ரஷ்ய கப்பற்படை அணிவகுப்பில் இந்திய போர்கப்பல்

செயின்ட் பீட்டர்ஸ்பர்க் :
ரஷ்ய அதிபர் விளாடிமிர் புதின், நீர்மூழ்கி கப்பலில் சென்று,
கடலில் மூழ்கிய சோவியத் நீர்மூழ்கி கப்பலை பார்வையிட்டார்.
ரஷ்ய கப்பற்படை தின அணிவகுப்பில் இந்திய போர்க்கப்பலும்
பங்கேற்றது.

இரண்டாம் உலக போரில் கடலில் மூழ்கியது சோவியத் நீர்மூழ்கி
கப்பல். அதனை ரஷ்ய கப்பற்படை தினத்தை முன்னிட்டு
ரஷ்ய அதிபர் சிறிய ரக நீர்மூழ்கி கப்பலில் சென்று பார்வையிட்டார்.



கோக்லாந்து தீவுக்கு பயணம்

ரஷ்யா கடற்படை தினம் இன்று ( ஜூலை 28) அனுசரிக்கப்படுகிறது.
இதனை முன்னிட்டு அதிபர் விளாடிமிர் புதின், நேற்று செயின்ட்
பீட்டர்ஸ்பர்க் நகரிலிருந்து 180 கிலோ மீட்டர் தொலைவில் உள்ள
கோக்லாந்து தீவுக்கு படகு மூலம் சென்றார்.

பின்லாந்தில் நீர்மூழ்கி கப்பல்

பின்னர் அங்கிருந்து சிறிய ரக நீர்மூழ்கி கப்பலில் பின்லாந்து
வளைகுடா பகுதியை அடைந்த அவர், 50 ஆடி ஆழத்தில் நீரில் மூழ்கி
கிடந்த, 2ம் உலக போரில் பயன்படுத்தப்பட்ட ரஷ்ய நீர்மூழ்கி கப்பலை
கடலின் அடிபரப்புக்கு சென்று பார்வையிட்டார்.

ஆய்வுக்கு பின் கரைதிரும்பிய புதின், 'ரஷ்ய மக்கள் மற்றும்
அவர்களின் பணிகளை நன்கு புரிந்து கொள்ளவே, இருவர் மட்டுமே
அமர்ந்து செல்லும் சிறிய ரக நீர்மூழ்கி கப்பலில் கடலின் கீழ் பகுதிக்கு
சென்றதாக' தெரிவித்தார்.

ஐ.என்.எஸ். தர்காஷ் :

ரஷ்ய கடற்படை தின கொண்டாட்டங்களின் போது, ​​ரஷ்யாவின்
செயின்ட் பீட்டர்ஸ்பர்க்கில், இந்திய போர்க்கப்பல்
ஐ.என்.எஸ்.தர்காஷூம் பங்கேற்றது. இதிலிருந்தவாறு, ரஷ்ய அதிபர்
விளாடிமிர் புடினுக்கு ஐ.என்.எஸ் தர்காஷ் கட்டளை அதிகாரி
கேப்டன் சதீஷ் வாசுதேவ் வணக்கம் தெரிவித்தார்.

4 ஆயிரம் வீரர்கள் ; 40 போர்விமானங்கள்

ஒன்று கூறுகையில், '' ரஷ்ய கடற்படை தினக் கொண்டாட்டத்தில்
40 கப்பல்கள் அணிவகுப்பில் பங்கேற்றன. 40 போர் விமானங்கள்
மற்றும் ஹெலிகாப்டர்கள் மொத்தமாக 4 ஆயிரம் வீரர்கள்
பங்கேற்றனர்,'' என்கிறது.
-
-----------------------------------------
தினமலர்