக்டரே அந்த உருவத்தை கண்டு அஞ்சிய சம்பவம் அங்கு சலசலப்பை ஏற்படுத்தியது

நன்றி தட்ஸ்தமிழ்
ரமணியன்

**T.N.Balasubramanian** · **T.N.Balasubramanian** Sat Nov 23, 2019 8:29 pm

ஜாஹீதாபானு wrote:முள்ளம் பன்றிக்கு இவ்வளவு ஆர்ப்பாட்டம்

மேற்கோள் செய்த பதிவு: 1308177

சரி சரி உங்க வீட்டு பக்கம் வந்துச்சுனா ,லபக்குனு வெறுங்கையால பிடிச்சு வாங்க.

ரமணியன் புன்னகை

Guest · Guest Sat Nov 23, 2019 9:29 pm

தவறாக நினைக்க வேண்டாம்.எங்கள் வீட்டில் முள்ளம்பன்றி வளர்க்கவில்லை,அதனால் சரியாக தெரியாது.

காணொலி பார்க்கும் போது சந்தேகம் வருகிறது.இவ்வளவு சிறிதாக இருக்குமா முள்ளம்பன்றி? (கொண்டு வந்தவருக்கு முள்ளம்பன்றி பற்றி எதுவும் தெரியாதா? சாரி! ஏழு கழுதை வயசாச்சு,ஓவரா சீன் போட்டிருக்கார்!) முள்ளெலி - hedgehog/ எறும்புண்ணி-Echidna உம் முள்ளம்பன்றி போலவே இருக்கும்.தலை மட்டுமே வித்தியாசமாக இருக்கும்,முள்ளம்பன்றியை விட சிறிதாக இருக்கும் என எண்ணுகிறேன்.

Guest · Guest Sat Nov 23, 2019 9:30 pm

ஆமா ஏழு கழுதை வயது என்றால் என்ன?

**T.N.Balasubramanian** · **T.N.Balasubramanian** Sat Nov 23, 2019 10:03 pm

காணொலி பார்க்கும் போது சந்தேகம் வருகிறது.இவ்வளவு சிறிதாக இருக்குமா முள்ளம்பன்றி? (கொண்டு வந்தவருக்கு முள்ளம்பன்றி பற்றி எதுவும் தெரியாதா? சாரி! ஏழு கழுதை வயசாச்சு,ஓவரா சீன் போட்டிருக்கார்!) முள்ளெலி - hedgehog/ எறும்புண்ணி-Echidna உம் முள்ளம்பன்றி போலவே இருக்கும்.தலை மட்டுமே வித்தியாசமாக இருக்கும்,முள்ளம்பன்றியை விட சிறிதாக இருக்கும் என எண்ணுகிறேன்.

அந்த செய்தியை வெளியிட்டவர் ஒரு பெண்.
புதிதாக சேர்ந்துள்ளார் என்றே எண்ணுகிறேன்.
ஒரு விறுவிறுப்பை கூட்ட அது மாதிரி தலைப்பிட்டு இருப்பர் என எண்ணுகிறேன்.

போகட்டும்,
உங்கள் டோக்கியோ ட்ரிப் எப்பிடி?
டீம் லீடராக உங்கள் performance உங்களுக்கு மனநிறைவை தந்ததா?

ரமணியன்

@சக்தி18

Guest · Guest Sat Nov 23, 2019 10:08 pm

நன்றி ஐயா. இன்னமும் திரும்பவில்லை.இன்னும் இரண்டு வாரங்களாகும்.

**T.N.Balasubramanian** · **T.N.Balasubramanian** Sun Nov 24, 2019 12:49 pm

சக்தி 18 wrote:நன்றி ஐயா. இன்னமும் திரும்பவில்லை.இன்னும் இரண்டு வாரங்களாகும்.

ஜப்பானியர்கள் காட்டும் மரியாதை , சுத்தம், நேரம் காத்தல், தனி மனித பாதுகாப்பு முதலியவை உங்களை கவர்ந்து இருக்கும் என எண்ணுகிறேன்.

ரமணியன்

@சக்தி 18

**krishnaamma** · **krishnaamma** Sun Nov 24, 2019 9:28 pm

சக்தி18 wrote:ஆமா ஏழு கழுதை வயது என்றால் என்ன?

மேற்கோள் செய்த பதிவு: 1308197

இந்தப்பதில் சரியாக இருக்குமா பாருங்கள் சக்தி புன்னகை

எழு கழுதை’ என்பது ‘ஏழு கழுதை’ என்று மருவியதாக
என்னருமைத் தமிழாசிரியர் மங்கலமன்னன் விளக்கியிருக்கிறார்.

“அய்யா, திட்டுறதோ திட்டுறீங்க பொருள் சொல்லிட்டுத் திட்டுங்க”னு
கேட்டுக்கிட்டதுக்கு அவர் விளக்கம் கொடுத்துப் பிறகு திட்டினாரு.
இல்லே திட்டின பிறகு விளக்கம் கொடுத்தாரு. ஏதோ ஒண்ணு.

அதாவது சுமை ஏற்ற ஏற்ற கழுதை எழுந்து நடக்குமாம்
(“கழுதை எப்ப உக்காந்துச்சு ஐயா” என்று கேட்டதற்கும் சூடாகப் பதில்
கிடைத்தது). குட்டிக்கழுதை என்றால் சுமை ஏற்றியதும் உட்கார்ந்து
விடுமாம்.

பொதி சுமக்கும் நிலை வந்த கழுதை மட்டுமே எழுந்து (அல்லது
உட்காராமல்) நடக்குமாம்.

குடும்பச்சுமைக்குத் தயாரான வயதைக்குறிப்பிட அப்படிச்
சொல்லியிருக்கலாம்.

(படித்ததில் பிடித்தது) - நன்றி வாட்ஸப் !

**T.N.Balasubramanian** · **T.N.Balasubramanian** Mon Nov 25, 2019 4:51 pm

ஒரு முறைக்கு இருமுறை சொன்னாலும்
திருமறை போன்ற அர்த்தமுள்ள விளக்கம். சூப்பருங்க

ரமணியன்

**krishnaamma** · **krishnaamma** Mon Nov 25, 2019 9:13 pm

T.N.Balasubramanian wrote:ஒரு முறைக்கு இருமுறை சொன்னாலும்
திருமறை போன்ற அர்த்தமுள்ள விளக்கம்.

ரமணியன்

மேற்கோள் செய்த பதிவு: 1308280

ஹா..ஹா..ஹா... சரி செய்து விட்டேன் ஐயா புன்னகை

Sponsored content · Sponsored content

ராத்திரி அது வந்துச்சா.. லபக்கென பிடிச்சுட்டேன்..

ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

Re: ராத்திரி அது வந்துச்சா.. லபக்கென பிடிச்சுட்டேன்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக