'400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

**ayyasamy ram** · **ayyasamy ram** Fri 1 Nov 2019 - 20:49

சதுரகிரி மலையில் மஹாமேரு புஷ்பம் என்ற ஒருவகை பூக்கள் 400 ஆண்டுகளுக்குப் பிறகு பூத்துள்ளதாக சமூக வலைதளங்களில் வைரலாக பகிரப்படும் புகைப்படங்கள் போலியானவை என்று தாவரவியல் ஆராய்ச்சியாளர்கள் தெரிவித்துள்ளனர் என்கிறது இந்து தமிழ் நாளிதழ் செய்தி.

சதுரகிரி மலையில் 400 ஆண்டுகளுக்குப் பிறகு மஹாமேரு புஷ்பம் என்ற அரியவகை பூக்கள், தற்போது பூத்துள்ளதாக புகைப்படங்கள் சமூக வலைதளங்களில் வைரலாகி வருகின்றன. அதில் ''முடிந்தவரை மற்றவர்களும் பார்த்திடப் பகிருங்கள்'' என்று குறிப்பிடப்பட்டு புகைப்படங்களுடன் பரப்பப்படுகின்றன.

"சமூக வலைதளங்களில் 400 ஆண்டுகளுக்கு ஒருமுறை பூக்கும் என பரப்பப்படுபவை ஆர்க்கிட் வகை செடியின் மலர்கள் மற்றும் காசி தும்பை வகையைச் சேர்ந்த மலர்கள் போன்று உள்ளன. அதிலும் கிராபிக்ஸ் செய்யப்பட்டுள்ளது.

மஹாமேரு புஷ்பம் என்ற வகை மலர்களே கிடையாது.
ஆர்க்கிட் வகை மலர்கள் வெளிநாட்டு ரகத்தைச் சேர்ந்த அலங்காரச் செடி. பொக்கே தயாரிப்பதற்கும், வீடுகளில் அழகுக்காகவும் இதை வளர்ப்பர்.

அதிக மழை பெய்து குளிர்ந்த காலநிலை நிலவும்போது, இவை நன்கு வளரும். காசி தும்பை மலர்ச் செடிகள் 3 மாதங்கள் மட்டுமே உயிரோடு இருப்பவை. உலகத்தில் எந்த இடத்திலும் 400 ஆண்டுகளுக்கு ஒருமுறை பூக்கும் செடிகளே இல்லை. அதிகபட்சம் குறிஞ்சி மலர் 12 ஆண்டுகளுக்கு ஒரு முறை பூப்பவை. அதுவே, ஏன் என்ற காரணம் இதுவரை கண்டறியப்படவில்லை.

ஆனால், அவை அனைத்து இடங்களிலும் 12 ஆண்டுகளுக்கு ஒருமுறை பூக்காது. சில இடங்களில் மட்டும் ஆங்காங்கே பூக்கிறது. ஒரே நேரத்தில், அதிகளவில் 12 ஆண்டுகளுக்கு ஒருமுறை குறிப்பிட்ட இடங்களில் பூப்பதால், குறிஞ்சி மலர் 12 ஆண்டு களுக்கு ஒரு முறைபூப்பதாக வரலாறு பதிவாகிவிட்டது.

வதந்திகளை சுவாரசிய மாக்க படங்களை போலியாக போட்டோ ஷாப் செய்து சிலர் திட்டமிட்டு பரப்புகின்றனர்" என்று காந்தி கிராமப் பல்கலைக்கழக உயிரியியல் துறை உதவிப் பேராசிரியரும், தாவரவியல் ஆர்வலருமான ராமசுப்பு கூறியதாக விவரிக்கிறது அந்நாளிதழ் செய்தி.
-
பிபிசி தமிழ்

Guest · Guest Sat 2 Nov 2019 - 19:06

'400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?' 1571444738

மேலே உள்ள படத்தில் உள்ள பூவின் பெயர் Rheum nobile .இப்பூ ebay
இல் விற்கப்படுகிறது.இது ஜூன்-ஜூலை மாதங்களில் பூக்கிறது.

'400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?' Flower-4

'400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?' Flower-4

**ayyasamy ram** · **ayyasamy ram** Sat 2 Nov 2019 - 19:55

சக்தி18 wrote:
மேலே உள்ள படத்தில் உள்ள பூவின் பெயர் Rheum nobile .இப்பூ ebay
இல் விற்கப்படுகிறது.இது ஜூன்-ஜூலை மாதங்களில் பூக்கிறது.

மேற்கோள் செய்த பதிவு: 1306404
-
மேலதிக தகவலுக்கு .... '400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?' 1571444738

**T.N.Balasubramanian** · **T.N.Balasubramanian** Sat 2 Nov 2019 - 22:14

முக்கால் வாட்சப் செய்திகள் மற்றவர்களை மேலும் முட்டாள் ஆக்குகிறது.
மக்களும் தாங்கள்தான் அந்த செய்தியை போடுவதாக நினைத்து சந்தோஷப்பட்டுக்கொண்டு ஃபாரவெர்ட் செய்கிறார்கள். அதை பற்றி விமரிசனம்
வேறு.
இது விஷயம் ஒரு திரி இருக்கின்றது என எண்ணுகிறேன்.

ரமணியன்

**krishnaamma** · **krishnaamma** Sun 3 Nov 2019 - 0:15

நல்ல பதிவு அண்ணா, நானும் உண்மை என்று நினைத்திருந்தேன் .......என்னவெல்லாம் கதை விடுகிறார்கள்.....ஹும்....

**krishnaamma** · **krishnaamma** Sun 3 Nov 2019 - 0:15

சக்தி18 wrote:
மேலே உள்ள படத்தில் உள்ள பூவின் பெயர் Rheum nobile .இப்பூ ebay
இல் விற்கப்படுகிறது.இது ஜூன்-ஜூலை மாதங்களில் பூக்கிறது.

ரொம்ப அழகாக இருக்கு....நலமா சக்தி.... புன்னகை

Sponsored content · Sponsored content

'400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

'400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

Re: '400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

Re: '400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

Re: '400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

Re: '400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

Re: '400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

Re: '400 ஆண்டுகளுக்கு ஒருமுறை பூக்கிறதா மஹாமேரு புஷ்பம்?'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக