விலை இல்லா கட்சித் தாவலுக்கும் தயார்…!

-
தலைவர் புத்தகக்கடையில போய் என்ன கேட்கிறாரு..?’’
‘‘சி.பி.ஐ விசாரணையில கேட்கற கேள்விக்கு பதில்
சொல்ல ஏதாவது கைடு கிடைக்குமான்னு கேட்கிறாரு!’’
-
– வி.சாரதி டேச்சு, சென்னை-5
-------------------------------------------

‘‘தலைவருக்கு பிறந்த நாள் வருதே…
என்ன தலைவா வேண்டும்னு கேட்டால் ரொம்ப
பேராசைதான் அவருக்கு!’’
‘‘அப்படி என்னதான் கேட்டார்?’’
‘‘எடைக்கு எடை வெங்காயம் வேணுமாம்..!’’
----
– வண்ணை கணேசன், சென்னை-110.
------------------------------------------------------
-
காட்டை வெட்டினா விறகு
பாட்டை வெட்டினா சென்சார்
ஆட்டை வெட்டினா பிரியாணி…
இதுதாங்க வாழ்க்கை!
-
– வெட்டியாய் இருந்துகொண்டு வாழ்க்கை முழுதும் வெட்டுவோர் சங்கம்
– அனார்கலி, தஞ்சாவூர்.
----------------------------------------------------------------------------
-
‘‘கபாலி… போன மாசம் மதுரையிலயும், கோவையிலயும்
கொள்ளை அடித்தது உன்னோட ஆட்களா..?’’
‘‘பொறாமை பிடிச்ச உலகம் என்னை எங்கே எசமான் அந்த
அளவுக்கு வளர விட்டுச்சு..?’’
-
– சரவணன், கொளக்குடி.
------------------------------------------------------------
-

‘மேடையில எதுக்கு எல்லோரையும் மறைச்சு ஸ்கிரீன் போட்டிருக்கு..?’’
‘‘தலைவர் பேசப் போறது தெரிஞ்சா, கூட்டம் கலைஞ்சிடுதாம்… அதான்!’’
-
– அ.ரியாஸ், சேலம்.
--------------------------------------------------------------
-
என்னதான் மனைவிக்கு அடங்கின கணவனா,
மனைவி கிழிச்ச கோட்டைத் தாண்டாதவரா இருந்தாலும்,
‘லாங் ஜம்ப்’ல கலந்துக்கிட்டா கோட்டைத் தாண்டித்தான்
ஆகணும்!
– எங்கே கோடு போட்டாலும் ரோடு போட ட்ரை பண்ணுவோர் சங்கம்
– ஏ.எஸ்.யோகானந்தம், ஔவையார்பாளையம்.
--------------------------------------------------------
-
‘‘தலைவரோட நிலைமை எப்படி ஆகிடுச்சு பார்…’’
‘‘ஏன்… என்னாச்சு?’’
‘‘விலை இல்லா கட்சித் தாவலுக்கும் தயார்னு அறிக்கை விட்டிருக்காரே…’’
– பர்வீன் யூனுஸ், சென்னை-44.

நன்றி-குங்குமம்