ஊருசனம் தூங்கிருச்சு.. ஊதக்காத்தும் அடிச்சிருச்சு

**ayyasamy ram** · **ayyasamy ram** Sat Aug 10, 2019 3:32 pm

"தலைவனை எண்ணி தலைவி பசலை நோயில் வாடுறா...
இரவு நேரம் ... தூக்கம் வரல... பாடுறா இப்படி"

"நள்ளென்றன்றே யாமம்; சொல் அவிந்து
இனிது அடங்கினரே மக்கள்; முனிவு இன்று
நனந்தலை உலகமும் துஞ்சும்;
ஓர்யான் மன்ற துஞ்சா தானே"

இது குறுந்தொகையில பதுமனார் பாடிய செய்யுள்...
இதை கண்ணதாசன் எளிமையாக்கி இப்படி பாடினாரு

"பூவுறங்குது பொழுதும் உறங்குது நீயுறங்கவில்லை நிலவே
கானுறங்குது காற்றும் உறங்குது நானுறங்கவில்லை"
அப்படின்னு

கங்கை அமரன், அதையும் இன்னும் எளிமையா
ஆக்கிபுட்டாரு

"ஊருசனம் தூங்கிருச்சு.. ஊதக்காத்தும் அடிச்சிருச்சு
பாவிமனம் தூங்கலையே அதுவும் ஏனோ தெரியலையே"...
அதாங்க கங்கை அமரன்!!!!
-
படித்ததில் பிடித்தது

**ayyasamy ram** · **ayyasamy ram** Sat Aug 10, 2019 3:34 pm

படம் : மெல்லத் திறந்தது கதவு
பாடியவர் : ஜானகி
இசை அமைப்பாளர் : இளையராஜா
வரிகள் : கங்கை அமரன்
நடிகர்கள் : மோகன், ராதா
=================================

ஊரு சனம் தூங்கிருச்சு ஊதக் காத்தும் அடிச்சிருச்சு
பாவி மனம் தூங்கலையே அதுவும் ஏனோ புரியலையே

(ஊரு சனம்)

குயிலு கருங்குயிலு மாமன் மனக்குயிலு
கோலம் போடும் பாட்டாலே
மயிலு இளம் மயிலு மாமன் கவிக்குயிலு
ராகம் பாடும் கேட்டாலே சேதி சொல்லும் பாட்டாலே
உன்ன எண்ணி நானே உள்ளம் வாடிப்போனேன்
கன்னிப் பொண்ணுதானே என் மாமனே என் மாமனே
ஒத்தயிலே அத்தமக ஒன்ன நெனச்சு ரசிச்ச மக
கண்ணு ரெண்டும் மூடலையே காலம் நேரம் கூடலையே

(ஊரு சனம்)

மாமன் ஒதடு பட்டு நாதம் தரும் குழலு
நானா மாறக் கூடாதா
நாளும் தவமிருந்து நானும் கேட்ட வரம்
கூடும் காலம் வாராதா மாமன் காதில் ஏறாதா
நெலாக் காயும் நேரம் நெஞ்சுக்குள்ளே பாரம் மேலும் மேலும்
ஏறும் இந்த நேரந்தான் இந்த நேரந்தான்
ஒன்ன எண்ணி பொட்டு வெச்சேன் ஓலைப் பாய போட்டு வெச்சேன்
இஷ்டப்பட்ட ஆச மச்சான் என்ன ஏங்க ஏங்க வெச்சான்

(ஊரு சனம்)

பாடலின் ஒளிச்செருகல் இங்கே

Guest · Guest Sat Aug 10, 2019 3:54 pm

ஊருசனம் தூங்கிருச்சு.. ஊதக்காத்தும் அடிச்சிருச்சு 1571444738

இதுவரை கேட்காத சொல்- ஒளிச்செருகல்.

**ayyasamy ram** · **ayyasamy ram** Sat Aug 10, 2019 5:36 pm

படம்- தாய் சொல்லைத் தட்டாதே
பாடல்- கண்ணதாசன்
இசை- கே.வி.மகாதேவன்
பாடியவர்- பி.சுசீலா
========================

பூவுறங்குது பொழுதும் உறங்குது நீ யுறங்கவில்லை நிலவே
கானுறங்குது காற்றும் உறங்குது நானுறங்கவில்லை
நானுறங்கவில்லை
பூவுறங்குது பொழுதும் உறங்குது நீ யுறங்கவில்லை நிலவே
கானுறங்குது காற்றும் உறங்குது நானுறங்கவில்லை
நானுறங்கவில்லை

மானுறங்குது மயிலும் உறங்குது மனம் உறங்கவில்லை
மானுறங்குது மயிலும் உறங்குது மனம் உறங்கவில்லை என்
வழியுறங்குது மொழியும் உறங்குது விழியுறங்கவில்லை

பூவுறங்குது பொழுதும் உறங்குது நீ யுறங்கவில்லை நிலவே
கானுறங்குது காற்றும் உறங்குது நானுறங்கவில்லை
நானுறங்கவில்லை

தென்றலிலே எனது உடல் தேய்ந்தது பாதி அது
தின்றதெல்லாம் போக இங்கே இருப்பது மீதி
திங்கள் நீயும் பெண்குலமும் ஒருவகை ஜாதி
திங்கள் நீயும் பெண்குலமும் ஒருவகை ஜாதி
தெரிந்திருந்தும் சொல்ல வந்தாய் என்னடி நீதி?

பூவுறங்குது பொழுதும் உறங்குது நீ யுறங்கவில்லை நிலவே
கானுறங்குது காற்றும் உறங்குது நானுறங்கவில்லை
நானுறங்கவில்லை
-
--------------------

Sponsored content · Sponsored content

ஊருசனம் தூங்கிருச்சு.. ஊதக்காத்தும் அடிச்சிருச்சு

ஊருசனம் தூங்கிருச்சு.. ஊதக்காத்தும் அடிச்சிருச்சு

Re: ஊருசனம் தூங்கிருச்சு.. ஊதக்காத்தும் அடிச்சிருச்சு

Re: ஊருசனம் தூங்கிருச்சு.. ஊதக்காத்தும் அடிச்சிருச்சு

Re: ஊருசனம் தூங்கிருச்சு.. ஊதக்காத்தும் அடிச்சிருச்சு

Re: ஊருசனம் தூங்கிருச்சு.. ஊதக்காத்தும் அடிச்சிருச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக