கைது செய்யப்படுகிறாரா ப.சிதம்பரம்?

by **T.N.Balasubramanian** Tue Aug 20, 2019 4:17 pm

கைது செய்யப்படுகிறாரா ப.சிதம்பரம்? ஐ.என்.எக்ஸ் மீடியா வழக்கில் முன் ஜாமீன் மனு தள்ளுபடி!

கடந்த காங்கிரஸ் ஆட்சியின் போது மத்திய நிதியமைச்சராக ப.சிதம்பரம் பதவி வகித்தார். இந்நிலையில் கடந்த 2007ஆம் ஆண்டு ஐ.என்.எக்ஸ் மீடியா நிறுவனத்தில் ரூ.305 கோடி அந்நிய நேரடி முதலீட்டிற்கு அனுமதி அளிக்கப்பட்டது.

இதில் முறைகேடு நடந்ததாக குற்றச்சாட்டு எழுந்தது. இந்த அனுமதி விவகாரத்தில் ப.சிதம்பரத்தின் மகன் கார்த்தி சிதம்பரத்திற்கு சொந்தமான நிறுவனத்திற்கு லஞ்சம் கொடுக்கப்பட்டதாக புகார் கூறப்பட்டது.
இதுகுறித்து சிபிஐ மற்றும் அமலாக்கத்துறை வழக்குப்பதிவு செய்து விசாரித்து வருகின்றனர். இதையடுத்து ஐ.என்.எக்ஸ் மீடியா வழக்கில் தன்னை கைது செய்யாமல் இருக்க, ப.சிதம்பரம் முன் ஜாமீன் கோரி டெல்லி உயர்நீதிமன்றத்தில் மனு தாக்கல் செய்திருந்தார்.
இந்த மனுவை விசாரித்த நீதிபதிகள், ப.சிதம்பரத்தை கைது செய்ய இடைக்கால தடை விதித்து உத்தரவிட்டனர். இதற்கிடையில் ப.சிதம்பரம் விசாரணைக்கு உரிய ஒத்துழைப்பு அளிக்கவில்லை என்று சிபிஐ மற்றும் அமலாக்கத்துறை நீதிமன்றத்தில் முறையிட்டன.
எனவே அவரைக் காவலில் எடுத்து விசாரிக்க அனுமதி அளிக்க வலியுறுத்தின. இந்நிலையில் முன் ஜாமீன் கோரி, ப.சிதம்பரம் தாக்கல் செய்த மனு மீதான விசாரணையில், அதனை தள்ளுபடி செய்து டெல்லி உயர்நீதிமன்றம் இன்று உத்தரவிட்டுள்ளது.

அதேசமயம் மேல்முறையீடு செய்ய 3 நாட்கள் கால அவகாசம் அளிக்கப்பட்டுள்ளது. இந்நிலையில் ப.சிதம்பரம் எந்நேரமும் கைது செய்யப்படலாம் என்று பரபரப்பு ஏற்பட்டுள்ளது.

நன்றி சமயம்

ரமணியன்

by Guest Tue Aug 20, 2019 6:32 pm

கைது செய்யப்படுகிறாரா ப.சிதம்பரம்? 1571444738

சும்மா சும்மா ஏன் ஜாமின்,முன்ஜாமீன்,பின்ஜாமின்.
வழக்கை விசாரித்து முடிக்க வேண்டியது தானே!

by **T.N.Balasubramanian** Tue Aug 20, 2019 6:51 pm

வாய்தா மேல் வாய்தா என தப்பித்துக்கொண்டு இருக்கும்
அரசியல் தலைகள் . சாதாரண குடிமகனுக்கு இந்த சலுகைகள் இல்லை போலிருக்கு.
மிகவும் வருத்தப்படவேண்டிய விஷயம்.

2 / 3 மேல் வாய்தா கொடுக்கவே கூடாது.என சட்டம் ஒன்று வரவேண்டும்.

ரமணியன்

by **T.N.Balasubramanian** Wed Aug 21, 2019 2:21 pm

ஒருவர் : சிதம்பரம் எங்கே?
மற்றவர் : சொல்லமாட்டேன்.அது சிதம்பர ரஹஸ்யம்
-----------------------------------------------------------------------------------------------
சோனியா காந்தி (ராகுலிடம்) சிதம்பரம் எங்கே?
ராகுல். : கடலூருக்கும் சீர்காழிக்கும் மத்தியில்.
-------------------------------------------------------------------------------------------------
நன்றி வாட்ஸப்

ரமணியன்

by **M.Jagadeesan** Wed Aug 21, 2019 5:03 pm

சிதம்பரத்தின் மீது நடவடிக்கை எடுப்பது சரிதான் ; உப்பு தின்னவன் தண்ணி குடிச்சுதான் ஆகணும் . ஆனால் தமிழ்நாட்டில் குட்கா ஊழல் சந்தி சிரித்தது . அமைச்சர் வீட்டில் ரெய்டு நடத்தி KK நகர் தேர்தலில் லஞ்சம் கொடுத்ததற்கான ஆதாரங்கள் சிக்கின . ஆனால் இதுவரையில் எந்த நடவடிக்கையும் இல்லை . அங்குதான் BJP யின் நேர்மை சந்தி சிரிக்கிறது . ஏனென்றால் ADMK அவர்களது அடிமை !

by **T.N.Balasubramanian** Wed Aug 21, 2019 6:13 pm

M.Jagadeesan wrote:சிதம்பரத்தின் மீது நடவடிக்கை எடுப்பது சரிதான் ; உப்பு தின்னவன் தண்ணி குடிச்சுதான் ஆகணும் . ஆனால் தமிழ்நாட்டில் குட்கா ஊழல் சந்தி சிரித்தது . அமைச்சர் வீட்டில் ரெய்டு நடத்தி KK நகர் தேர்தலில் லஞ்சம் கொடுத்ததற்கான ஆதாரங்கள் சிக்கின . ஆனால் இதுவரையில் எந்த நடவடிக்கையும் இல்லை . அங்குதான் BJP யின் நேர்மை சந்தி சிரிக்கிறது . ஏனென்றால் ADMK அவர்களது அடிமை !

மேற்கோள் செய்த பதிவு: 1302638

பதிவு # 3 ஐ பாருங்கள். நேர்மையே என்ன விலை நீ?

ரமணியன்

by **ayyasamy ram** Wed Aug 21, 2019 6:31 pm

போராடிய ப.சிதம்பரம் தரப்பு
ப.சிதம்பரம் தரப்பில் மேல்முறையீட்டு மனுவை அவசரமாக விசாரிக்கும்படி நீதிபதி என்.வி.ரமணாவிடம் கோரிக்கை வைத்தனர். ஆனால், வழக்கை விசாரிக்க மறுத்த நீதிபதி ரமணா, இந்த மனுவை தலைமை நீதிபதி ரஞ்சன் கோகாய்க்கு அனுப்பி வைத்தார்.

தலைமை நீதிபதி ரஞ்சன் கோகாய் தலைமையிலான அரசியல் சாசன அமர்வு, அயோத்தி வழக்கை விசாரித்து வருவதால் ப.சிதம்பரம் மனுவை அவசரமாக விசாரிக்க மறுத்துவிட்டது.

எனவே, இன்று பிற்பகல் மீண்டும் நீதிபதி என்.வி.ரமணாவிடம் ப.சிதம்பரம் தரப்பு வழக்கறிஞர்கள் முறையிட்டனர். அப்போது, “உங்கள் வழக்கை இன்றைய விசாரணைக்கு பட்டியலிடப்படாத நிலையில் எப்படி விசாரிக்க முடியும்? உங்கள் மேல்முறையீட்டு மனுவில் பிழைகள் உள்ளன. அந்த பிழைகளை சரி செய்து புதிய மனுவை தாக்கல் செய்யுங்கள். அந்த மனு பட்டியலிடப்பட்டு அதன்பிறகு விசாரணை நடத்தப்படும்” என்று நீதிபதி ரமணா தெரிவித்தார்.

இந்நிலையில், நாளை மறுநாள் (ஆக.23) இந்த மனு விசாரணைக்கு எடுத்துக் கொள்ளப்படும் என உச்ச நீதிமன்றம் தெரிவித்துள்ளது.

இந்தியன் எக்ஸ்பிரஸ்-தமிழ்