'உயிரை பணயம் வச்சி திருடுறேன்' விரக்தியில் திருடன் எழுதிய கடிதம்

by **ayyasamy ram** Sat Aug 03, 2019 7:46 am

கடலுார் :
மளிகை கடைக்குள் திருட வந்த நபர் கல்லாவில் பணம்
இல்லாததால் பொருட்களை சேதப்படுத்தி கடிதம் எழுதி
வைத்து சென்ற 'காமெடி' சம்பவம் கடலுாரில்
அரங்கேறியுள்ளது.

கடலுார் மாவட்டம் மந்தாரக்குப்பம் கடை வீதியில் மளிகை
கடை நடத்தி வருபவர் ஜெயராஜ் 65. இவர் நேற்று காலை
கடையை திறந்தபோது மளிகை பொருட்கள் சிதறிக்
கிடந்தன.

கடையின் மேற்கூரை உடைக்கப்பட்டிருந்தது.நேற்று
முன்தினம் இரவு கடைக்குள் புகுந்த திருடன் கல்லா
பெட்டியில் பணம் இல்லாததால் ஆத்திரமடைந்தார்.

இதனால் கடையில் உள்ள அரிசி கடலை மாவு கோதுமை
மாவு உள்ளிட்ட பொருட்களை சேதப்படுத்தி உள்ளார்.
மேலும் கடையில் ஆதங்கத்துடன் கடிதம் ஒன்றை எழுதி
வைத்து சென்றுள்ளார்.

அதில் 'உயிரை பணயம் வச்சு திருட வந்தா காசு இல்லாம
கல்லாவை தொடச்சி வச்சிருக்க. என்னை ஏமாற்றி விட்டாய்.
அதுக்கு தான் இந்த குரங்கு வேலையை செய்துள்ளேன்' என
எழுதப்பட்டிருந்தது.

அதிர்ச்சியடைந்த கடை உரிமையாளர் போலீசில் புகார்
செய்தார். மந்தாரக்குப்பம் போலீசார் விசாரிக்கின்றனர்.
-
------------------------------------
தினமலர்

by **ayyasamy ram** Sat Aug 03, 2019 7:48 am

குறிப்பு:
இந்த செய்திக்கு தினமலர் வாசகர் பாபு
என்பவர் எழுதிய கமென்ட்
-----------------------------

தமிழ் சினிமா விடலைகளுக்கு போதித்துள்ளபடி,
திருடுவது, கஞ்சா குடிப்பது, படிக்கும் வயதில்
தண்ணியடிப்பது, பிறன்மனை நோக்குவது( ஹீரோயினாம்)

அந்நிய பெண்களை ரசிப்பது (வயது வித்தியாசமில்லாமல்),
காதலி என்று இருந்தாலும் மற்ற பெண்களுடன் ஒரு
தடவையாவது குத்தாட்டம் போடுவது போன்ற எல்லாம் தான்
ஒரு ஹீரோவுக்கான தகுதிகள்.
(அடுத்தவன் செய்தால் மட்டும் வில்லனாம்).

பாவம் சிறு வயது முதலே தமிழ்ப்படம் பார்த்து வளர்ந்த
திருடனாக இருப்பான் போல.
-
-------------------

'உயிரை பணயம் வச்சி திருடுறேன்' விரக்தியில் திருடன் எழுதிய கடிதம்

'உயிரை பணயம் வச்சி திருடுறேன்' விரக்தியில் திருடன் எழுதிய கடிதம்

Re: 'உயிரை பணயம் வச்சி திருடுறேன்' விரக்தியில் திருடன் எழுதிய கடிதம்