இந்தியா - இலங்கை 5 ஆவது போட்டி ரத்து

கவிக்காதலன் · கவிக்காதலன் Sun Dec 27, 2009 11:22 pm

இந்தியா - இலங்கை இடையேயான 5வது மற்றும் இறுதி ஒருநாள் போட்டி, டெல்லியில் இன்று காலை தொடங்கிய நிலையில், ஆடுகளம் அபாயகரமாக மாறியதால் ஆட்டம் பாதியிலேயே ரத்து செய்யப்பட்டது.

இந்தியா இலங்கை இடையிலான டெஸ்ட் மற்றும் 20 ஓவர் போட்டிகள் முடிவடைந்து ஒரு நாள் போட்டித் தொடர் நடைபெற்று வந்த நிலையில், கொல்கத்தாவில் நடைபெற்ற 4 ஆவது ஒருநாள் போட்டியில் அபார வெற்றி பெற்ற இந்தியா, தொடரை 3-1 என்ற கணக்கில் கைப்பற்றியது.

இந்நிலையில் இரு அணிகளுக்குமிடையேயான 5-வது மற்றும் கடைசி ஒரு நாள் கிரிக்கெட் போட்டி டெல்லி பெரோசா கோட்லா மைதானத்தில் இன்று காலை தொடங்கியது.

டாஸ் வென்ற இந்தியா, பந்து வீச்சை தேர்வு செய்வதாக அறிவித்ததைத் தொடர்ந்து, இலங்கை வீரர்கள் பேட்டிங்கில் இறங்கினர்.

ஆட்டம் தொடங்கிய நிலையில், முதல் பந்திலேயே இலங்கை வீரர் ஆட்டமிழந்தார்.

இந்நிலையில், இலங்கை அணி 23.4 ஓவரில் 5 விக்கெட் இழப்புக்கு 83 ரன் எடுத்திருந்தபோது மோசமான ஆடுகளம் (பிட்ச்) காரணமாக ஆட்டம் நிறுத்தப்பட்டது.

முதல் பந்திலிருந்தே மிகவும் அபாயகரமான முறையில் பந்துகள் போகத் தொடங்கின. பிட்ச்சில் பட்ட பந்துகள் எல்லாம் தாறுமாறாக திரும்பியதால் வீரர்கள் பேட்டிங் செய்ய முடியாத நிலை ஏற்பட்டது. ஒரு பந்து திலகரத்னே தில்ஷானின் தோள்பட்டையில்பட்டு காயப்படுத்தியது.

இந்நிலையில், 23.4 ஓவர் வரை போட்டி தடுமாற்றாமாக போய்க்கொண்டிருந்தபோது இலங்கை வீரர் திலன் கண்டம்பி, இந்திய கேப்டனிடம் ஆடுகளம் குறித்து விவாதித்தார்.

பின்னர் நடுவர்களிடமும் ஆட முடியாத நிலை இருப்பதாக திலன் கண்டம்பி புகார் செய்தார்.இதை நடுவர்கள் ஏற்றுக் கொண்டதையடுத்து வீரர்களை பெவிலியன் திரும்புமாறு கேப்டன் சங்கக்காரா உத்தரவிட்டார். போட்டி ரத்து செய்யப்படுவதாக அறிவிக்கப்பட்டது.

நடுவர்களும் போட்டியை ரத்து செய்வதாக அறிவித்ததைத் தொடர்ந்து, ஆட்டம் கைவிடப்பட்டது.

இந்நிலையில், மோசமான ஆடுகளம் காரணமாக போட்டி ரத்து செய்யப்பட்டதற்கு, டெல்லி மாவட்ட கிரிக்கெட் சங்கம் மன்னிப்பு கோரியுள்ளது.

ரசிகர்களுக்கும், மற்றவர்களுக்கும் இதனால் ஏற்பட்ட சிரமங்களுக்காக அவர்களிடம் தாங்கள் மன்னிப்புக் கேட்டுக்கொள்வதாகவும், எதிர்காலத்தில் இதுபோன்று மறுபடியும் நிகழாதவாறு பார்த்துக்கொள்வதாகவும் தெரிவித்துள்ளது.

மேலும் ரசிகர்களிடம் வசூலிக்கப்பட்ட டிக்கெட் கட்டணம் அனைத்தும் திருப்பி வழங்கப்படும் என்றும் அது கூறியுள்ளது.

போட்டி ரத்து செய்யப்பட்டதால் டிக்கெட் வாங்கி போட்டியைக் காண வந்த ரசிகர்கள் ஆத்திரமடைந்து ரகளையில் ஈடுபட்டனர்.

மைதானத்தில் இருந்த நாற்காலிகளை வீசி உடைத்தனர்.பாட்டில்களும் வீசப்பட்டது. இதனால் அங்கு பரபரப்பும் ,பதற்றமும் ஏற்பட்டது.

**சிவா** · **சிவா** Sun Dec 27, 2009 11:32 pm

இந்தியக் கிரிக்கெட் வாரியத்தில் பணம் இல்லையாம், எனவேதான் மைதானத்தை பராமரிக்க இயலவில்லை!

இந்தியா - இலங்கை 5 ஆவது போட்டி ரத்து

இந்தியா - இலங்கை 5 ஆவது போட்டி ரத்து

Re: இந்தியா - இலங்கை 5 ஆவது போட்டி ரத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக