அணுகுமுறை சரியா?

by **T.N.Balasubramanian** Mon 30 Sep 2019 - 22:54

அணுகுமுறை சரியா?

காலேஜில் படிக்கும் போது ஒரு பேராசிரியர் தமாஷாக வயது வித்தியாசமில்லாமல் பேசுவார். "winking at a beautiful girl to express the love inside a dark auditorium when the show was on " அழகி மேல் காதலை இருட்டான சினிமா அரங்கத்தில் கண்ணசைவால் காட்டுதல்.

அதாவது நாம் என்ன சொல்லவேண்டும் என்பதை சரியான சூழ்நிலையில் சொல்லவேண்டும்,என்பார்.
சரிதானே!
ஆமாம்,ஆனால் சரியான சூழ்நிலையில் கூறியும் அதற்கு சரியான புரிதல் இல்லாமலோ
அல்லது அலட்சியமாக இருந்தாலோ என்ன செய்யமுடியும்?. நாம் அவர்களை கட்டாயப்படுத்தமுடியாது. ஓரிரு முறை முயற்சிக்கலாம்.அப்பவும் அதே அலட்சியம் தொடருமெனில், நாமும் அந்த அலட்சியத்தை கண்டுகொள்ளாமல் இருக்கவேண்டியதுதான். "அலட்சியத்தை" அலட்சியப்படுத்தவேண்டியதுதான்.
வாழ்க்கை நமக்கு சொல்லித்தரும் பாடங்கள் பல பல.
பலரிடம் இருந்து கற்கிறோம்.
நம்மை விட உயர்ந்தவர் /சமமானவர்/அடுத்த நிலை என அநேக நிலைகளில் கற்கவேண்டிய விஷயங்கள் இருக்கின்றன. கற்பிக்கிறார்கள்.

பிறிதொரு முறை அவசியமெனில் பேசுவோம்.

ரமணியன்

by Guest Tue 1 Oct 2019 - 11:59

தொடர்ந்து நாலு வார்த்தை நல்லதாய் சொல்லுங்கள் ஐயா.அவை நமக்கு உதவியாக இருக்கும்.

//அலட்சியத்தை கண்டுகொள்ளாமல் இருக்கவேண்டியதுதான். "அலட்சியத்தை" அலட்சியப்படுத்தவேண்டியதுதான்.
வாழ்க்கை நமக்கு சொல்லித்தரும் பாடங்கள் //

இதைத்தான் பட்டால் தான் புத்தி வரும் என்கிறார்களா?

சிலசமயம் குழந்தைகளிடம் இருந்தும் கற்றுக்கொள்ள வேண்டியது பல இருக்கின்றன.

தொடரவேண்டும் என அன்புடன் கேட்டுக் கொள்கிறேன். அணுகுமுறை சரியா? 1571444738

by **T.N.Balasubramanian** Tue 1 Oct 2019 - 17:13

இதைத்தான் பட்டால் தான் புத்தி வரும் என்கிறார்களா?

ஆம் தினம் தினம் புதுப்புது பாடங்கள் கற்கிறோம். அதுவும் நம்மில் இளையவரிடம் இருந்து கற்கிறோம்.

எல்லோருக்கும் சில ஆசைகள் இருக்கின்றன. வேறுபட்ட காரணங்களால் அந்த ஆசைகள் மறுக்கப்படுகின்றன.

ஒரு முறை அடுத்த உயர்ந்த பதவிக்கு மூன்று பெயர்கள் பரிந்துரைக்கப்பட்டது.
எந்தன் பெயர் 2 ம் இடத்தில இருந்தது. மூவருமே தகுதிக்கு உரியவர்களே. ஆனால் நிர்வாகம் இருவருக்கு மட்டுமே கொடுக்க தீர்மானித்தது. 1 ம் 3 ம் தேர்ந்தெடுக்கப்பட்டனர்.
காரணம் கேட்ட போது ஒதுக்கீடு காரணமாக 3 ம் தேர்ந்து எடுக்கப்பட்டார் என்றும் நிர்வாகம் ஒருவருக்குத்தான் பதவி உயர்வு என்று நிச்சயித்து இருந்தால் அப்போதும் 3 ம் நபருக்கே போயிருக்கும் என்று கூறினார்கள்.

நாம் விரும்புவதெல்லாம் விரும்பியபடி விரும்பிய நேரத்தில் கிடைத்துவிட்டால், வாழ்க்கையில் சுவாரஸ்யம் இருக்காதே.

ரமணியன்