குரோர்பதியில் ரூ. 7 கோடியை தவறவிட்ட போட்டியாளர்

மும்பை:
கோன்பனேகா குரோர்பதியில் போட்டியாளர் ஒருவர்
சரியான விடை தெரியாமல் ரூ.7 கோடியை தவறவிட்டு
போட்டியிலிருந்து வெளியேறினார்.

பிரபல நடிகர் அமிதாப்பச்சன் முன்னின்று நடத்தும்
கோன்பனேகா குரோர்பதி நிகழ்ச்சி மக்களிடையே
பெரும் செல்வாக்கு பெற்றுள்ளது.தற்போது
இது 11-வது நிகழ்ச்சியாக நடைபெற்று வருகிறது.

இதில் முதலில் எளிமையான கேள்விகள் கேட்கப்பட்டு
போட்டியாளர்களை ஊற்சாகப்படுத்துவர். தொடர்ந்து
பணத்தின் மதிப்பு அதிகரிக்கும் போது கஷ்டமான
கேள்விகளும் கேட்கப்படும். இதில் போட்டியாளர்கள்
கிடைத்த பணம் போதும் என்று போட்டியில் இருந்து
விலகி கொள்பவர்களும் உள்ளனர்.

கடந்த புதன்கிழமை நடைபெற்ற போட்டியில் இந்திய
ரயில்வேயில் இன்ஜினியராக பணி புரி்ந்து வரும் பீகார்
மாநிலத்தை சேர்ந்த கவுதம்குமார் ஜா என்பவர் கலந்து
கொண்டார்.

அவர் தொடர்ந்து15வது கேள்விக்குபதில் அளித்து சுமார்
ஒரு கோடி வரை பரிசாக பெற்றிருந்தார்.
தொடர்ந்து 16 வது கேள்வியாக தென் ஆப்ரிகாவில்
காந்தியின் உதவியுடன் அமைக்கப்பட்ட மூன்று கால்பந்து
கிளப்புகள் பெயர் என்ன? என கேட்கப்பட்டது.
இதில் கவுதம் குமார் ஜா தவறாக பதில் அளித்தார்.

இதனையடுத்து கவுதம் குமார் ஜா ஒரு கோடி பரிசு
தொகையுடன் போட்டியிலிருந்து வெளியேறினார்.
இதற்கு முன்னதாக நடந்த போட்டியில் சனோஜ் ராஜ் ,
மற்றும் பபிதா டாடே ஆகியோர் ஏற்கனவே ஒரு கோடி
பரிசு பெற்றிருந்தனர் என்பது குறிப்பிடத்தக்கது.

போட்டியில் ஒரு கோடி ரூபாய் பரிசு பெற்றுது குறித்து
கவுதம் குமார் ஜா கூறுகையில் கேபிசியில் கலந்து கொள்வது
என்பது என் மனைவியின் கனவு.

அவளால் போட்டியில் பங்கு பெற முடியாத நிலையில்,
அவள் என்னை ஒரு பிரதிநிதியாக அனுப்பினாள்.
அவளுடைய கனவுகளை என்னால் நிறைவேற்ற முடிந்தது
என்பதில் நான் மகிழ்ச்சியடைகிறேன், ”என்று கூறினார்.

தினமலர்