சினிமா செய்திகள் - திரைக்கதிர்

**ayyasamy ram** · **ayyasamy ram** Mon 29 Jul 2019 - 14:05

• திரைப்படங்களில் சிகரெட் புகைக்கும் காட்சிகளில்
நடிக்காதீர்கள்' என்று பலர் கேட்டுக் கொண்டதற்கிணங்க
முன்னணி ஹீரோக்கள் சிலர் தங்கள் படங்களில் புகைப்
பிடிப்பதைத் தவிர்த்தனர்.

ஆனால் தொடர்ந்து கடைப்பிடிக்க முடியவில்லை.
கதாபாத்திரத்துக்கு தேவைப்படும் பட்சத்தில் புகைப்
பிடிக்கும் காட்சியில் நடித்தனர். சமீபகாலமாக
ஹீரோயின்களும் புகைப்பிடிக்கும் மற்றும் மது அருந்தும்
காட்சிகளில் நடிக்கின்றனர்.

"அக்னி நட்சத்திரம்' பட அமலா தொடங்கி "ஆடை'
அமலாபால் வரை பல நடிகைகள் புகைப்பிடிக்கும்
காட்சிகளில் நடிக்கின்றனர். இந்த வரிசையில் புதிதாக
இடம்பிடித்திருக்கிறார் ரகுல் ப்ரீத்.

நாகார்ஜுனா நடித்துள்ள "மன்மதடு 2' தெலுங்கு படத்தில்
ஹீரோயினாக நடிக்கிறார் ரகுல். இதன் டீஸர் வெளியானது.
அதில் ரகுல் புகைப்பிடிக்கும் காட்சி இடம்பெற்றிருந்தது.

அதைக்கண்டதும் நெட்டிஸன்கள் ரகுலை திட்டி
தீர்த்திருக்கின்றனர். இதற்கு ரகுல் பதில் அளித்திருக்கிறார்
."இதுபோல் பேசுபவர்கள் எப்போதும் பேசிக்கொண்டுதான்
இருப்பார்கள். ஏனென்றால் அவர்களுக்கு பேசுவது மட்டும்
தான் வேலை. அதை சீரியஸாக எடுத்துக்கொள்ள
வேண்டியதில்லை.

கதைப்படி கதாபாத்திரத்துக்கு என்ன தேவைப்படுகிறதோ
அதைச் செய்வேன்' என கேள்வி கேட்டவர்களை போட்டு
தாக்கியிருக்கிறார் ரகுல்.
-
----------------------------------

**ayyasamy ram** · **ayyasamy ram** Mon 29 Jul 2019 - 14:05

• நயன்தாரா, விக்னேஷ் சிவன் ஜோடியின் காதல்
அம்பலத்துக்கு வந்து வருடங்கள் உருண்டோடிய நிலையில்
திருமணம் எப்போது என்பதை இருவருமே உறுதி
செய்யவில்லை.

மகனுக்கு வயதாகிக் கொண்டே போகிறது கல்யாணத்தை
முடிக்க வேண்டும் என்று விக்னேஷ் சிவன் பெற்றோர்
ஒரு பக்கம் முணுமுணுக்க, நயன்தாராவுக்கோ பட வாய்ப்பு
குறைந்தபாடில்லை.

கோடிகளில் சம்பளம் கொட்டுவதுடன் அவர் நடிக்கும்
படங்களும் ஹிட்டாகிறது என்பதால் நடிப்பைக் கைவிட
முடியாமல் இருக்கிறார்.

இந்தநிலையில் ரஜினியுடன் "தர்பார்', விஜய்யுடன் "பிகில்',
சிரஞ்சீவியுடன் "செ ரா நரசிம்மரெட்டி' என 3 படங்களில்
நடித்து வருகிறார். இப்படங்களின் படப்பிடிப்பு முடிய இந்த
ஆண்டு இறுதி ஆகிவிடும்.

இந்தநிலையில் மேலும் பல இயக்குநர்கள் கால்ஷீட் கேட்டு
வரிசைக் கட்டி நிற்கின்றனர். எப்படியும் இந்த ஆண்டில்
நிச்சயதார்த்தம் செய்துகொள்வது என்று நயன்தாரா சம்மதம்
தெரிவித்திருக்கிறார்.

நிச்சயதார்த்தம் முடிந்தால் போதுமா, இந்த ஆண்டில்
திருமணம் முடியுமா? என்பதை கண்டறிய நயன்தாரா
ஜாதகத்தை ஜோதிடரிடம் தர அவர் கிரகங்களின் பலன்களை
கணித்து, நயன்தாராவின் திருமணம் இந்த ஆண்டு நடக்கும்
என்று கூறியிருக்கிறாராம்.

ஜோதிட கணிப்பு இப்படி இருக்க, நயன்தாரா என்ன
கணித்திருக்கிறார் என்பதை பொறுத்திருந்துதான் பார்க்க
வேண்டும்.

**ayyasamy ram** · **ayyasamy ram** Mon 29 Jul 2019 - 14:06

• அமலாபால் முன்னாள் கணவரும், இயக்குநருமான
விஜய், 2 - ஆவது திருமணம் செய்துகொண்டார்.
இதையடுத்து தானும் 2 - ஆவது திருமணம் செய்ய
திட்டமிட்டுள்ளதாகச் சொன்னார், அமலாபால்.

மேலும் கூறும் போது... "எனது தனிப்பட்ட வாழ்க்கையிலும்,
சினிமா வாழ்க்கையிலும் பல வெற்றி, தோல்விகளைக்
கடந்து வந்துள்ளேன். திருமண முறிவுக்குப் பிறகு நான்
தனித்து விடப்பட்டது போல் இருந்தது.

அதிலிருந்து என்னை மீட்டெடுத்து பக்குவப்படுத்தியது
நான் சென்ற இமயமலைப் பயணம்தான். இப்போது
எல்லாவற்றையும் ஒரேமாதிரி எடுத்துக்கொள்ளும்
ஜென் மனநிலைக்கு வந்திருக்கிறேன்.

எல்லா பிரச்னைகளையும் சந்திக்கும் துணிச்சல்
வந்துள்ளது. என் சுதந்திரத்தையும், துணிச்சலையும்
காட்டத்தான் ஆண்களைப் போல் கிராப் வைத்துக்
கொண்டிருக்கிறேன்.

"ஆடை' படத்தில் நிர்வாணமாக நடித்ததும் அப்படித்தான்.
ரம்யாவுக்கு லிப்லாக் முத்தம் கொடுத்தது கூட, ஏன்
கொடுக்கக்கூடாது என்ற கேள்வியில் பிறந்ததுதான்.
"மைனா' படத்துக்குப் பிறகு என் மனதுக்கு நிறைவாக
எந்தப் படமும் அமையவில்லை. "ஆடை' படம் மட்டுமே
அமைந்துள்ளது.

எனக்கு மறுமணத்தில் நம்பிக்கை இருக்கிறது.
கட்டாயம் 2 -ஆவது திருமணம் செய்துகொள்வேன்.
குழந்தையும் பெற்றுக்கொள்வேன்.
மேலும் ஒரு குழந்தையை தத்தெடுத்து வளர்ப்பேன்''
என்றார்.

**ayyasamy ram** · **ayyasamy ram** Mon 29 Jul 2019 - 14:06

• நடிகர் தனுஷ் தற்போது வெற்றிமாறன் இயக்கத்தில்
"அசுரன்' படத்தில் நடித்து வருகிறார். அதுமட்டுமின்றி,
துரை செந்தில்குமார் இயக்கிவரும் படத்திலும் நடித்து
வருகிறார். இதுதவிர மாரி செல்வராஜின் இயக்கத்திலும்,
ராம்குமார் இயக்க இருக்கும் படத்திலும் நடிக்கவுள்ளார்.

இதற்கிடையில் கார்த்திக் சுப்புராஜ் இயக்கத்தில் தனுஷ்
ஒரு படத்தில் நடிக்க இருப்பதாகக் கடந்த இரண்டு
ஆண்டுகளுக்கு முன்பே அறிவிக்கப்பட்டது.

ஆனால் கார்த்திக் சுப்புராஜ் "பேட்ட' படத்தில் இணைந்ததால்
இந்த படத்தின் பேச்சு வார்த்தை அப்படியே நிறுத்தி
வைக்கப்பட்டது. இந்த நிலையில், தற்போது இந்த படத்தின்
வேலைகள் தொடங்கியுள்ளதாகக் கூறப்படுகிறது.

இதில் தனுஷுக்கு ஜோடியாகப் பிரபல மலையாள நடிகை
ஐஸ்வர்யா விஜயலட்சுமி நடிக்க ஒப்பந்தமாகியுள்ளதாகத்
தகவல் வெளியாகியுள்ளது. ஒய் நாட் ஸ்டுடியோஸ்
தயாரிக்கவுள்ள இந்த படத்தின் படப்பிடிப்பு வரும் ஆகஸ்ட்
மாதம் லண்டனில் தொடங்க உள்ளது. மேலும் விரைவில்
இந்தப் படத்தில் நடிக்கும் மற்ற நடிகர், நடிகைகள் குறித்த
விவரங்கள் வெளியாகும் என்று எதிர்பார்க்கப்படுகிறது.

**ayyasamy ram** · **ayyasamy ram** Mon 29 Jul 2019 - 14:06

• விஜய், அஜித் என முன்னணி ஹீரோக்களுடன் ஜோடி
சேர்ந்த காஜல் அகர்வால் கமலுடன் "இந்தியன் 2' படத்தில்
நடிக்க ஒப்பந்தம் ஆனார்.

சில நாள் படப்பிடிப்பு நடந்தநிலையில் அப்படம் நிறுத்தி
வைக்கப்பட்டிருக்கிறது. இயக்குநருக்கும்,
பட நிறுவனத்துக்கும் ஏற்பட்ட பிரச்னை காரணமாக
படப்பிடிப்பு தொடராமல் இருக்கிறது.

அப்படத்தின் படப்பிடிப்புக்காக காஜலும் ஆவலாக
காத்திருக்கிறார். ஏற்கெனவே "பாரிஸ் பாரிஸ்' படத்தில்
காஜல் நடித்திருந்தாலும் அப்படம் ரிலீஸ் ஆகாமல் முடங்கிக்
கிடக்கிறது. சமீபத்தில் அவர் நடித்த "சிடா' தெலுங்கு படம்
எதிர்பார்த்த வெற்றி ஈட்டாததால் அவரது ரசிகர்கள் ஏமாற்றம்
அடைந்தனர்.

படம் வெற்றியோ, தோல்வியோ என்னுடைய சேட்டை
குறையாது என்பதை வெளிப்படுத்தியிருக்கிறார் காஜல்.
நீச்சல் தொட்டியில் தண்ணீரைக் குறைவாக நிரப்பி அதில்
இறங்கி தண்ணீரை தட்டிவிட்டு ஸ்டைலாக நடப்பதுபோல்
ஒரு படத்தை ரசிகர்களுக்காக வெளியிட்டு இது எப்படி
இருக்கு? என்று உற்சாக துள்ளலுடன் கேட்டு சேட்டை
செய்திருக்கிறார் காஜல் அகர்வால்.
-
----------------------------------
- ஜி.அசோக்
திரைக்கதிர்

**ayyasamy ram** · **ayyasamy ram** Mon 29 Jul 2019 - 14:06

• விஜய், அஜித் என முன்னணி ஹீரோக்களுடன் ஜோடி
சேர்ந்த காஜல் அகர்வால் கமலுடன் "இந்தியன் 2' படத்தில்
நடிக்க ஒப்பந்தம் ஆனார்.

சில நாள் படப்பிடிப்பு நடந்தநிலையில் அப்படம் நிறுத்தி
வைக்கப்பட்டிருக்கிறது. இயக்குநருக்கும்,
பட நிறுவனத்துக்கும் ஏற்பட்ட பிரச்னை காரணமாக
படப்பிடிப்பு தொடராமல் இருக்கிறது.

அப்படத்தின் படப்பிடிப்புக்காக காஜலும் ஆவலாக
காத்திருக்கிறார். ஏற்கெனவே "பாரிஸ் பாரிஸ்' படத்தில்
காஜல் நடித்திருந்தாலும் அப்படம் ரிலீஸ் ஆகாமல் முடங்கிக்
கிடக்கிறது. சமீபத்தில் அவர் நடித்த "சிடா' தெலுங்கு படம்
எதிர்பார்த்த வெற்றி ஈட்டாததால் அவரது ரசிகர்கள் ஏமாற்றம்
அடைந்தனர்.

படம் வெற்றியோ, தோல்வியோ என்னுடைய சேட்டை
குறையாது என்பதை வெளிப்படுத்தியிருக்கிறார் காஜல்.
நீச்சல் தொட்டியில் தண்ணீரைக் குறைவாக நிரப்பி அதில்
இறங்கி தண்ணீரை தட்டிவிட்டு ஸ்டைலாக நடப்பதுபோல்
ஒரு படத்தை ரசிகர்களுக்காக வெளியிட்டு இது எப்படி
இருக்கு? என்று உற்சாக துள்ளலுடன் கேட்டு சேட்டை
செய்திருக்கிறார் காஜல் அகர்வால்.
-
----------------------------------
- ஜி.அசோக்
திரைக்கதிர்