புதிய வாகன சட்டம் மேற்கு வங்கத்தில் அமல் இல்லை: மம்தா

**ayyasamy ram** · **ayyasamy ram** Thu Sep 12, 2019 6:05 am

கோல்கட்டா:
புதிய மோட்டார் வாகன சட்டம் மேற்கு வங்கத்தில்
அமல்படுத்தப்படாது என மேற்கு வங்க முதல்வர்
மம்தா பானர்ஜி தெரிவித்தார்.

வாகன விபத்துகளை குறைக்கும் நோக்கில், புதிய மோட்டார்
வாகன சட்டத்தை மத்திய அரசு கடந்த 1ம் தேதி (செப்.,1) நாடு
முழுவதும் அமல்படுத்தியது.

வாகன விதிகளை மீறுபவர்வர்களுக்கு கடும் அபராதம்
விதிக்கப்படும் வகையில் இச்சட்டம் அமைந்துள்ளது. தமிழகம்,
கேரளா உள்ளிட்ட சில மாநிலங்கள் இச்சட்டத்தை இன்னும்
அமல்படுத்தவில்லை.

அபராதத் தொகையை 50 சதவீதத்திற்கும் மேலாக குறைத்து
குஜராத் மாநில அரசு அறிவித்துள்ளது.

இதுகுறித்து தெரிவித்த மத்திய அமைச்சர் நிதின் கட்கரி,
போக்குவரத்து விதிமீறல்களுக்கான அபராதங்களை குறைப்பது
குறித்து, மாநில அரசுகள் முடிவு செய்து கொள்ளலாம் என
கூறியுள்ளார்.

இந்நிலையில், மேற்கு வங்கத்தில், புதிய வாகன சட்டம்
அமல்படுத்தப்படாது என அம்மாநில முதல்வர் மம்தா பானர்ஜி
தெரிவித்துள்ளார்.

இதுகுறித்து அவர் கூறியதாவது:

புதிய மோட்டார் வாகன சட்டத்தில் கொண்டுவரப்பட்ட
திருத்தங்களை, பார்லி.,யிலேயே நாங்கள் எதிர்த்தோம்.
இச்சட்டத்தை அமல்படுத்தினால், பொதுமக்களுக்கு அதிக
சுமை ஏற்படும். அதிக அபராதம் வசூலிப்பதால், பிரச்னை
சரியாகிவிடாது.

மனித நேயத்தின்படி நடவடிக்கை எடுக்க வேண்டும். எங்கள்
மாநில அரசு அதிகாரிகள், மக்களுக்கு அதிக சுமை என க
ருதுவதால், மேற்கு வங்கத்தில் இச்சட்டத்தை அமல்படுத்தப்
போவதில்லை. இவ்வாறு அவர் கூறினார்.
-
-----------------------------------
தினமலர்

புதிய வாகன சட்டம் மேற்கு வங்கத்தில் அமல் இல்லை: மம்தா

புதிய வாகன சட்டம் மேற்கு வங்கத்தில் அமல் இல்லை: மம்தா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக