உ.பி.யில் தலித் வாலிபர் எரித்துக் கொலை- பாஜக அரசு மீது காங்கிரஸ் குற்றச்சாட்டு

-
புதுடெல்லி:

உத்தர பிரதேச மாநிலம் ஹர்டோய் மாவட்டம் பாதேசா
பகுதியை சேர்ந்தவர் அபிஷேக் என்ற மோனு (வயது 20).
தலித் சமூகத்தைச் சேர்ந்த இவர், மற்றொரு சமூகத்தைச்
சேர்ந்த பெண்ணை காதலித்துள்ளார்.

கடந்த சனிக்கிழமை மோனு அந்த பெண்ணை சந்திக்க
சென்றபோது, அவரை சிலர் பிடித்து ஒரு வீட்டில் அடைத்து
வைத்து தாக்கி உள்ளனர். பின்னர் உயிரோடு தீ
வைத்துள்ளனர்.

அவரது அலறல் சத்தம் கேட்டு அப்பகுதி மக்கள் அங்கு
சென்று மோனுவை மீட்டு அருகில் உள்ள மருத்துவ
மனைக்கு அனுப்பி வைத்தனர். பின்னர் அங்கிருந்து
மேல்சிகிச்சைக்காக லக்னோ மருத்துவமனைக்கு அனுப்பி
வைக்கப்பட்டார்.

ஆனால், வழியிலேயே மோனு உயிரிழந்தார். தன் மகன்
உயிரோடு எரிக்கப்பட்டது பற்றி கேள்விப்பட்ட அவரது
தாயார், அதிர்ச்சியில் மாரடைப்பு ஏற்பட்டு மரணம்
அடைந்தார்.

இது ஆணவக் கொலைதான் என மோனுவின் உறவினர்கள்
குற்றம்சாட்டி உள்ளனர். இது தொடர்பாக பெண்ணின்
குடும்பத்தைச் சேர்ந்தவர்கள் உள்ளிட்ட 5 பேர் மீது வழக்கு
பதிவு செய்யப்பட்டுள்ளது.

ரன்தீப் சுர்ஜேவாலா

இந்த தாக்குதல் சம்பவத்தை காங்கிரஸ் கட்சி கடுமையாக
கண்டித்திருப்பதுடன், உ.பி. பாஜக அரசு மீது குற்றம்
சாட்டியுள்ளது.

“பாஜக ஆட்சியில், மேலும் ஒரு தலித் உயிருடன் எரித்து
கொல்லப்பட்டிருக்கிறார். இது மனிதாபிமானமற்ற மற்றும்
வெட்கக்கேடான செயல். அரசியல் நோக்கங்களை
அடைவதற்காக, சமூக கட்டமைப்பு சிதைக்கப்படுகிறது.

உத்தர பிரதேசத்தில் பெண்கள் பாதுகாப்பாக இல்லை.
தலித்துகள் மற்றும் பிற்படுத்தப்பட்டோருக்கும் பாதுகாப்பு
இல்லை” என காங்கிரஸ் செய்தித் தொடர்பாளர்
ரன்தீப் சுர்ஜேவாலா கூறி உள்ளார்.
-
------------------------------
மாலைமலர்

ayyasamy ram wrote:

பெரியார் பிறந்த இந்த நன்னாளில் இன்றும் இது போன்ற ஜாதிவெறி பிடித்த மூடர்களின் கேவலமான செயல்களை பார்க்கும் போது மிக வருத்தமாக உள்ளது.
-
------------------------------
மாலைமலர்

மேற்கோள் செய்த பதிவு: 1304130

இதற்கெல்லாம் ஆண்ட அரசு கொண்டுவந்த கலப்பு திருமண ஊக்கமே. இந்த திட்டத்தை கொண்டுவந்த அரசே பொறுப்பேற்கனும். கழுதையும் குதிரையும் ஒன்றாவதுபொல இந்த கலப்பு திருமண நிகழ்வுகள். இதனால் குற்றங்கள் துணிந்து நடைபெறுகின்றன. பண்பு கலாச்சாரம் எல்லாம் போச்சு கெட்டு குட்டுசுவறாக்கிட்டாங்க.. ஆண்டவர்கள் தன் கயமை தனத்தால் சுயநலத்திற்காக சட்டங்களை கொண்டுவந்தும், கோடான கோடி கொள்ளை அடித்து பணத்தை பதுக்கியும் வைத்துள்ளார்களே .அதை கண்டுபிடிக்க முயன்று வரும் மோதி(டி)அவர்களை குறை சொல்வதே காங்கிரசின் தோழிலா போச்சு.

சிவநாசன் ஐயா வணக்கம்,
உங்கள் கருத்தைப் படித்துவிட்டு எனக்கு மிகவும் ஆச்சர்யமாக இருந்தது. நீங்கள் ஈகரையில் வி .ஐ. பி என்ற அடைமொழியில் அறியப்படுகிறீர்கள். அரசியலை விமர்சிப்பது உங்கள் உரிமை. ஆனால் நடந்த செய்தியைவிட உங்கள் கருத்து மிகவும் வன்மமாகவும், பலர் மனதை பாதிப்பதாகவும் உள்ளது. இதைப் பற்றி நான் வேறு எதுவும் குறிப்பிட விரும்பவில்லை ஈகரை நிர்வாக சட்ட விதிகளுக்கு உட்பட்டு நான் இருக்க வேண்டும் என்ற எண்ணம் மேலோங்கி உள்ளதால்.

நன்றி !