:இன்று சர்வதேச முதியோர் தினம்

**T.N.Balasubramanian** · **T.N.Balasubramanian** Tue Oct 01, 2019 6:13 pm

காலமெல்லாம் காப்போம்! :இன்று சர்வதேச முதியோர் தினம்

:இன்று சர்வதேச முதியோர் தினம் Tamil_News_large_2378934

அனைவரது குடும்பத்திலும் முதியோர் இருப்பார்கள். அவர்களை தவிக்க விடாமல் ஆதரவளித்து கவனித்துக்கொள்ள வேண்டும் என வலியுறுத்தி அக்., 1ல் சர்வதேச முதியோர் தினம் கடைபிடிக்கப்படுகிறது. 'முதியோருக்கு சமவாய்ப்பு வழங்குதல்' என்பது இந்தாண்டு மையக்கருத்து.
இன்றைய சூழலில் முதியோருக்கு ஏற்படும் துன்பங்கள் சமூக பிரச்னையாக உருவெடுத்துள்ளது. லட்சக்கணக்கான முதியோர், ஆதரவின்றி தவித்து வருகின்றனர். உடலளவில் தளர்ந்த இவர்களை மனதளவில் தேற்ற வேண்டிய பொறுப்பு அனைவருக்கும் உள்ளது. இன்றைய உலகில் குடும்ப உறவுகள் என்பது முன்பு இருந்ததை போல இல்லை. பெற்ற பிள்ளைகளால் கைவிடப்பட்டு, பொருளாதாரத்தாலும் பாதிக்கப்பட்டு, அனாதைகளை போல வாழும் நிலைக்கு முதியோர் தள்ளப்பட்டுள்ளனர். இவர்களை பாதுகாக்க அவரவர் பிள்ளைகள் முன்வர வேண்டும் என இத்தினம் வலியுறுத்துகிறது.

அனுபவம்
முதியோர் குழந்தைகளுக்கு சமம் என கூறுவர். 60 வயதினை கடந்தவர்கள் முதியோராக கருதப்படுகின்றனர். உடல் மற்றும் மனதளவில் அவர்களின் செயல்பாடுகள் மாறிவிடும். இன்றைய தலைமுறையினருக்கு முதியோரின் அனுபவம், ஆலோசனை மிகவும் அவசியம். அவர்களை பாரமாக கருதாமல், வரமாக கருதுங்கள். குடும்பத்தில் முதியோரை அரவணைத்து செல்லுங்கள். மற்ற குடும்ப உறுப்பினர்களைப் போல அவர்களையும் சமமாக நடத்த வேண்டும். நாமும் எதிர்காலத்தில் முதியோர் ஆவோம் என்பதை நினைவில் நிறுத்தி, அந்த சுயநலத்துக்காவது கவனிக்க வேண்டும். பிள்ளைகள் நல்ல வசதியோடு இருந்தும், பெற்றோர்களை தாங்களே பார்த்துக்கொள்ளாமல் முதியோர் இல்லங்களில் சேர்க்கும் கொடுமையும் நம் நாட்டில் அதிகரித்து வருகிறது. இந்நிலை மாறவேண்டும்.
46
கடந்த 2017ல் 60 வயதுக்கு மேற்பட்டவர்களின் எண்ணிக்கை 96.2 கோடியாக இருந்தது. இது 46 சதவீதம் அதிகரித்து, 2030ல் 140 கோடியாக உயரும் என ஐ.நா., சார்பில் மதிப்பிடப்பட்டுள்ளது.
20
இந்தியாவில் 2011 சென்செஸ் படி, மக்கள்தொகையில் 8 சதவீதம் பேர், 60 வயதுக்கு மேற்பட்ட முதியோர். இது 2026ல் 12.5 சதவீதமாகவும், 2050ல் 20 சதவீதமாகவும் உயரும் என கணிக்கப்பட்டுள்ளது.

நன்றி தினமலர்

ரமணியன்

**T.N.Balasubramanian** · **T.N.Balasubramanian** Tue Oct 01, 2019 6:17 pm

சக முதியோர்களுக்கு வாழ்த்துகள். அன்பு மலர்

பிறர் தயவு தேவையின்றி நம்மால் செய்யமுடிந்ததை செய்து முடிப்போம்.
சந்தோஷம் அடைவோம்.

ரமணியன்

Guest · Guest Tue Oct 01, 2019 7:16 pm

:இன்று சர்வதேச முதியோர் தினம் 1571444738

வாழ்த்துகள்.
..................
பெற்றோரை கவனிக்காத பிள்ளைகளை கண்காணிக்கும் சட்டம் வர இருக்கிறது.
பெற்றோர் மற்றும் மூத்த குடிமக்கள் பராமரிப்புச் சட்டம் 2007 இன் படி, பெற்றோர்களை உடனிருந்து கவனிக்காமல் கைவிட்டுவிட்டால் மூன்று மாதம் சிறை தண்டனை விதிக்க முடியும். இதில் சற்று மாற்றம் கொண்டு வந்து மூன்று மாதத்திலிருந்து ஆறு மாதமாக அதிகரிக்கப்பட்டுள்ளது....

சட்டம் எழுத்து வடிவாக இல்லாமல் செயல்பட வேண்டும்.