ஆங்கில நாவல் எழுதி 14 வயது சிறுமி சாதனை

**ayyasamy ram** · **ayyasamy ram** Tue 17 Sep 2019 - 5:52

சென்னை:
சென்னையைச் சேர்ந்த, 14 வயது சிறுமி, ஆங்கிலத்தில்
நாவல் எழுதி சாதனை படைத்துள்ளார்.

சென்னை, அண்ணாநகரைச் சேர்ந்தவர், ஜெயசேகர்;
அமெரிக்காவில் தகவல் தொழில்நுட்ப நிறுவனத்தில்
பணியாற்றுகிறார். இவரது மனைவி கோமதி; கால்நடை
மருத்துவர். இவர்களின் மகள், தீபிகா; நொளம்பூரில்
உள்ள தனியார் பள்ளியில், ஒன்பதாம் வகுப்பு
படிக்கிறார்.

இவர், எல்.கே.ஜி., முதல், மூன்றாம் வகுப்பு வரை,
அமெரிக்காவிலும்; பின், ஆறாம் வகுப்பு வரை
சென்னையிலும், பின், ஏழு மற்றும் எட்டாம் வகுப்பை,
அமெரிக்காவிலும் படித்து உள்ளார்.

சிறு வயதில் இருந்தே கதை புத்தகங்கள், ஓவியம் என,
தீபிகா ஆர்வமாக இருந்தார். அவரது ஆர்வத்தை பார்த்த
பெற்றோர், அவருக்கு ஒத்துழைப்பு அளித்து
உற்சாகமூட்டினர்.தொடர்ந்து தினமும், தன்
கற்பனைகளால் எழுதிய கதைகளை தொகுத்து
, ‘சொர்க்க தீவுக்கு ஒரு பயணம்’ என்ற தலைப்பில்,
புத்தகமாக உருவாக்கி உள்ளார்.

இந்த புத்தகத்தின் வெளியீட்டு நிகழ்ச்சி, சென்னை
அண்ணா நுாற்றாண்டு நுாலக வளாகத்தில், நேற்று
நடந்தது.

சிறுமி படிக்கும் பள்ளியின் முதல்வர்,
வினிதா சுப்ரமணியம், புத்தகத்தை வெளியிட,
சிறுமியின் தாத்தாக்கள் அருணாச்சலம், எஸ்.டி.கே.மணி
ஆகியோர் பெற்றுக் கொண்டனர். மொத்தம்,
193 பக்கங்கள் உள்ள இந்த புத்தகம், 195 ரூபாய் விலையில்
விற்கப்படுகிறது.

கடல் வளம் மீது அதிக ஆர்வமுள்ள சிறுமி தீபிகா,
புத்தகத்தில் கடல் வளத்தை பாதுகாப்பது குறித்து
விழிப்புணர்வு ஏற்படுத்தியுள்ளதாக, அவரது தந்தை,
ஜெயசேகர் தெரிவித்தார்.

புத்தகத்தின் அட்டைப் படம், அதற்கான விளம்பர
வீடியோ ஆகியவற்றையும், சிறுமி வினிதாவே தயார்
செய்துள்ளார்.

தினமலர்

சிவனாசான் · சிவனாசான் Tue 17 Sep 2019 - 8:45

அதாங்க கலியுகத்தில் இறைவன் படைக்கும் சாதனை இறைவனுக்கு நன்றி...அப்பெண்ணின் உள்ளே இறைவன் இருந்து இயக்குகிறார்.

சிவனாசான் · சிவனாசான் Tue 17 Sep 2019 - 8:56

இறைவன் சிலரை ஏன் தெய்வமாக @( மருவத்தூர், ஸ்ரீபுரம்...) படைக்கிறார் அதுவும் கலியுக இறைவனின் செயல்பாடே..... நாட்டில் பல மோசக்காரர்களையும் படைத்து செய்த செயலுக்கு களி துண்ணவும் வைக்கிறாரே. எதற்கு மற்ற மனிதன் அதை பார்த்து திருந்தவே. திருந்தல.ஆனால் மேதாவி தனமாக தான் செயல்பட்டதாகவும் செயல்படுவதாகவுமே பறை சாற்று கின்றனரே.,அதுதான் விஞ்ஞான அறிவோ.இறைவன் எல்லாவற்றையும் பார்த்து கொண்டுதான் உள்ளார் தக்க சமயத்தில் தக்கதை அளிப்பார் .அவர் விருப்பு வெறுப்பு அற்ற இறைவன். மாபெறும் சக்தி உள்ளவர். குற்றவாளியின் உள்ளம் அவன் செய்த குற்றத்தை மறைத்து வாழ நினைப்பதேன் .அவனுக்குள்ள அதிகாரம் ஆணவம் இது இறைவனுக்கு மட்டுமே தெரியும்.
அப்படி பட்டவனுக்கு தண்டனை எப்படி அளிப்பதென்று.