மனைவிக்காக விமானத்தில் நின்று கொண்டே பயணம் செய்த கணவன் - வைரலாகும் ட்வீட்

மனைவிக்காக விமானத்தில் நின்று கொண்டே பயணம் செய்த கணவன் - வைரலாகும் ட்வீட்
மனைவி தூங்க வேண்டும் என்பதற்காக விமானத்தில் சுமார் 6 மணி நேரம் நின்று கொண்டே பயணம் செய்தததாக வெளியான ஒரு ட்வீட் ஒன்று வைரலாக பரவி வருகிறது. இந்த உலகில் அன்பும், பாசமும் எந்த விலை கொடுத்தும் வாங்க முடியாது. ஒருவரிடம் இருந்து அன்பையும் பாசத்தையும் பெற வேண்டுமானால் அவர்களுக்கு நாம் முதலில் அதைக் காட்ட வேண்டும்.

ஒருவர் எப்பொழுதும் நம் அன்பையும் பாசத்தையும் உணரத் துவங்குகிறாரோ அப்பொழுது அவரை அறியாமலேயே அதை நமக்கு வழங்கத் துவங்கிவிடுவார்.
இப்படியாக தன் மனைவி மீது அன்பு வைத்த கணவர் ஒருவரின் புகைப்படம் தான் இன்றைய டிரெண்டிங் புகைப்படம் . ட்விட்டரில் கோர்ட்னே லீ ஜான்சன் என்பவர் தனது ட்விட்டர் பக்கத்தில் ஒரு புகைப்படத்தைப் பகிர்ந்திருந்தார்.



அது விமானத்தில் எடுக்கப்பட்ட புகைப்படம். அதில் ஒரு பெண் விமான சீட்டில் படுத்திருக்க ஒரு ஆண் அந்த சீட்டின் அருகே நின்று கொண்டிருக்கிறார்.
அந்த புகைப்படத்தைப் பதிவிட்டவர் அதில் இந்த மனிதர் தன் மனைவி உறங்க வேண்டும் என்பதற்காக சுமார் 6 மணி நேரம் நின்று கொண்டே பயணித்தார். இது தான் உண்மையான காதல் எனப் பதிவிட்டிருந்தார்.
இந்தப் பதிவு மிக வைரலாகப் பரவிக்கொண்டிருக்கிறது. இதை சுமார் 15 ஆயிரத்திற்கும் மேற்பட்டோர் லைக் செய்து விட்டனர். 3 ஆயிரத்திற்கும் மேற்பட்டோர் டுவிட் செய்துவிட்டனர்.

நன்றி சமயம்

ரமணியன்

நம்பக்கூடியதாக இல்லை.
பரபரப்பை உண்டாக்குவதற்காக செய்யப்பட்ட பதிவு போல் தோன்றுகிறது.
1 . விமானத்தில் செல்லும் போது நாம் உட்கார்ந்து இருந்தாலும் சீட் பெல்ட்டை
மாட்டிக்கொண்டு உட்காருங்கள் என அறிவுறுத்தப்படுகிறது. சில பேருக்கு உட்கார்ந்துகொண்டே இருந்தால் தசைகளில் பிடிப்பு ( cramps )ஏற்படும்.
அப்போது அவர்கள் எழுந்து நின்று சாதாரண நிலைக்கு வரமுயற்சிப்பார்கள்.
6 மணி நேரம் நின்று கொண்டே வருவதற்கு விமான விதிகள் அனுமதித்து இருக்காது .
மேலும் அந்த போட்டோவை பாருங்கள். அது மூன்று இருக்கை வசதிகொண்டது.
அந்த மனிதரும் மூன்றாவது இருக்கை அருகே நிற்கிறார். மூன்றாவது இருக்கையில் அவர்
அமர்ந்து, மனைவியின் தலையை தன் துடையில் வைத்துக்கொண்டு
"மடி மீது தலை வைத்து,
விடியும் வரை
உறங்குவாய்" என மனதிற்குள்ளாகவே பாடி இருக்கலாம்.

மூல பதிவு எதற்காக கோர்ட்டினி அவர்கள் பதிவிட்டார், யார் அறிவார்.

ரமணியன்

சந்தேகமாக தான் இருக்கு. ஆனா அந்த இளைஞர் Courtney Lee Johnson , பைபிள் மத ஆர்வலரும்,Y &E அமைப்பில் உள்ள ஒரு தொழிலதிபரும் ஆவார். பொய்யாக வெளியிடுவாரா என்ற கேள்வியும் எழுகிறது. ஆபிரிக்க இளைஞர்களின் தற்கொலைக்கு எதிரான அமைப்பில் இருப்பதால் இளைஞர்களுக்கு அன்பை உணர்த்த எழுந்து நிற்கும் போது எடுத்த படத்தை வெளியிட்டு உணர செய்திருக்கலாம்.

தற்கொலைக்கு எதிராக தொலைக்காட்சிகளில் அடிக்கடி வருவார்.

6 மணி நேரம் விமானத்தில் நின்றுகொண்டு வர அனுமதிப்பார்களா என்பதுதான்
எந்தன் முதல் சந்தேகம்.
இரண்டாவதாக வருவது "மடிமீது தலைவைத்து ............."

போகட்டும் ...கொடுத்து வச்ச மகராசி .......

ரமணியன்