மகளதிகாரம்.

**ayyasamy ram** · **ayyasamy ram** Tue 15 Oct 2019 - 20:34

மகளின் பெயரைத்
தான் சூடி
மகிழ்கிறான் தந்தை.
*
சாப்பிடும் முன்
உணவின் தேவையை
ஊட்ட வேண்டும் மகளுக்கு.
*
தந்தையின்
பார்வையில் மகள்
இளவரசியாகவே இருக்கிறாள்.
வறுமை இருக்கையிட்டுஅமர்திருந்தால்கூட.
*
மகள்
ஒவ்வொரு அசைவிலும்
தாயை நினைவூட்டுகிறாள்
*
மகளுக்கு கல்வி அவசியம்.
அவள் படிக்க அமர்ந்தால்
தொலைக்காட்சி அநாவசியம்.
*
மகள்
உறங்க தொடங்கினால்
தேடி அழைத்து வருகிறான் தாலாட்டை.
தந்தை
*
மகள்
புன்னகைக்கும் பொழுது
தந்தைக்கு வசந்தகாலம் தொடங்கிவிடுகிறது.
*
தேவதைகள்தான்
மகளாக வடிவெடுக்கிறார்கள்
நம்பும்படிதான் வடிவம் கொள்கிறது
வாழ்க்கை.
*
மகளை
பள்ளிக்கு அனுப்பிவிட்டு
கன்னத்தில் கைவைத்து வாசலில்
அமர்ந்துவிடுகிறது தந்தையின் காலைப்பொழுது.
*
மகளின்
உலகத்தில் எப்போதும்
ஒன்றும் தெரியாதவன் வேடம் தந்தைக்கு.
இன்பமாய் ஏற்று நடிகனாகிறான் தந்தை.
*
தந்தை
சமையலறைக்குள்ளிருந்து மகளை
வெளியேற்றி
புத்தக காட்டுக்குள் அழைத்துச் செல்கிறான்
*
மகள் வளர்ந்த பிறகும்
தந்தைக்குள் ஆடிக்கொண்டிருக்கிறது
அவளுறங்கிய தூளி.
*
குறும்புச் செய்துவிட்டுஒடுகிறாள் மகள்.
அடி வாங்குகிறான் மகன்.
தேவதைகளை தந்தையர் அடிப்பதில்லை.
*
காய்ச்சலில்
கிடக்கும் போது
மகளின் அன்பு பேராறாய் பாய்கிறது.
.*
இன்னமும் வாழும் ஆசையை
உருவாக்குகிறாள் தந்தைக்கு
மகள்.
=====================================
வி.உ. இளவேனில்

**ஜாஹீதாபானு** · **ஜாஹீதாபானு** Wed 16 Oct 2019 - 19:48

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

மகளதிகாரம்.

மகளதிகாரம்.

Re: மகளதிகாரம்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக