குன்னூர்- 10 ஆயிரம் மரக்கன்று நடும் திட்டம்: களத்தில் இறங்கிய இளைஞர்கள்

**ayyasamy ram** · **ayyasamy ram** Sun Nov 17, 2019 7:08 am

குன்னுார்:
குன்னுாரை பசுமையாக மாற்றும் விதமாக, ஜெயின் இளைஞர்கள்
நல சங்கம் சார்பில், 10 ஆயிரம் மரக்கன்றுகள் நடவு செய்ய ஆயத்த
பணி துவங்கியது.

குன்னுார் ஜெயின் இளைஞர்கள் நல சங்கம் சார்பில், 1979ம்
ஆண்டில் இருந்து பல்வேறு நலதிட்டங்கள் செயல்படுத்தப்பட்டு
வருகிறது. அதில், குன்னுாரை பசுமையாக மாற்ற 'விருக்ஷா - 10கே'
என்ற தலைப்பில், 10 ஆயிரம் மரக்கன்றுகள் நடவு செய்யும்
திட்டத்திற்கான ஆயத்த பணி, குன்னுார் பஸ் ஸ்டாண்ட் அருகே
தீயணைப்பு நிலைய மேற்பகுதியில் துவங்கியது.

பயனின்றி உள்ள முட்புதர்கள் அகற்றப்பட்டு வருகிறது.
விரைவில், இந்த திட்டத்தை மாவட்ட கலெக்டர் இன்னசென்ட் திவ்யா
துவக்கி வைக்க உள்ளார்.இது தொடர்பாக, சங்க தலைவர் ராஜேஷ்,
திட்ட ஒருங்கிணைப்பாளர் ஆனந்த், கூறுகையில், ''பஸ் ஸ்டாண்ட்
அருகே உள்ள முட்புதர்கள் மண்டி கிடக்கின்றன. இவற்றை அகற்றி,
'போடோகார்ப்பஸ், காலிஸ்டேமொன், ஜகரண்டா, ஸ்பேத்தோடியா,'
உள்ளிட்ட அழகிய மலர் மரங்கள் நடவு செய்யப்பட உள்ளன.

''வனப்பகுதிகளில் காட்டு மரங்களும், நெடுஞ்சாலை, ரயில்வே,
பள்ளி, கல்லுாரி நிறுவனங்கள் அருகே அரியவகை மரங்களும் நடவு
செய்யப்பட உள்ளன.''இவற்றின், வளர்ச்சி குறித்து ஆன்லைன், சமூக
வலைதளத்தில் பதிவு செய்து, தொடர்ந்து பராமரிக்கவும் முடிவு
செய்யப் பட்டு உள்ளது.

சங்க நிர்வாகிகள் இவற்றின் வளர்ச்சி, பராமரிப்பை மேற்கொள்வர்.
குன்னுாரை பசுமையாக மாற்றி பொலிவுபடுத்தவும், சுற்றுச்சூழல்
மேம்படவும் முயற்சிகள் மேற்கொள்ளப்பட்டுள்ளது,'' என்றனர்.

தினமலர்

குன்னூர்- 10 ஆயிரம் மரக்கன்று நடும் திட்டம்: களத்தில் இறங்கிய இளைஞர்கள்

குன்னூர்- 10 ஆயிரம் மரக்கன்று நடும் திட்டம்: களத்தில் இறங்கிய இளைஞர்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக