தரமான சாலைகளால் விபத்து: கர்நாடக துணை முதல்வர் கண்டுபிடிப்பு

**ayyasamy ram** · **ayyasamy ram** Fri 13 Sep 2019 - 7:46

-
பெங்களூரு:
தரமான சாலைகளால் தான், சாலை விபத்துகள் நடப்பதாக
கர்நாடக துணை முதல்வர் கோவிந்த் கர்ஜோல் கூறியுள்ளார்.

புதிய மோட்டார் வாகன திருத்தம் சட்டம் அமலுக்கு வந்துள்ளதை
தொடர்ந்து போலீசார் தீவிர வாகன சோதனையில் ஈடுபட்டு
வருகின்றனர். இதில் வசூலிக்கப்படும் அபராதங்களை குறைப்பது
தொடர்பாக மாநில அரசுகள் முடிவு செய்து கொள்ளலாம் என
மத்திய அரசு கூறியுள்ளது.

குஜராத்தில், அபராதம் குறைக்கப்பட்டது. மேலும் சில மாநிலங்கள்
அபராதத்தை குறைப்பது குறித்து பரிசீலனை செய்து வருகின்றன.

இந்நிலையில், கர்நாடக துணை முதல்வர் கோவிந்த் கர்ஜோல்
நிருபர்களிடம் கூறுகையில், கர்நாடகாவில், ஆண்டுதோறும்
10 ஆயிரம் விபத்துகள் நடக்கின்றன. இதற்கு மோசமான சாலைகள்
தான் காரணம் என மீடியாக்கள் குற்றம்சாட்டுகின்றன.

ஆனால், தரமான சாலைகளால் தான் விபத்துகள் ஏற்படுகிறது என
நான் நம்புகிறேன். பெரும்பாலான விபத்துகள் தேசிய நெடுஞ்
சாலைகளில் தான் நடக்கிறது. அதிக அபராதம் வசூலிப்பதை நான்
ஆதரிக்க மாட்டேன்.

கர்நாடகாவில், அபராதம் குறைப்பது குறித்து அமைச்சரவை
கூட்டத்தில் முடிவு செய்யப்படும். இவ்வாறு அவர் கூறினார்.
-
--------------------------------
தினமலர்