எல்.ஜி.கே.எம்.710

by **சிவா** Fri Mar 27, 2009 8:40 pm

சென்ற ஆண்டு மொபைல் கருத்தரங்கில் புதிய போனாக அறிமுகப்படுத்தப்பட்ட எல்.ஜி. நிறுவனத்தின் கே.எம். 710 மொபைல் போன் (KM Mark Levinson) தற்போது 2009ல் இந்தியாவில் விற்பனைக்கு அறிமுகப்படுத்தப்பட்டுள்ளது.

மார்க் லெவின்சன் ஆடியோ சாதனங்களுக்குப் பெயர் பெற்ற நிறுவனம். எல்.ஜி. இதனுடன் இணைந்து இந்த போன்களை வடிவமைத்து வழங்குகிறது. எனவே மியூசிக் போன்கள் கே.எம். சிரீஸ் என அழைக்கப்படுகின்றன. இந்த வரிசையில் வந்துள்ள இந்த ஸ்லைடர் போன் அதன் தோற்றத்திலேயே நம்மை அசத்துகிறது. மேல் பாகத்தில் 2 அங்குல வண்ணத்திரை பளிச் எனக் காட்சி அளிக்கிறது. இதன் கீழாக உள்ள வட்ட வடிவ டச் பேட் இரண்டாவது திரையாகத் தோற்றமளிக்கிறது. இதனைச் சுற்றி ஒரு நேவிகேஷன் வீல் தரப்பட்டுள்ளது. இதில் மிகவும் கவனமாக அமைக்கப்பட்டுள்ள சிறிய விளக்குகள் நமக்கு இந்த வீலைப் பயன்படுத்துவதில் உதவுகின்றன. இதில் உள்ள சிகப்பு விளக்கு ஒரு கட்டளைக்கென இதனைச் சுழற்றுகையிலும் மியூசிக் பிளேயரை இயக்குகையிலும் நீலமாக மாறுகிறது. மேல் பகுதியைச் சுற்றி உள்ள சில்வர் ஸ்ட்ரிப் இதனை கீழ் பகுதியிலிருந்துப் பிரித்து அழகு சேர்க்கிறது.

கீழ் பேனலில் வசதியான கீ பேட் தரப்பட்டுள்ளது. வலது இடது புற பேனல்களில் மியூசிக் பிளேயரின் இயக்க கீகள், மைக்ரோ எஸ்.டி. கார்ட் / சார்ஜர் போர்ட் தரப்பட் டுள்ளன.

மியூசிக் பிளேயர் அனைத்து பார்மட் பைல்களையும் இயக்குகிறது. எப்.எம். ரேடியோ இயக்கமும் துல்லிதமாக உள்ளது. 3 மெகா பிக்ஸெல் ஆட்டோ போகஸ் கேமரா எடுக்கும் போட்டோக்கள் பிளாஷ் இல்லாத நிலையிலும் நன்றாக அமைகின்றன. வீடியோ ரெகார்டிங் மற்றும் இயக்கமும் சிறப்பாக உள்ளது. பல பிரபலமான கேம்ஸ், சுடோகு, டேட்டா வாலட், டிக்ஷனரி போன்றவை பதியப்பட்டு கிடைக்கின்றன. ஜி.பி.ஆர்.எஸ். பயன்பாடு மிக எளிமையாக அமைகிறது. 15 எம்.பி. நினைவகம் தரப்பட்டுள்ளது. இதனை 4 ஜிபி வரை உயர்த்தலாம். போனுடன் 1 ஜிபி கார்ட் தரப்படுகிறது.

எல்.ஜி. கே.எம். 710 119 கிராம் எடை உள்ளது. தடிமன் 16.8 மிமீ. பேட்டரி தொடர்ந்து பயன்படுத்திப் பேசுகையில் 3 மணி நேரம் தாக்குப் பிடிக்கிறது. பேசாமல் வைத்திருந்தால் 250 மணி நேரம் சார்ஜ் உள்ளது. போன் புக்கில் 1100 முகவரிகளை பதிந்து வைக்கலாம். மூன்று அலைவரிசைகளில் இயங்குகிறது.

இந்த போனின் மார்க்கட் விலை ரூ.11,990. இதனுடன் ஒப்பிட்டு வாங்க எல்.ஜி. கே.எப். 510 (ரூ.10,900) மற்றும் மோட்டாரோலா ரோக்கர் இ8 (ரூ.12,800) ஆகியவை உள்ளன. நோக்கியா 5610 எக்ஸ்பிரஸ் மியூசிக் போனும் இதே வரிசையில் உள்ளது. இதன் விலை ரூ11,400.

மொபைல் மலர்