எல்லை மீறிய இம்ரான் கான்; முதன்மை செயலாளர் விதிஷா மைத்ரா கடும் தாக்கு

எல்லை மீறிய இம்ரான் கான்; முதன்மை செயலாளர் விதிஷா மைத்ரா கடும் தாக்கு
காஷ்மீர் பிரச்ணை குறித்து பேசும் போது, இப்போது தான் அங்கிருந்தால் கண்டிப்பாக துப்பாக்கி ஏந்தியிருப்பேன் என்று தெரிவித்தார்


நியூயார்க்: பாகிஸ்தான் பிரதமர் இம்ரான் கானின் சர்ச்சை பேச்சுக்கு இந்திய வெளியுறவுத்துறை முதன்மை செயலாளர் விதிஷா மைத்ரா கடுமையான பதிலடி கொடுத்துள்ளார்.


இதனைத் தொடர்ந்து பேசிய பாகிஸ்தான் பிரதமர் இம்ரான் கான், தான் பிரதமராக பதவியேற்ற பின்பு இந்தியாவுடன் நல்லுறவை தொடர விரும்பியதாகவும், ஆனால், இந்தியா அதனை விரும்பவில்லை எனவும் பகிரங்கமாக குற்றம் சாட்டினார். அனு ஆயுதங்களை கொண்ட இந்தியாவும், பாகிஸ்தானும் மோதிக் கொண்டால் அதனால் ஏற்படும் பின் விளைவுகள் எண்ணி பார்க்க வேண்டும் என மிரட்டும் தொனியில் பேசிய இம்ரான் கான், காஷ்மீர் பிரச்ணை குறித்து பேசும் போது, இப்போது தான் அங்கிருந்தால் கண்டிப்பாக துப்பாக்கி ஏந்தியிருப்பேன் என்றும் தெரிவித்தார்.

இதையடுத்து, பாகிஸ்தான் பிரதமர் இம்ரான் கான் ஐ.நாவில் பேசியதற்கு பதில் தரும் உரிமையை பயன்படுத்தி இந்தியாவின் வெளியுறவுத்துறை முதன்மை செயலாளர் விதிஷா மைத்ரா, கடுமையான பதிலடி கொடுத்துள்ளார்.
ஐக்கிய நாடுகளால் தீவிரவாதிகள் அறிவிக்கப்பட்ட பயங்கரவாதிகள் 130 பேர் பாகிஸ்தானில் உள்ளனர். 25 முறை தடைசெய்யப்பட்ட தீவிரவாத இயக்கங்கள் அங்கு தான் உள்ளது. இதனை பாகிஸ்தான் பிரதமரால் மறுக்க இயலுமா என சரமாரியாக கேள்வி எழுப்பியுள்ளார்.



தீவிரவாதிகளுக்கு ஓய்வூதியம் அளிக்கும் ஒரே நாடு பாகிஸ்தானாக தான் இருக்கும் என சாடிய அவர், காஷ்மீர் பிரச்ணைக்கு பாகிஸ்தான் கடுமையாக எதிர்வினையாற்றி வருகிறது. இது அந்நாடு அமைதியை விரும்பாததை சுட்டிக் காட்டுவதாக குறிப்பிட்டார். மேலும், பாகிஸ்தான் பிரதமர் இம்ரான் கானுக்கு இங்கு வரலாற்றை நினைவுப்படுத்த கடமைப்பட்டுள்ளேன். 1971ல் சொந்த நாட்டு மக்களுக்கு எதிராக நடத்தப்பட்ட இனப் படுகொலையை மறந்து விடாதீர்கள் எனவும் விதிஷா மைத்ரா குறிப்பிட்டார்.


பாகிஸ்தானில் சிறுபான்மையினர் எண்ணிக்கை 1947இல் 23 சதவீதமாக இருந்தது; தற்போது 3 சதவீதமாக குறைந்துவிட்டதாக குறிப்பிட்ட விதிஷா, அனைத்து சிறுபான்மையினரும் அங்கு கொடுமையான சட்டங்களால் பாதிக்கப்படுகின்றனர். கட்டாய மதமாற்றம் செய்யப்படுகின்றனர் என குற்றம் சாட்டினார்.

பாகிஸ்தான் பிரதமரின் அனு ஆயுத பேச்சு மிரட்டும் தொனியில் உள்ளது. இதனை ராஜதந்திரம் என்று சொல்ல முடியாது. தந்திரம் என்று வேண்டுமானால் சொல்லலாம். அவரது பேச்சு அரசியல் முதிர்ச்சியற்ற அனுசக்தி பேரழிவை கட்டவிழ்த்து விடுவதற்கான அச்சுறுத்தலாக உள்ளது. பாகிஸ்தான் பிரதமரின் பேச்சு, துப்பாக்கி கலாசாரத்தை ஊக்குவிக்கும் வகையில் மீறியதாக அமைந்துள்ளது எனவும் விதிஷா மைத்ரா கடுமையாக சாடினார்.

நன்றி சமயம்

ரமணியன்

-
படம் -இந்தியன் எக்ஸ்பிரஸ்-தமிழ்

பாகிஸ்தான் நாட்டை சேர்ந்த பெண் சமூக ஆர்வலர் குலாலாய் இஸ்மாயில்...,அங்கு,பலுசிஸ்தான் பழங்குடியினர் மற்றும் சிறுபான்மை மக்களின் மீதான தாக்குதல்களைக் கண்டித்து ஐ.நா. முன் ஆர்ப்பாட்டம்.



எல்லாம் சரி,காஷ்மீர் மக்கள் படும் துன்பங்களுக்கு விடிவு எப்போது?இந்திய ராணுவம் ஒரு பக்கம்,தீவிரவாதிகள் ஒரு பக்கம்,மக்களின் போராடடம் இன்னொரு பக்கம்.