உலக மகளிர் குத்துச்சண்டை: வெள்ளி வென்றார் மஞ்சுராணி

**ayyasamy ram** · **ayyasamy ram** Mon Oct 14, 2019 8:18 pm

உலக மகளிர் குத்துச்சண்டை சாம்பியன் போட்டி
48 கிலோ பிரிவில் இந்தியாவின் மஞ்சுராணி
வெள்ளிப் பதக்கம் வென்றார்.

ரஷியாவின் உலன் உடே நகரில் நடைபெறும் மகளிர்
குத்துச்சண்டை போட்டியில் ஏற்கெனவே நட்சத்திர
வீராங்கனை மேரி கோம், ஜமுனா போரோ,
லவ்லினா போரோகைன் ஆகியோர் அரையிறுதிச்
சுற்று ஆட்டங்களில் தோல்வியடைந்து வெண்கலப்
பதக்கம் மட்டுமே வென்றனர்.

இந்திய வீராங்கனைகளுள் மஞ்சுராணி மட்டுமே
48 கிலோ எடைப்பிரிவில் இறுதிக்குள் நுழைந்தார்.
ஞாயிற்றுக்கிழமை நடைபெற்ற இறுதிச் சுற்றில்
ரஷியாவின் எகடேரினா பல்சேவாவுடன் மோதினார்.

இதில் 4–1 என்ற புள்ளிக்கணக்கில் வென்றார் எகடெரினா.
2-ஆம் நிலை வீராங்கனையான எகடெரினாவுடன் முதல்
சுற்று முதலே ஆக்ரோஷமாக மோதினார் மஞ்சு.

எனினும் கடைசி 3 நிமிடங்களில் எகடெரினா சரமாரியாக
நேர்த்தியாக விட்ட குத்துகளால் மஞ்சுராணி நிலை
குலைந்தார். கடைசி சுற்றில் மஞ்சுராணி எச்சரிக்கையாக
ஆடியது, ரஷிய வீராங்கனைக்கு சாதகமாக அமைந்தது.

இதனால் 4-1 என்ற புள்ளிக் கணக்கில் வென்று
தங்கத்தையும் கைப்பற்றினார் எகடெரினா.
தான் முதன்முதலாக பங்கேற்ற உலக சாம்பியன்
போட்டியிலேயே வெள்ளிப் பதக்கம் வென்றார் 19 வயது
இளம் வீராங்கனை மஞ்சுராணி.

ஹரியாணாவின் ரோதக் மாவட்டத்தைச் சேர்ந்த மஞ்சுராணி,
அம்மாநிலத்தின் சார்பில் தேசிய போட்டியில் பங்கேற்க
வாய்ப்பு தராததால், பக்கத்து மாநிலமான பஞ்சாப் சார்பில்
பங்கேற்று தேசிய பட்டம் வென்றார்.
இதன் மூலம் இந்திய அணியிலும் இடம் பிடித்தார்.

இவரது தந்தை பிஎஸ்எப்பில் அதிகாரியாக பணிபுரிந்த போது,
கடந்த 2010-இல் புற்றுநோயால் இறந்தார். ஐரோப்பாவில்
நடைபெற்ற பிரசித்தி பெற்ற ஸ்ட்ரேன்டஜா போட்டியிலும்
வெள்ளி வென்றிருந்தார் மஞ்சு.

By உலன் உடே | தினமணி

**பழ.முத்துராமலிங்கம்** · 27/09/2015

வாழ்த்துகள்.....
அன்பு மலர்

உலக மகளிர் குத்துச்சண்டை: வெள்ளி வென்றார் மஞ்சுராணி

உலக மகளிர் குத்துச்சண்டை: வெள்ளி வென்றார் மஞ்சுராணி

Re: உலக மகளிர் குத்துச்சண்டை: வெள்ளி வென்றார் மஞ்சுராணி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக