அதிரப்போகும் தமிழகம்!

**ayyasamy ram** · **ayyasamy ram** Sun Sep 29, 2019 2:19 pm

சென்னை:
எப்போதுமே அதிரடியாக செயல்படுவதில் ஆர்வமுள்ளவர்
பிரதமர் மோடி. அரசு நிகழ்ச்சிகள் அனைத்தையும்,
தலைநகர் டில்லியிலேயே வைத்துக் கொள்ளக் கூடாது;
மாநில தலைநகரங்களிலும், முக்கிய நகரங்களிலும்,
வெளிநாட்டு தலைவர்கள் சந்திப்பு போன்ற நிகழ்ச்சிகளை
நடத்த வேண்டும் என, முடிவெடுப்பது மோடியின் வழக்கம்.

கடந்த முறை, மோடி பிரதமராயிருந்த போது, சீன அதிபர்,
ஜி ஜின்பிங்கை, தன் சொந்த மாநிலமான, குஜராத் தலைநகர்,
ஆமதாபாதிற்கு அழைத்துச் சென்றார்.

இம்முறை, சீன அதிபரை, தமிழகத்தில், காஞ்சிபுரம்
மாவட்டத்திலுள்ள மகாபலிபுரத்திற்கு அழைத்து வருகிறார்
மோடி. இதனால், தமிழகமே அதிரப்போகிறது என்கின்றனர்,
சீனியர் அதிகாரிகள்.

அக்டோபர், 11ம் தேதி காலை, சீன அதிபர் சென்னை வருகிறார்.
இங்கிருந்து, மகாபலிபுரம் செல்கிறார். பாதுகாப்பு அதிகாரிகள்,
வெளியுறவு அதிகாரிகள், மொழிபெயர்ப்பாளர்கள் என,
300 பேர் கொண்ட, 'மெகா டீம்' சீன அதிபருடன், மகாபலிபுரம்
வர உள்ளது.

இங்குள்ள நகராட்சி, ஜி ஜின்பிங்கிற்கு மாபெரும் வரவேற்பு
அளிக்க உள்ளது. மகாபலிபுரத்திலுள்ள ஓட்டல்கள் அனைத்தும்,
'புக்' செய்யப்பட்டுள்ளன.

இதே போல, பிரதமர் மோடியுடனும், 200க்கும் மேலான
அதிகாரிகள் மகாபலிபுரம் வருகின்றனர். தமிழகத்திற்கும்,
குறிப்பாக காஞ்சிபுரத்திற்கும், சீனாவிற்கும் உள்ள தொடர்பு,
இங்கிருந்து போதி தர்மர், புத்த பிக்குவாக சீனா சென்று,
அங்கு புத்த மதத்தை பரப்பிய வரலாறு குறித்தெல்லாம்
மோடி, சீன அதிபரிடம் பேசுவாராம்.பிரதமர் மோடி, -

சீன அதிபர் சந்திப்பு, தமிழகத்திற்கு பயனுள்ளதாக இருக்கும்
என, அதிகாரிகள் சொல்கின்றனர்.
-
-------------------------------
தினமலர்

அதிரப்போகும் தமிழகம்!

அதிரப்போகும் தமிழகம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக