சரக்கு கொஞ்சம் ஓவர் போல...!

நிதானத்தை இழந்து நின்ற இடத்திலேயே சுற்றிய வாகனம் - வைரலாகும் வீடியோ
அமெரிக்காவில் உள்ள ஒரு விமான நிலையத்தில் விமானத்தில் உணவு ஏற்றும் வாகனம் தன்னைத்தானே சுற்றியது. சிறு விபத்தால் பெரும் விபத்து தவிர்க்கப்பட்டது. இந்த வீடியோ சமூகவலைத்தளங்களில் வைரலாக பரவி வருகிறது.

விமானத்தில் செல்லும் பயணிகளுக்கு சில விமான நிறுவனங்கள் உணவு வழங்குவது வழக்கம் அதற்காக விமானம் புறப்படுவதற்குச் சிறிது நேரத்திற்கு முன்னர் விமானத்தில் உணவுகள் எல்லாம் ஏற்றப்படும்.
இப்படியாக சிகாகோ ஓ ஹேரே விமான நிலையத்தில் உள்ள ஒரு விமானத்தில் உணவுகள் ஏற்றுவதற்காக உணவுப் பொருட்களைச் சுமந்துகொண்டு அதற்கான வாகனம் விமானத்தை நோக்கி வந்தது. விமானத்தின் அருகில் வந்ததும் அந்த வாகனம் தன்னைத்தானே சுற்றிக்கொண்டிருந்தது. சுற்றி இருந்த விமான நிலைய ஊழியர்கள் செய்வது அறியாது தவித்தனர்.

முதலில் இதை காமெடியாக பார்த்தவர்கள். நேரம் ஆக ஆக அந்த வாகனம் வேகமாகச் சுற்றுவதைப் பார்த்து ஏதோ விபரீதம் ஏற்படப் போவதாக உணர்ந்தனர்.
நிலைமை முன்னரே உணர்ந்த ஒரு விமான நிலைய ஊழியர் வேறு ஒரு வாகனத்தைக் கொண்டு வந்த வாகனத்தின் மீது மோதினர். இதனால் தன்னைத்தானே சுற்றிக்கொண்டிருந்த வாகனம் கவிழ்ந்து விழுந்து சுற்றுவதை நிறுத்தியது. இதன் பின்பே சுற்றி நின்று அதைப் பார்த்துக்கொண்டிருந்தவர்களின் இதயத்துடிப்பு நிதானத்திற்கு வந்தது.



இந்த காட்சியை விமானத்தில் ஏறுவதற்காகக் காத்துக்கொண்டிருந்த கெல்வின் கிளாவுர் என்பவர் தனது செல்போனில் வீடியோ எடுத்து அதைத் தனது ட்வீட்டர் பக்கத்தில் வெளியிட்டுள்ளார்.
மேலும் இது குறித்து ஊடகத்தினரிடம் அவர் கூறும்போது : "இதை முதலில் நான் வீடியோ எடுக்கும்போது காமெடியாக இருக்கும் என்று தான் எடுத்தேன் ஆனால் நேரம் ஆக ஆக ஏதோ விபத்து நடக்கப் போகிறது என்பதை மட்டும் உணர்ந்தேன். நல்லவேளையாக அங்கிருந்த ஊழியர் சமயோசிதமாக யோசித்து விமானத்தின் மீது இந்த ட்ரக் மோதவிருந்ததை ஒரு சிறு விபத்தை நிகழ்ச்சி பெரும் விபத்தைத் தவிர்த்துவிட்டார். " எனக் கூறினார்.


இது கூறித்து அமெரிக்கன் ஏர்லைன் விமான நிறுவனம் வெளியிட்ட அறிக்கையில் : "இந்த சம்பவத்தின் போது யாருக்கும் காயம் ஏற்படவில்லை. இதன் காரணமாக விமானம் 10 நிமிடம் தாமதமாகப் புறப்பட்டது. எங்கள் நிறுவன ஊழியர் சமயோசிதமாகச் சிந்தித்து பெரும் விபத்தைத் தவிர்த்ததற்கு அவருக்கு எங்கள் பாராட்டுகளை தெரிவித்துக்கொள்கிறோம். " எனக் கூறியிருந்தனர்.

நன்றி சமயம்

ரமணியன்

தலைப்பை பார்த்ததும் என்னவோ வேறு எதோ என நினைத்தேன்?

Accelerator- மேல் தண்ணீர் பாக்கெட் விழுந்து விட்டதாம்.

சரக்கை கண்டேனா தண்ணியை கண்டேனா?
ஓவர் லோடை கண்டேனா
சமயம் இணையம்தான் கண்டேன் .
ஈகரையில் லோட் பண்ணேன்.

ரமணியன்