இனி போலீசையும் டிக்கெட் எடுக்கச் சொல்லுங்க-

**T.N.Balasubramanian** · **T.N.Balasubramanian** Tue 8 Oct 2019 - 11:07

இனி போலீசையும் டிக்கெட் எடுக்கச் சொல்லுங்க- கொந்தளித்த போக்குவரத்து சம்மேளனம்!

இனி போலீசையும் டிக்கெட் எடுக்கச் சொல்லுங்க- Govt-bus

கடந்த சில நாட்களுக்கு முன்பு, நெல்லையில் இருந்து நாகர்கோவில் நோக்கி அரசுப் பேருந்து ஒன்று சென்று கொண்டிருந்தது. அதில் ஆயுதப்படை காவலர்கள் மகேஷ்வரன், தமிழரசன் ஆகியோர் பணி காரணமாக கூடங்குளம் செல்ல பயணித்தனர்.
அப்போது இருவரிடமும் நடத்துநர் ரமேஷ் வாரண்ட் கேட்டுள்ளார். வாரண்ட் எழுதிக் கொண்டிருப்பதாக கூறி, காவலர்கள் தாமதப்படுத்தி உள்ளனர். இதனால் இருதரப்பிற்கும் இடையே வாக்குவாதம் ஏற்பட்டது.
இதில் ஆத்திரமடைந்த காவலர் நடத்துநரை தாக்கினார். இந்த சம்பவத்தில் காயமடைந்த நடத்துநருக்கு தலையில் இருந்து ரத்தம் வழிந்தது. இதுகுறித்து மூன்றடைப்பு காவல் நிலையத்தில் நடத்துநர் புகார் அளித்தார்.

இதையடுத்து இரு காவலர்களும் கைது செய்யப்பட்டு விசாரணை நடத்தப்பட்டது. இந்நிலையில் காவல்துறை தலைமை இயக்குநருக்கு, போக்குவரத்து கழக பணியாளர்கள் சம்மேளனம் கடிதம் ஒன்றை எழுதியுள்ளது.
அதில் தமிழக அரசுப் பேருந்தில் இலவச பயணம் மேற்கொள்ள தமிழக அரசும், காவல்துறையும் அனுமதி வழங்கவில்லை. எனவே காவலர்கள் அரசு பேருந்துகளில் பயணிக்கும் போது, டிக்கெட் எடுத்துக் கொண்டு பயணிக்க வேண்டும் என அறிவுறுத்துமாறு தெரிவிக்கப்பட்டுள்ளது.

நன்றி சமயம்

ரமணியன்

Guest · Guest Tue 8 Oct 2019 - 13:33

இனி போலீசையும் டிக்கெட் எடுக்கச் சொல்லுங்க- 1571444738

போலீசார் சில சமயம் குற்றவாளியை பின்தொடர பஸ்ஸை பயன்படுத்தலாம்.அதனால் அராஜகம்/அட்டகாசம் செய்யாமல் நடத்துனரை அனுசரித்து செல்லலாம்.அனுமதிச்சீட்டு வழங்கி ,சீட்டு இல்லாமல் பயணிக்கக் கூடாது என அறிவுறுத்தி,மீறுபவர்கள் மேல் கடும் நடவடிக்கை எடுக்க வேண்டும்.ஒரு சிலரின் அராஜகம் பலரை எல்லா இடத்திலும் பாதிக்கிறது.

**பழ.முத்துராமலிங்கம்** · 27/09/2015

சக்தி18 wrote:
போலீசார் சில சமயம் குற்றவாளியை பின்தொடர பஸ்ஸை பயன்படுத்தலாம்.அதனால் அராஜகம்/அட்டகாசம் செய்யாமல் நடத்துனரை அனுசரித்து செல்லலாம்.அனுமதிச்சீட்டு வழங்கி ,சீட்டு இல்லாமல் பயணிக்கக் கூடாது என அறிவுறுத்தி,மீறுபவர்கள் மேல் கடும் நடவடிக்கை எடுக்க வேண்டும்.ஒரு சிலரின் அராஜகம் பலரை எல்லா இடத்திலும் பாதிக்கிறது.

மேற்கோள் செய்த பதிவு: 1305129
உங்கள் கருத்து ஒத்துக்கொள்ளவேண்டிய ஒன்று.