முன்பதிவை ரத்து: ரெயில் டிக்கெட் கட்டணத்தை திரும்பப்பெற ஓ.டி.பி. முறை அறிமுகம் - ரெயில்வே அமைச்சகம் அறிவிப்பு

புதுடெல்லி,

ரெயில் டிக்கெட் முன்பதிவு ரெயில்வே கவுண்ட்டர்கள், இந்தியன் ரெயில்வே உணவு மற்றும் சுற்றுலா கழக (ஐ.ஆர்.சி.டி.சி.) வலைத்தளம் ஆகியவை மூலம் மட்டுமின்றி ஐ.ஆர்.சி.டி.சி.யால் அங்கீகரிக்கப்பட்ட ஏஜெண்டுகள் மூலமும் செய்யப்படுகிறது.

இதில் அங்கீகரிக்கப்பட்ட ஏஜெண்டுகள் மூலம் ரெயில் டிக்கெட் முன்பதிவு செய்பவர்கள் அந்த டிக்கெட்டை ரத்துசெய்தாலோ அல்லது காத்திருப்போர் பட்டியலில் இருந்த டிக்கெட் உறுதியாகவில்லை என்றாலோ அந்த டிக்கெட்டுக்குரிய கட்டணம் சம்பந்தப்பட்ட ஏஜெண்டுக்கு திருப்பி அனுப்பப்பட்டு, அதன்பின்னரே வாடிக்கையாளர் அல்லது அந்த பயணியின் கைகளுக்கு சென்றடையும்.

இதில் பிடித்தம் செய்யப்பட்டது எவ்வளவு? திரும்ப கிடைத்த தொகை எவ்வளவு? என்பது போன்ற விவரங்கள் அந்த பயணிக்கு நேரடியாக தெரிய வாய்ப்பில்லை. எனவே டிக்கெட் கட்டணத்தை திரும்ப ஒப்படைப்பதில் வெளிப்படைத்தன்மை வேண்டும் என்பதற்காகவும், வாடிக்கையாளர் நலன் கருதியும் இதில் ‘ஒருமுறை பயன்படும் கடவுச்சொல்’ (ஓ.டி.பி.) முறையை ரெயில்வே அமைச்சகம் அறிமுகப்படுத்துகிறது.

இதுபற்றி ரெயில்வே அமைச்சகம் கூறியிருப்பதாவது:-

ஐ.ஆர்.சி.டி.சி.யால் அங்கீகரிக்கப்பட்ட ஏஜெண்டுகள் மட்டுமே பயணிகளுக்கு ஆன்லைன் மூலம் ரெயில் டிக்கெட் முன்பதிவு செய்ய அனுமதிக்கப்பட்டுள்ளனர். எனவே அவர்கள் மூலம் முன்பதிவு செய்த பயணிகள் தங்கள் டிக்கெட்டை ரத்துசெய்தாலோ அல்லது இறுதிவரை காத்திருப்போர் பட்டியலில் இருந்த டிக்கெட் உறுதியாகவில்லை என்றாலோ அந்த கட்டணத்தை திரும்பப்பெற ஓ.டி.பி. முறை அறிமுகப்படுத்தப்படுகிறது.

இதன்மூலம் அந்த பயணி டிக்கெட் முன்பதிவின்போது பதிவுசெய்த செல்போன் எண்ணுக்கு ஓ.டி.பி. குறுஞ்செய்தியாக (எஸ்.எம்.எஸ்.)அனுப்பப்படும். அவர் கட்டண தொகையை திரும்பப்பெற அந்த ஓ.டி.பி.யை தனக்கு டிக்கெட் முன்பதிவு செய்த ஏஜெண்டுக்கு அனுப்ப வேண்டும்.

இதன்மூலம் அந்த பயணிக்கு திரும்பப்பெறும் சரியான கட்டணம் எவ்வளவு என்பது தெரியவரும். மேலும் அந்த கட்டணம் உரிய நேரத்தில் பயணிக்கு ஏஜெண்டு வழியாக சென்றுசேரும்.

எனவே பயணிகள் ஐ.ஆர்.சி.டி.சி.யால் அங்கீகரிக்கப்பட்ட ஏஜெண்டுகள் மூலம் ரெயில் டிக்கெட் முன்பதிவு செய்யும்போது சரியான செல்போன் எண்ணை கொடுக்க வேண்டும். அந்த எண்ணை ஏஜெண்டு சரியாக பதிவு செய்கிறாரா என்பதையும் கவனிக்க வேண்டும் என்று கேட்டுக்கொள்ளப்படுகிறார்கள்.

இந்த புதிய முறை அங்கீகரிக்கப்பட்ட ஏஜெண்டுகள் மூலம் முன்பதிவு செய்த ரெயில் டிக்கெட்டுகளுக்கு மட்டுமே பொருந்தும். இந்திய ரெயில்வேயும், ஐ.ஆர்.சி.டி.சி.யும் இந்த புதிய நடைமுறையை அமல்படுத்தும். இவ்வாறு அதில் கூறப்பட்டுள்ளது.
-
தினத்தந்தி

நல்லசேதிதான். இதுவரை அய்யா அவர்கள் அவரின் சொந்த கருத்தை கூறுவதே இல்லை. செய்தி சேகரிப்பும், பதிவு செயவது மட்டுமே செய்து வருகிறார் நன்றி.

Code:


ஐ.ஆர்.சி.டி.சி.யால் அங்கீகரிக்கப்பட்ட ஏஜெண்டுகள் மட்டுமே பயணிகளுக்கு ஆன்லைன் மூலம் ரெயில் டிக்கெட் முன்பதிவு செய்ய அனுமதிக்கப்பட்டுள்ளனர். எனவே அவர்கள் மூலம் முன்பதிவு செய்த பயணிகள் தங்கள் டிக்கெட்டை ரத்துசெய்தாலோ அல்லது இறுதிவரை காத்திருப்போர் பட்டியலில் இருந்த டிக்கெட் உறுதியாகவில்லை என்றாலோ அந்த கட்டணத்தை திரும்பப்பெற ஓ.டி.பி. முறை அறிமுகப்படுத்தப்படுகிறது.

இதன்மூலம் அந்த பயணி டிக்கெட் முன்பதிவின்போது பதிவுசெய்த செல்போன் எண்ணுக்கு ஓ.டி.பி. குறுஞ்செய்தியாக (எஸ்.எம்.எஸ்.)அனுப்பப்படும். அவர் கட்டண தொகையை திரும்பப்பெற அந்த ஓ.டி.பி.யை தனக்கு டிக்கெட் முன்பதிவு செய்த ஏஜெண்டுக்கு அனுப்ப வேண்டும்.

இதன்மூலம் அந்த பயணிக்கு திரும்பப்பெறும் சரியான கட்டணம் எவ்வளவு என்பது தெரியவரும். மேலும் அந்த கட்டணம் உரிய நேரத்தில் பயணிக்கு ஏஜெண்டு வழியாக சென்றுசேரும்.




நல்லதொரு வசதி