கடல் கடந்து வந்து கரகம் கற்கும் 7 வயது சிறுமி

-
தஞ்சாவூர்:
தமிழர்களின் பாரம்பரிய கலையான, கரகாட்டத்தை,
குவைத் நாட்டைச் சேர்ந்த, 7 வயது சிறுமி கற்று
வருகிறார்.

தமிழர்களின் பாரம்பரிய கலைகளில் ஒன்று, கரகாட்டம்.
கோவில் திருவிழாக்களிலும், மேடை நிகழ்ச்சிகளில்,
கரகாட்டம் ஆடப்பட்டு வருகிறது. தற்போது, இதற்கு
வரவேற்பு குறைந்து வருவதால், இதை கற்றுக் கொள்ள,
யாரும் ஆர்வம் காட்டுவதில்லை.

திருவாரூரைச் சேர்ந்த, பழனி — சரஸ்வதி தம்பதி,
மத்திய கிழக்கு நாடான, குவைத்தில், சொந்தமாக ஓட்டல்
நடத்தி வருகின்றனர். இவர்களின் மகள், தனஸ்ரீ, 7. இவர்,
அங்குள்ள கார்மல் பள்ளியில், இரண்டாம் வகுப்பு படித்து
வருகிறார்.கடந்த ஆண்டு, ‘குவைத் தமிழர் திருவிழா’ என்ற
நிகழ்ச்சியில், கரகாட்டம் ஆடி அசத்தினார்.

இதையடுத்து, தனஸ்ரீக்கு, கரகாட்டத்தில் ஆர்வம் உள்ளதை
அறிந்த பெற்றோர், முறைப்படி, மகளுக்கு கற்றுத் தர
வேண்டும் என்பதற்காக, பள்ளி விடுமுறை நாட்களில்,
குவைத் நாட்டிலிருந்து, தஞ்சைக்கு அழைத்து வந்து, கரகம்
கற்றுக் கொடுக்கின்றனர்.

தஞ்சையில் உள்ள ரெட்டிபாளையம், ‘கலைமாமணி’ விருது
பெற்ற, தேன்மொழி ராஜேந்திரன் என்பவரிடம், தனஸ்ரீ,
இரண்டு ஆண்டுகளாக, கரகாட்டம் கற்று வருகிறார்.சிறுமி
தனஸ்ரீ, பலகை மற்றும் தட்டு மேல் நின்று ஆடுதல் போன்ற
நுணுக்கமான ஆட்டங்களை ஆடி அசத்தி வருகிறார்.

கரகாட்டம் கற்றுக் கொள்வது, மிக எளிதாக உள்ளது.
இக்கலையை, முழுமையாக கற்று, குவைத்தில் கற்றுக்
கொடுக்க வேண்டும். கரகாட்டத்தில், ‘கின்னஸ்’ சாதனை
செய்ய வேண்டும்

கரகாட்டம் கற்கும், சிறுமியின் ஆர்வம், வியக்க வைத்துள்ளது.
தெற்கத்திய நையாண்டி, துர்த நையாண்டி, தெம்மாங்கு,
சதுஸ்ர நடை என அனைத்தையும், சிறப்பாக ஆடி வருகிறாள்
தேன்மொழி ராஜேந்திரன், கரகாட்ட ஆசிரியர்
---------------
தினமலர்