50 பைசாவில் வெளிவரும் அஞ்சல் அட்டைகளுக்கு மூடு விழா நடத்துவதா?: தமிழ்நாடு முஸ்லிம் லீக் கடும் கண்டனம்

**ayyasamy ram** · **ayyasamy ram** Tue Aug 06, 2019 7:46 am

சென்னை:
ஐம்பது பைசாவில் வெளிவரும் அஞ்சல் அட்டைகளுக்கு
மூடு விழா நடத்துவதா என்று தமிழ்நாடு முஸ்லிம் லீக் கட்சி
கடும் கண்டனம் தெரிவித்துள்ளது.

தமிழ்நாடு முஸ்லிம் லீக் தலைவர் வி.எம்.எஸ்.முஸ்தபா
வெளியிட்ட அறிக்கை:

இந்திய அஞ்சல் துறை மொத்தம் 154000 அஞ்சல்
அலுவலகங்களை கொண்ட உலகின் மிகப்பெரிய
துறையாகும். அஞ்சல் துறையின் மூலம் அஞ்சல் தலை,
அஞ்சல் அட்டை, கடித உறைகள், பதிவு அஞ்சல், அஞ்சலம்
மூலம் பணம், அனுப்புதல், அஞ்சல் மூலம் பொருட்கள்
அனுப்புதல், உள்நாட்டு மற்றும் வெளிநாட்டு அஞ்சல் சேவை,
மின்னணு அஞ்சல், இணையவழி பில் தொகை செலுத்துதல்,
விரைவு தபால் சேவை, செல்வமகள் சேமிப்பு திட்டம், வங்கி
சேமிப்பு கணக்கு உள்ளிட்ட பல சேவைகளை நாடு முழுவதும்
உள்ள தபால் நிலையங்கள் மேற்கொண்டு வருகின்றன.

நாடு முழுவதும் தபால் சேவைகளை லட்சக்கணக்கான மக்கள்
பயன்படுத்தி வருகின்றனர்.

அந்த வகையில் அஞ்சல் அட்டைகளை தொண்டு நிறுவனங்கள்,
சமூக சேவகர்கள், சுதந்திர போராட்ட தியாகிகள் அமைப்பு
என பல்வேறு சிறு,சிறு அமைப்பினர் உள்பட மக்களும் அஞ்சல்
அட்டை சேவையை பயன்படுத்தி வருகின்றனர். இப்படி
50 காசில் வெளிவரும் இந்த அஞ்சல் அட்டைகளுக்கு மூடுவிழா
நடத்த மத்திய அரசு முடிவு செய்துள்ளது வேதனை அளிக்கிறது.

ஏற்கனவே, 160 ஆண்டு சேவையான தந்தி சேவையை 2013ம்
ஆண்டு மத்திய அரசு நிறுத்தி விட்டது. இந்த நிலையில், தற்போது
அஞ்சல் அட்டைகளுக்கு மூடு விழா நடத்த இருப்பது, தபால்
துறையை சீர்குலைக்கும் நடவடிக்கையில் மத்திய அரசு
ஈடுபட்டுள்ளதோ என சந்தேகம் ஏற்படுகிறது.

ஆகவே பாமர மக்கள் பயன்படுத்தி வரும் அஞ்சல் அட்டை விற்பனை
உடனடியாக தொடங்க மத்திய அரசு நடவடிக்கை மேற்கொள்ள
வேண்டும். இவ்வாறு அறிக்கையில் கூறப்பட்டுள்ளது.
-
---------------------------
தினகரன்

50 பைசாவில் வெளிவரும் அஞ்சல் அட்டைகளுக்கு மூடு விழா நடத்துவதா?: தமிழ்நாடு முஸ்லிம் லீக் கடும் கண்டனம்

50 பைசாவில் வெளிவரும் அஞ்சல் அட்டைகளுக்கு மூடு விழா நடத்துவதா?: தமிழ்நாடு முஸ்லிம் லீக் கடும் கண்டனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக