5 ரயில்களில் இணைக்கப்படும் தரம் மேம்படுத்தப்பட்ட பெட்டிகள்

**ayyasamy ram** · **ayyasamy ram** Sun Aug 04, 2019 8:20 am

-

தெற்கு ரயில்வேயில் இந்த மாதம் 5 ரயில்களில் தரம்
மேம்படுத்தப்பட்ட பெட்டிகள் இணைக்கப்படவுள்ளன.
இவற்றில், சென்னை ரயில்வே கோட்டத்தில் எழும்பூர்-
காரைக்கால், சென்ட்ரல்-ஜல்பைகுரி ஆகிய இரண்டு
ரயில்களில் தரம் மேம்படுத்தப்பட்ட பெட்டிகள்
இணைக்கப்படவுள்ளன.

உத்கிருஷ்ட் திட்டத்தின் கீழ், மேம்படுத்தப்பட்ட பெட்டிகள்
ரயில்களில் இணைக்கப்படுகின்றன.

நாடு முழுவதும் இயக்கப்படும் 64 ரயில்களின் குறிப்பிட்ட
எண்ணிக்கையிலான பெட்டிகளின் உள்கட்டமைப்பை தரம்
உயர்த்த அனுமதி வழங்கப்பட்டுள்ளது.

ஒவ்வொரு பெட்டியையும் ரூ.60 லட்சம் செலவில் புதுப்பிக்கவும்
அனுமதி வழங்கியுள்ளது.

இந்தத் திட்டத்தின் கீழ், தெற்கு ரயில்வேயில் தரமான
மேம்படுத்தப்பட்ட பெட்டிகள் இணைக்கப்பட்ட முதல் ரயிலாக
சிலம்பு ரயில் உருவானது.

இந்த ரயிலின் முதல் சேவை சென்னை எழும்பூர்-
செங்கோட்டைக்கு பிப்ரவரி 12-ஆம் தேதி தொடங்கப்பட்டது.

இதையடுத்து, தரம் மேம்படுத்தப்பட்ட இரண்டாவது ரயிலாக
தாம்பரம்-நாகர்கோவில் விரைவு ரயிலும், மூன்றாவது ரயிலாக
எழும்பூர்-கொல்லம் விரைவு ரயிலும் அமைந்தன.

இந்த ரயில்களுக்கு பயணிகள் மத்தியில் நல்ல வரவேற்பு
கிடைத்தது. இதையடுத்து, ஜூலை மாதத்தில் மட்டும்
6 ரயில்களில் மேம்படுத்தப்பட்ட பெட்டிகள் இணைக்கப்பட்டன.

அனைத்துப் பெட்டிகளிலும் இருபுறமும் செல்லிடப்பேசி
சார்ஜிங் செய்ய வசதி, தீயணைப்புக் கருவிகள், துர்நாற்றம்
இல்லாத நவீன கழிப்பறை வசதிகள் செய்யப்பட்டுள்ளன.

இந்நிலையில், தெற்கு ரயில்வேயில் இந்த மாதம்
மேம்படுத்தப்பட்ட பெட்டிகள் 5 ரயில்களில்
இணைக்கப்படவுள்ளன. சென்னை ரயில்வே கோட்டத்தில்,
சென்னை எம்.ஜி.ஆர். சென்ட்ரல்-புதிய ஜல்பகுரி அதி விரைவு
ரயில், எழும்பூர்-காரைக்கால் ஆகிய இரண்டு ரயில்களில்
மேம்படுத்தப்பட்ட பெட்டிகள் இணைக்கப்படவுள்ளன.

தஞ்சாவூர்-சென்னை எழும்பூர் உழவன் விரைவு ரயில்
(திருச்சி கோட்டம்), திருவனந்தபுரம்-மதுரை அம்ருதா விரைவு
ரயில்(திருவனந்தபுரம் கோட்டம்), ராமேசுவரம்-ஓகா விரைவு
ரயில் (மதுரை கோட்டம்) ஆகிய ரயில்களில் மேம்படுத்தப்பட்ட
பெட்டிகள் இணைக்கப்படவுள்ளன.

இது குறித்து தெற்கு ரயில்வே அதிகாரிகள் கூறியது:

உத்கிருஷ்ட் திட்டத்தின் மூலம், ஏழை, நடுத்தர மக்கள் அதிகம்
பயன்படுத்தும் ரயில்களின் உள்கட்டமைப்பை மேம்படுத்துவதே
முக்கிய நோக்கம்.

இந்த மாதத்தில் 5 ரயில்களில் தரம் மேம்படுத்தப்பட்ட
பெட்டிகள் இணைக்கப்பட்டு, மக்களின் பயன்பாட்டுக்கு
வரவுள்ளன. கடந்த மாதம் 6 ரயில்களில் தரம் மேம்படுத்தப்பட்ட
பெட்டிகள் இணைக்கப்பட்டு, மக்களின் பயன்பாட்டுக்கு வந்தன.

இதுபோல, வரும் மாதங்களிலும் தரம் மேம்படுத்தப்பட்ட
பெட்டிகள் பல ரயில்களில் இணைக்கப்படும் என்றனர் அவர்கள்.
சிறப்பு அம்சங்கள்: இந்த ரயில் பெட்டிகளில் நவீன, துர்நாற்றம்
இல்லாத வகையிலான கழிவறைகள், நீண்ட ஆயுள் கொண்ட
வண்ணப்பூச்சு, நீர் தேங்கி நிற்காத வகையில் சாய்வு தரை
அமைப்பு இடம் பெற்றிருக்கும்.

மேலும், முன்பதிவு செய்யப்பட்ட அனைத்துப் பெட்டிகளிலும்
இருபுறமும் செல்லிடப்பேசி சார்ஜிங் செய்ய வசதி செய்யப்பட்டிருக்கும்.
பயணிகளின் பாதுகாப்புக்காக தீயணைப்புக் கருவிகள் பொ
ருத்தப்பட்டுள்ளன.

அதோடு புதிய தோற்றத்துடன் கூடிய இருக்கைகள் என பல்வேறு
மேம்பாடுகள் இந்த ரயில் பெட்டிகளில் செய்யப்பட்டுள்ளன.
-
---------------------------
தினமணி

5 ரயில்களில் இணைக்கப்படும் தரம் மேம்படுத்தப்பட்ட பெட்டிகள்

5 ரயில்களில் இணைக்கப்படும் தரம் மேம்படுத்தப்பட்ட பெட்டிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக