டிக்கெட்டுகளை கிழித்து விஜய் ரசிகர்கள் வேதனை!

தாம்பரம் அருகே தனியார் கல்லூரியில் நடைபெற்ற
பிகில் திரைப்படத்தின் இசை வெளியீட்டு விழாவில்
பல்லாயிரக்கணக்கான ரசிகர்கள் குவிந்ததால்
கடும் போக்குவரத்து நெரிசல் ஏற்பட்டது.

மேலும், உரிய டிக்கெட் வைத்திருந்தும் ரசிகர்கள்
அனுமதிக்கப்படாததால் அரங்கத்திற்குள் செல்ல
முயன்ற ரசிகர்களை போலீசார் தடியடி நடத்தி
கலைத்தனர்.

சென்னை தாம்பரத்தை அடுத்த சோமங்கலம் பகுதியில்
உள்ள தனியார் கல்லூரியில் பிகில் படத்தின் இசை
வெளியீட்டு விழா நடைபெற்றது. நடிகர் விஜய், நயன்தாரா,
இசையமைப்பாளர் ஏ.ஆர்.ரகுமான் உள்ளிட்ட பல்வேறு
நட்சத்திரங்கள் கலந்து கொண்ட நிகழ்ச்சியை காண
சென்னை மட்டுமின்றி வெளிமாவட்டங்களில் இருந்து
பல்லாயிரக்கணக்கான ரசிகர்கள், வாகனங்களில்
குவிந்தனர்.

இதன் காரணமாக தாம்பரம் முதல் சோமங்கலம் வரை
சுமார் 7 கி.மீ தூரம் கடும் போக்குவரத்து நெரிசல் ஏற்பட்டது.
இதனால், மக்கள் கடும் சிரமத்திற்கு ஆளாகினர்.
போக்குவரத்து நெரிசலில் ஆம்புலன்ஸ் வாகனமும்
சிக்கியது.

இது ஒருபுறம் இருக்க, விஜயை காண ஆவலோடு
வந்திருந்த ரசிகர்கள், உரிய டிக்கெட்டுகளை வைத்திருந்தும்
அரங்கத்திற்கு செல்ல அனுமதிக்கவில்லை என குற்றம்
சாட்டினர். அரங்கத்திற்குள் மல்லுக்கட்டி செல்ல முயன்ற
ரசிகர்களை போலீசார் தடியடி நடத்தி கலைக்க முயன்றனர்.
அதில் சிலருக்கு காயம் ஏற்பட்டது.

மேலும், பத்தாயிரம் இருக்கைகளை கொண்ட அரங்கத்தில்,
இருபதாயிரம் டிக்கெட்டுகளை அச்சிட்டு தங்களுக்கு
விநியோகித்துள்ளதாக குற்றம்சாட்டிய ரசிகர்கள்,
டிக்கெட்டுகளை கிழித்தெறிந்தனர்.

விஜயை ஒருமுறை பார்த்தாலே போதும் என ஆவலோடு
பல கி.மீ. தூரம் கடந்து வந்திருப்பதாகவும், பலமணி நேரம்
காத்திருந்து போலீசிடம் அடிவாங்கி தற்போது ஏமாற்றத்துடன்
திரும்பி செல்வதாகவும் ரசிகர்கள் வேதனையோடு கூறினர்.

மேலும் விஜய்யின் கவனத்திற்கு இச்சம்பவம் செல்ல
வேண்டும் எனவும், அந்த பட விழாவை மாநாடு போல்
நடத்த வேண்டும் என்றும் ரசிகர்கள் கோரிக்கை விடுத்தனர்.
-
-----------------------------------
நியூஸ் 18

பதிவுக்கு
அடப்பாவிகளா எதற்கெல்லா வேதனைபடுவது என்று தெரியலையா? நாடு ரோட்டில் பெண்களை காவல்துறை அடிக்கிறது (ஹெல்மெட் போடாத பெண்ணை துரத்தி சென்ற போலீஸ்-தடுமாறி விழுந்து கால்களை இழந்த பெண்-சென்னை),கொள்ளை அடிக்கிறார்கள்,ஏமாற்றுகிறார்கள் பேனர் விழுந்து சாகிறார்கள். அப்பவெல்லாம் வராத வேதனை உள்ளே விடாததால் வேதனை வந்ததா ?

அவரவர்களுக்கு எது எது வேதனை என்பது அவரவர்களின் மனம் எண்ணத்தை பொருத்தது. சட்டத்தைமதியாதபோது நாரிகமற்று உடை அணியும்போது ஆண் உடையை பெண்அணிந்தபோது நாட்ல தலை கால் தெரியாது எல்லாம் நடக்குதுங்க. இறைவன் ஏன் பெண் ஆண் என்று படைத்தான் என்பதை உணராத ஜென்மங்கள் இருப்பதால் எல்லாம் நடந்தேறும். வியப்பில்லை...