துவக்கத்தில் எனக்கு ஆதரவு கிடைக்கவில்லை - கம்பீர்

கவிக்காதலன் · கவிக்காதலன் Fri 1 Jan 2010 - 4:29

ஐ.சி.சி டெஸ்ட் தரவரிசையில் முதலாம் இடத்தில் உள்ள இந்திய துவக்க ஆட்டக்காரர் கௌதம் கம்பீர் தனது கிரிக்கெட் வாழ்வின் ஆரம்ப நாட்களில் தனக்கு ஆதரவு அவ்வளவாக கிடைக்கவில்லை என்று கூறியுள்ளார்.

2003ஆம் ஆண்டு வங்கதேசத்திற்கு எதிராக டி.வி.எஸ். கோப்பை ஒரு நாள் சர்வதேச கிரிக்கெட் மூலம் தன் சர்வதேச கிரிக்கெட் வாழ்வைத் துவங்கிய கம்பீர் அதன் பிறகு அணியிலிருந்து நீக்கப்பட்டார்.

மற்ற சில வீரரகளுக்கு அதிர்ஷ்டவசமாக கிடைத்த ஆதரவு தனக்கு கிடைக்கவில்லை என்று ஆதங்கப்பட்டுள்ளார்.

"சில வீரர்களுக்கு பாதுகாப்பும், தன்னம்பிக்கையும் அளிக்கப்பட்டது, ஆனால் என் விஷயத்தில் இது நடைபெறவில்லை. நான் அணியிலிருந்து நீக்க்ப்பட்டேன், ஆனால் மீண்டும் அணிக்காக தேர்வு செய்யப்பட்டபோது ரன்கள் எடுக்கவேண்டும், அதாவது பெரிய அளவில் ரன்களைக் குவிக்க வேண்டும் அப்போதுதான் நாம் அணியில் நீடிக்க முடியும் என்ற ஒரு புரிதல் எனக்குள் ஊடுருவி விட்டது. இனி அதனை ஒன்றும் செய்ய முடியாது.

இதனால் எனது ஆட்டத்தின் சில ஷாட்களை தியாகம் செய்யவேண்டியதாயிற்று, ஆனால் அதனால் ஒன்றும் வருந்துவதற்கில்லை. அணிக்காகவும், நாட்டிற்காகவும் ரன்களைக் குவித்து வெற்றிக்கு இட்டுச் செல்லவேண்டும் என்று என்னை நான் மாற்றி அமைத்துக் கொண்டேன்.

ஆனால் ரன்கள் எடுத்தால் மட்டுமே அணியில் நீடிக்க முடியும் என்ற ஒரு விஷயம் எனக்குள் மிக மோசமாக ஊடுருவியுள்ளது. இதனால் எனது இயல்புத்திறம் பாதிக்கப்பட்டது. அதாவது பிறரிடம் உள்ள இயல்பான ஆட்டம் என்னிடமும் இருந்தது, ஆனால் தற்போது என்னிடமிருந்து மறைந்து விட்டது.

ஆனால் இயல்புத் திறம் மட்டும் கிரிக்கெட் அல்ல, ரன்கள் எடுக்கவேண்டும், பெரிய அளவில் ரன்கள் எடுக்கவேண்டும், அதிதிறன் வீரர் என்பதை விட பங்களிப்பு என்ன என்பதில் என் கவனம் சென்றுவிட்டது.

ரசிகர்களும், சக வீரர்களும் 20 அல்லது 30 ரன்களை வேகமாக அடித்து விட்டு வெளியேறுவதை ஒரு போதும் விரும்புவர்கள் அல்ல. சதம் அடித்து நாட்டை வெற்றிக்கு இட்டுச் செல்லவேண்டும் என்றே அவர்கள் எதிர்பார்க்கின்றனர்.

இதனால் ஆட்டத்தை ரசிக்க வந்த ரசிகர்களுக்காக சிக்சர், பவுண்டரி என்று அடித்து அவர்களை குஷிப்படுத்துவதே பிரதான வேலையாக வைத்து கொள்ளக்கூடாது.

என்னைப் பொறுத்தவரை நாட்டிற்காக விளையாடுவதுதான் முதற்கண் பெருமைக்குரியது, ரன்கள் மூலம் பங்களிப்பு செய்வது அதைவிட முக்கியம், ஆனால் ரன்கள், விக்கெட்கள் என்று பங்களிக்காமல் தலைமைப்பொறுப்பில் இருப்பது என்பது மட்டுமே மகிழ்ச்சியளிக்காது."

இவ்வாறு கம்பீர் கூறியுள்ளார்.

**சிவா** · **சிவா** Fri 1 Jan 2010 - 8:41

சாதனையாளர்களுக்கு இதுபோன்ற சோதனைகள் ஏற்படுவது இயல்பானதுதானே!!!

துவக்கத்தில் எனக்கு ஆதரவு கிடைக்கவில்லை - கம்பீர்

துவக்கத்தில் எனக்கு ஆதரவு கிடைக்கவில்லை - கம்பீர்

Re: துவக்கத்தில் எனக்கு ஆதரவு கிடைக்கவில்லை - கம்பீர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக