அமைதியான வாழ்க்கை கிடைக்க…

**ayyasamy ram** · **ayyasamy ram** Tue Jul 30, 2019 7:12 am

-
தினமும் இவைகளை செய்தால், நிம்மதியாக,
ஆரோக்கியமாக வாழலாம்…

தினமும், 10 – 30 நிமிடங்கள் வரை நடை பயிற்சி
செல்லுங்கள்; அவ்வாறு செல்லும்போது, சிரித்த
முகத்துடன் செல்லுங்கள்

எந்த சிந்தனைகளும் இன்றி, 10 நிமிடங்களாவது
அமைதியாக, கண்ணை மூடி அமருங்கள்

தினமும் ஏழு மணி நேரம் உறங்குங்கள். எப்போதும்
இரக்கம், உற்சாகம், ஊக்கம் மற்றும் கருணை ஆகிய
குணங்கள் மனதில் நிறைந்திருக்குமாறு பார்த்துக்
கொள்ளுங்கள்

உங்களுக்கு பிடித்த, சதுரங்கம், புதிர் போன்ற
விளையாட்டை சிறிது நேரம் விளையாடுங்கள். ஆன்மிக
மற்றும் அறிவியல் சம்பந்தமான புத்தகங்களை படியுங்கள்

உங்கள் தினசரி அலுவலில், தியானம், யோகா மற்றும்
வழிபாடு போன்றவற்றிற்கு இடம் கொடுங்கள். இவை,
உங்கள் வாழ்க்கைக்கு புத்துணர்ச்சி அளிக்கும்

உங்கள் ஓய்வு நேரத்தை, 70 வயது கடந்த
முதியவர்களுடனும், ஆறு வயதிற்குட்பட்ட
குழந்தைகளுடனும் செலவழியுங்கள்

மரம், செடி, கொடிகளில் விளையும் உணவுப்
பொருட்களை, பச்சையாக நிறைய உண்ணுங்கள்
தினசரி, மூன்று நபர்களையாவது மகிழ்ச்சிப்
படுத்துங்கள்
--

**ayyasamy ram** · **ayyasamy ram** Tue Jul 30, 2019 7:13 am

உங்களுக்குள், உன்னதமான ஆற்றல் மறைமுகமாக
இருப்பதை உணருங்கள். எந்தவிதமான கட்டுப்பாடும்
இல்லாமல், வானில் சுதந்திரமாக பறக்கும் பறவையாக
உணருங்கள்

உங்கள் மனதில், நேர்மறை எண்ணங்களை
உருவாக்கும் வழக்கத்தை ஏற்படுத்தி, வாழ்கிற
வாழ்க்கையே உலகில் சிறப்பானது என்று உணருங்கள்

உங்களின் காலை உணவை, அரசன் போலவும்; மதிய
உணவை, இளவரசன் போலவும்; இரவு உணவை,
பிச்சைக்காரன் போலவும் உண்ணுங்கள்

நன்றாக வாய் விட்டு சிரியுங்கள்

வாழ்க்கையை, ‘டேக் இட் ஈசி’யாக எடுத்துக்
கொள்ளுங்கள். அனாவசியமான விவாதங்களில் கலந்து
கொள்ளாதீர்

உங்களின் கடந்த கால வாழ்க்கையை, மிகவும்
சிறப்பான முறையில் இறைவன் நடத்தி வந்துள்ளார்
என்பதை உணர்ந்து, அவருக்கு நன்றி செலுத்துங்கள்
மற்றவர்களின் வாழ்க்கையுடன், உங்களை ஒப்பிட்டு
பார்க்காதீர்

எவரையும், எதற்காகவும், எந்த சந்தர்ப்பத்திலும்
மன்னிக்க தயாராக இருங்கள்

உங்களுடைய இன்பத்தில் பங்கெடுக்கும்
அனைவரையும், அதிக அளவில் பாராட்டுங்கள்.
அவர்களிடம், நிரந்தரமாக தொடர்பில் இருங்கள்

உங்களுக்கு மகிழ்ச்சி அளிக்காதவை எதுவாக
இருந்தாலும், அவைகளிடம் இருந்து விலகி ஓடி
விடுங்கள்

வாழ்வின் உன்னதம் ஏற்கனவே, உங்களுக்கு
முழுவதுமாக வந்து விட்டது என்று நம்புங்கள்
எத்தனை, ‘பிசி’யாக இருந்தாலும், குடும்பத்தினருடன்
பேசி மகிழுங்கள்

மற்றவருக்கு பயனளிக்கும் வகையில், தினசரி ஒரு
சிறிய செயலையாவது செய்யுங்கள்

நீங்கள் வரம்பே இல்லாத வலிமை பெற்றவர் என்பதை
அறிந்து, எந்த செயலிலும் துணிந்து இறங்குங்கள்

துாங்கும் முன், மகிழ்ச்சிகரமான தினத்தை தந்த,
இறைவனுக்கு நன்றி செலுத்துங்கள்.
=========================
பி. பாலாஜி கணேஷ்
வாரமலர்