முகத்தில் புன்னகையோடு வலம் வந்தேன்...!!

by **ayyasamy ram** Fri Sep 06, 2019 5:20 pm

*முகத்தில் புன்னகையோடு
வலம் வந்தேன்*
*கள்ளச்சிரிப்பு " என்றார்கள்*

*கோபங் கொண்டேன்*
*சிடுமூஞ்சி" என்றார்கள்.*

*அதிகம் பேசாமலிருந்தேன்,*
*ஊமையன்" என்றார்கள்.*

*சளசளவென்று பேசினேன்...!!*
*ஓட்டவாய் " என்றார்கள்.*

*புதிய தகவல்களை பரிமாறினேன்*
*கருத்து கந்தசாமி " என்றார்கள்.*

*அவர்கள் வார்த்தைகளுக்கு செவி சாய்த்தேன்,*
* ஜால்ரா " என்றார்கள்.*

*எல்லா செயல்களிலும்*
*முன் நின்று செய்தேன்....!!*
*முந்திரிக்கொட்டை என்றார்கள்.*

*அவர்களைப் பின் தொடர்ந்தேன்,*
*நடிப்பு" என்றார்கள்.*

*யாரைப் பார்த்தாலும் வணங்கினேன்*
* ஏமாற்றுக்காரன்" என்றார்கள்.*

*வணங்குவதை நிறுத்தினேன்*
*தலைக்கனம் என்றார்கள்.*

*ஆலோசனை வழங்கினேன்,*
*படிச்ச திமிர்" என்றார்கள்.*

*சுயமாக முடிவெடுத்தேன்*
* அதிபுத்திசாலி* "
*என்றார்கள்*

*நான் கண்ணீர் விட்டு அழுததால்*
*வேஷக்காரன்" என்றார்கள்.*

*நான் சிரித்த போதெல்லாம்,*
*மறை கழண்டுப் போச்சு" என்றார்கள்*

*எதிர்கேள்வி கேட்டால்,*
*வில்லங்கம் என்றார்கள்*

*ஒதுங்கி இருந்தால்,*
*பயந்தாங்கொள்ளி என்றார்கள்.*

*உரிமைக்குப் போராடினால்,*
*கலகக்காரன் " என்றார்கள்.*

*எதற்கும் கலங்காமல் இருந்தால்,*
*கல் நெஞ்சன்" என்றார்கள்.*

*நாலு பேர் என்ன நினைப்பார்கள்.....?*

*"நாலுபேர் என்ன பேசுவார்கள்......?"*

*யாரோ நாலு பேருக்காக வாழ்ந்தேன்...!!*

*தொலைவில் கிடந்தது என் வாழ்க்கை.......!!*

*அந்த நாலு பேரை கழற்றி விட்டு......*

*என்னை அறிந்து கொண்டேன்*

*துலங்கத் துவங்கியது*
*எனக்கான வாழ்வின் துளிர்..*

*வாழ்கிறேன் முழுமையாக, இன்பமாக*
*குறிப்பாக*
*மிக நிம்மதியாக*
-
--------------------------------
படித்தேன் பிடித்தது.
பகிர்கிறேன்.

by **T.N.Balasubramanian** Fri Sep 06, 2019 6:03 pm

ஆம் மற்றவர்கள் கணிப்பு அவரவர் அப்போதைய நிலையை பொறுத்தது.
நமக்கு நாமே சரியானதை செய்யவேண்டும்.

ரமணியன்

by Guest Fri Sep 06, 2019 6:19 pm

by Sponsored content

முகத்தில் புன்னகையோடு வலம் வந்தேன்...!!

முகத்தில் புன்னகையோடு வலம் வந்தேன்...!!

Re: முகத்தில் புன்னகையோடு வலம் வந்தேன்...!!

Re: முகத்தில் புன்னகையோடு வலம் வந்தேன்...!!

Re: முகத்தில் புன்னகையோடு வலம் வந்தேன்...!!