ஜாக்பாட் - விமர்சனம் - விமர்சனம்

**ayyasamy ram** · **ayyasamy ram** Fri Sep 13, 2019 5:33 pm

அட்சய பாத்திரத்தில் எது போட்டாலும்,
அது பல மடங்கு பெருகும். மூன்று தலைமுறைக்கு முன்,
பால்காரர் அந்தோணி தாசனுக்கு அட்சய பாத்திரம்
கிடைக்க, அதை வைத்து பெரிய ஜமீன் ஆகிறார்.

திடீரென்று கொள்ளையர்கள் அட்சய பாத்திரத்தை
திருட முற்படும்போது, ஆற்றில் விழுந்து மறையும்
பாத்திரம், இந்த தலைமுறையில் சச்சுவின் கையில்
கிடைக்கிறது. அதில் அவர் 100 ரூபாய் நோட்டு ஒன்று
போட, அது பெருகி செல்வச்செழிப்புடன் வாழ
நினைக்கிறார். இதனால், போலீஸ் அவரை கைது
செய்கிறது.

சின்னச்சின்ன திருட்டுகள் செய்து பிழைக்கும்
ஜோதிகா, ரேவதி இருவரும் சிறையில் சச்சுவை
சந்திக்கும்போது, அட்சய பாத்திரம் பற்றிய தகவல்
தெரிகிறது.

பண்ணையார் ஆனந்தராஜ் வீட்டு மாட்டுத்
தொழுவத்தில் அட்சய பாத்திரம் புதைக்கப்பட்டு
உள்ளது. அதன்மீது முரட்டுக் காளை நின்று
கொண்டிருக்கிறது.

அந்த காளையை விரட்டி, ஆனந்தராஜை ஏமாற்றி
அட்சய பாத்திரத்தை எடுக்க வேண்டும். அதற்காக
ஜோதிகா, ரேவதி இருவரும் சேர்ந்து செய்யும்
தில்லுமுல்லு கலாட்டாக்கள்தான் படம்.

இதற்கிடையே, குடுகுடுப்பைக்காரனின் சாபத்தால்
ஒரு இளைஞனுக்கு யோகி பாபுவின் தோற்றம்
ஏற்படுகிறது.

இதனால் பதறும் அந்த இளைஞன், யோகி பாபுவின்
தோற்றத்தை மாற்ற ஜோதிகா அன்ட் ரேவதி டீமில்
இணைகிறார். பிறகு என்ன நடக்கிறது என்பது மீதி
கதை.

முகத்தை அஷ்டகோணல்ஆக்கி குளோசப்பில் மிரட்டும்
ஜோதிகா, பிறகு நாய்க்குட்டி மாதிரி குரைக்கிறார்.
பறந்து, பாய்ந்து சண்டை போடுகிறார். காக்க காக்க
சூர்யா மாதிரி, மழைநீரில் படுத்துக்கொண்டு பிளாஷ்
பேக்கை ஓடவிடுகிறார்.

‘ஓங்கி அடிச்சா 3 டன் வெயிட்டு. பாக்கறியா? பாக்கறியா?’
என்று சவுண்டு விடுகிறார். விஸ்வரூபம் கமல்ஹாசன்
மாதிரி, நமாஸ் பண்ணிவிட்டு வில்லன்களைப் பொளக்கிறார்.

‘அந்த காலத்துல நான் மண்வாசனை ரேவதி மாதிரி
இருந்தேனாக்கும்’ என்று நொந்து நூடுல்ஸ் ஆகும்
கேரக்டரில் ரேவதி. ஜோதிகாவின் சேட்டைகளுக்கு
ஒத்தாசை செய்கிறார்.

நான் கடவுள் ராஜேந்திரன் அவரை ஒன்சைடாக லவ்
பண்ணி லந்து கொடுக்கிறார். ஆனால், அனைவரையும்
ஓவர்டேக் செய்துவிடுகிறார் ஆனந்தராஜ்.

கூடுதலாக பெண் போலீஸ் கேரக்டரில் தோன்றும் அவரது
தோற்றமும், வெட்கமும், பேச்சும் அசத்தல் ரகம்.
விஷால் சந்திரசேகருடைய பின்னணி இசை ரசிக்க
வைக்கும் ரகம் என்றாலும், ஒரேமாதிரியான இசை சற்று
சலிப்பூட்டுகிறது.

ஆர்.எஸ்.ஆனந்த குமாரின் ஒளிப்பதிவில், ரங்கோலி
கோலம் மாதிரி படம் முழுக்க கலர்ஃபுல் ரகமாக இருக்கிறது.
ஆனந்தராஜ் மற்றும் மன்சூர் அலிகான் அன்ட் கோவை
ஜோதிகா, ரேவதி இருவரும் நிர்வாணமாக்கி விட்டு
செல்கின்றனர்.

இது மோசமான சிந்தனை. மனோபாலா, மைம் கோபி,
தேவதர்ஷினி, சமுத்திரக்கனி வீணடிக்கப்பட்டுள்ளனர்.
லாஜிக் இல்லை, நட்சத்திரப் பட்டாளம், டெக்னீஷியன்கள்
ஒத்துழைப்பு, பெரிய பட்ஜெட்டுக்கு தயாரிப்பாளர் தயார்
என்ற வசதிகளை சரியாக பயன்படுத்தி இருந்தால்,
டைரக்டர் கல்யாணுக்கு ஜாக்பாட் அடித்திருக்கும்.-
-------------------------------
தினகரன்