ஒரு வித்தியாச பேய்ப்பட ஒன்லைன் ப்ளீஸ்!

தமிழ் சினிமாவில் பேய்ப்பட சீசன் திரும்பத் தொடங்கியிருக்கிறது. இதுவரை இல்லாத ஒரு வித்தியாச பேய்ப்பட ஒன்லைன் ப்ளீஸ்!

பேயால கொல்லப்படறவங்க பேயாகி, கொன்ன பேய்க்குச் சொந்தக்காரங்களைக் கொல்றது.

கோதை

சார் போஸ்ட்… ஏங்க என்னவோ போஸ்ட் வந்துருக்கு என்று கணவனை அழைத்தபடியே கவரைப் பிரித்தவளுக்கு, கணவன் விபத்தில் பலியானதற்கான இன்ஷூரன்ஸ் வந்திருந்தது.

வீர துறந்தறா

ஒரு தியேட்டர்க்குள்ள 37 பேர் ஒரு பேய்ப் படம் பாக்குறாங்க. படத்துக்குள்ள வர்ற ஒரு பேய், பாக்குறவங்க கண்ணுக்கு மட்டும் அவங்க பக்கத்துல உள்ளவங்களாட்டம் தெரியுது. எண்டு கார்டு போட்டவுடன் ஒரே நேரத்துல ஸ்கிரீன கிழிச்சுட்டு ஒரு பேய் வரவும், கதவு சாத்தவும் சரியா இருக்கு. ஜூம் பண்ணி வெளியே கேமரா வந்தா அங்க ஒரு தியேட்டர் இடிஞ்சு கிடக்கு.

vinothkannan.ரவிச்சந்திரன்



அந்தப் பாழடைந்த அரண்மனையின் கதவுகள் திறக்கப்பட்டபோது உலகின் கடைசிப் பேய் அரண்டு போனது…

bommaiya

ஒருத்தனைப் பழிவாங்க, பேய் ஆள்மாறாட்டம் செய்து பழிவாங்குது.

manipmp

காஞ்சனா 10 படம் வெளிவருவதைத் தடுக்கப் பேய்கள் எடுக்கும் முயற்சிதான் கரு.

vikneshmadurai

மொக்கையா பேய்ப் படம் எடுக்கும் இயக்குநரை பயங்கரமாய்க் கொல்லும் பேய்.

ansares786

பழிவாங்க நினைக்காத பேய்.

mE_MOmuS

தன்னுடைய பேய்க்கதையைச் சொல்லி தயாரிப்பாளரைத் திருப்திபடுத்தி விடைபெற்றவுடன், அவசரம் அவசரமாக உள்நுழைந்து, ‘ஸாரி சார், டிராபிக்ல லேட்டாகிடுச்சு. கதையைச் சொல்லட்டுமா?” என்று அதே இயக்குநர் மீண்டும் கேட்டதும், உறைந்துபோனார் தயாரிப்பாளர்.

raja.navaneetham

தினமும் உப்புமா சாப்பிட்டே விரக்தியில் செத்துப்போன ஒருவன் பேயாக மாறி ரவை நிறுவனங்களுக்கு எதிராகப் போராடி அத்தனை ரவை நிறுவனங்களையும்மூடவைக்கிறான்.

gazaliththuvam

சினிமாவில் நடிக்க ஆசைப்பட்டு வரும் பேய் அத்துறையில் இருக்கும் தீயவர்களை அழித்து சினிமாவில் டாப் ஹீரோயினாக வருவதுதான் கதை.

நன்றி-விகடன்