பெண் அதிகாரிக்கு முத்தம் கொடுத்த 19 வயது வாலிபர்.! சிசிடிவியால் சிறை..

நண்பனிடம் சவால் செய்து விட்டு பெண் அதிகாரிக்கு முத்தம் கொடுத்த 19 வயது வாலிபர்.! சிசிடிவியால் சிறை..
புதுச்சேரியில் நண்பர்களிடம் பந்தயம் கட்டியதால் பெண் அதிகாரியைப் பலவந்தமாகக் கட்டிப்பிடித்து முத்தம் கொடுத்த நபரை போலீசார் கைது செய்துள்ளனர்.

நண்பனிடம் சவால் செய்து விட்டு பெண் அதிகாரிக்கு முத்தம் கொடுத்த 19 வயது வாலிபர்...
நாட்டில் பெண்கள் நலனுக்காக எத்தனையோ சட்டங்களும் தண்டனைகளும் பெருகி வரும் நிலையில் குற்றங்களும் தொடர் கதையாகி வருகிறது. ரோட்டில் தனியாகச் செல்லும் பெண்களுக்கு இன்னும் முழு பாதுகாப்பு இல்லை என்பதையே இந்த சம்பவம் வெளிப்படுத்துகிறது.




புதுச்சேரி ரெயின்போ நகரில் உள்ள அடுக்கு மாடி குடியிருப்பில் மும்பையைச் சேர்ந்த 23 வயது இளம்பெண் ஒருவர் வசித்து வருகிறார். இவர் தனியார் வர்த்தக நிறுவனத்தில் அதிகாரியாக பணிபுரிந்து வருவது குறிப்பிடத்தக்கது.

கடந்த வியாழக்கிழமை அன்று பனி முடிந்து வீட்டிற்குச் சென்றுக் கொண்டிருந்த இவரை டூவீலரில் இரண்டு பேர் பின் தொடர்ந்துள்ளனர். அதன்பின்னர் சற்று இடைவெளியில் அந்த பைக் நின்றுள்ளது. பைக்கிற்கு பின்னால் அமர்ந்து இருந்த வாலிபர் வண்டியை விட்டு இறங்கி அப்பெண்ணை பின்தொடர்ந்துள்ளார்.

இளம்பெண்ணை நெருங்கிய அந்த வாலிபர் சற்றும் எதிர்பாராதவாறு கட்டிப்பிடித்து முத்தமிட்டுள்ளார். இதனால் அதிர்ச்சியடைந்த இளம்பெண் உதவிக்காகச் சத்தம் போட்டுள்ளார். ஆனால் அப்பகுதியில் யாரும் இல்லாததால் பைக்கில் வந்த இருவரும் அங்கிருந்து உடனே தப்பியுள்ளனர்.

இதுகுறித்து இளம்பெண், போலீசாரிடம் புகார் தெரிவித்ததோடு புதுச்சேரி துணை நிலை ஆளுநர் கிரண்பேடிக்கு வாட்சப் மூலம் தகவலைப் பகிர்ந்துள்ளார். இதனையடுத்து அவர் இந்த புகாரின் அடிப்படையில் நடவடிக்கை எடுக்கும்படி போலீசாரை வலியுறுத்தியுள்ளார்.

விசாரணையை தொடங்கிய போலீசார் சம்பவ இடத்தில் பொருத்தப்பட்டிருந்த சிசிடிவி காட்சிகளை ஆய்வு செய்துள்ளனர். அதன்படி பைக்கில் வந்த இரு வாலிபர்களில் ஒருவரை பாதிக்கப்பட்ட பெண் அடையாளம் காட்டியதால் போலீசார் அந்த வாலிபரைக் கைது செய்தனர்.

விசாரணையில் இந்த வாலிபர் மொட்டதோப்பை சேர்ந்த ரிஷி (19) என தெரிந்தது. மேலும் தன்னுடன் வந்த நண்பன் சாலையில் சென்ற அந்த பெண்ணிற்கு முத்தம் கொடுக்க முடியுமா என்று கேட்டான். நானும் அந்த பந்தயத்திற்கு ஒப்புக்கொண்டதால் அவ்வாறு செய்தேன் என்று போலீசார் நடத்திய விசாரணையில் அந்த வாலிபன் தெரிவித்துள்ளான்.

இதனையடுத்து அவர் மீது வழக்குப் பதிந்ததால் நீதிமன்றத்தில் ஆஜர் படுத்தப்பட்டு போலீசார் சிறையில் தள்ளியுள்ளனர். புகார் கொடுத்த 13 மணி நேரத்தில் நடவடிக்கை எடுத்து குற்றவாளியைப் பிடித்து நீதிமன்றத்தில் ஆஜர் படுத்தியதால் போலீசாரை அனைவரையும் பாராட்டியுள்ளனர்.

நன்றி சமயம்

ரமணியன்