இரவில் நன்கு தூக்கம் வர பாட்டி வைத்தியம்

by **ayyasamy ram** Sun Sep 01, 2019 7:49 am

இரவில் தூங்குவதற்கு முன்பு ஒரு டம்ளர் பாலை
நன்கு சுட வைத்து அதில் இரண்டு பல் பூண்டை
போட்டு குடித்து வந்தால் இரவில் தூக்கம் வரும்.
அதோடு இதன் மூலம் செரிமான பிரச்சனைகள்
தீருவதோடு உடலில் உள்ள தேவையற்ற கழிவுகள்
நீங்கும்.
–
துளசி, வில்வம், மணலிக் கீரை ஆகிய மூன்றையும்
சம அளவு எடுத்துக்கொண்டு நன்கு காயவைத்து
பொடி செய்து இரவு தூங்குவதற்கு ஒரு மணி நேரம்
முன்பு 2 கிராம் அளவு சாப்பிட்டு வந்தால்
தூக்கமின்மை பிரச்சனை தீரும்.
-
தண்ணீரில் ஜீரகம் சேர்த்து கொதிக்கவைத்து,
அதோடு சிறிதளவு தேன் கலந்து இரவில் குடித்துவர
தூக்கமின்மை பிரச்சனை தீரும்.
-
வெள்ளை மிளகு, ரோஜாப்பூ, சுக்கு ஆகிய மூன்றையும்
50 கிராம் அளவு எடுத்துக்கொண்டு நன்கு அரைத்து
பொடி செய்து வைத்துக்கொண்டு, காலை மாலை
என இருவேளையும் சாப்பிட்டு வந்தால் தூக்கமின்மை
பிரச்சனை தீரும்.
-
தூக்கமின்மை பிரச்சனை தீர தயிர் ஒரு நல்ல தீர்வாக
உள்ளது. தினமும் மூன்று கப் அளவு தயிரை
உட்கொண்டு வந்தால் தூக்கமின்மை பிரச்சனை தீரும்.
-
இதே போல வாழைப்பழமும் தூக்கமின்மை
பிரதச்சனையை போக்கும். ஆகையால் இரவில்
தூங்குவதற்கு முன்பு ஒரு வாழைப்பழம் சாப்பிட்டு
வந்தால் தூக்கமின்மை பிரச்சனை தீரும்.
-
தூங்குவதற்கு ஒரு மணி நேரம் முன்பு இரவு உணவை
உண்பது, தினமும் சரியான நேரத்தில் தூங்க செல்வது,
உணவில் கீரையை சேர்த்துக்கொள்வது போன்ற சில
விடயங்களை கடைபிடிப்பதன் மூலம் தூக்கம் நன்றாக
வரும்.
-------------
படித்ததில் பிடித்தது