பருவநிலை மாற்றத்தால் அழிந்துவரும் பறவைகள்!

**ayyasamy ram** · **ayyasamy ram** Fri Jul 26, 2019 7:50 am

பருவநிலை மாற்றத்தால் மனிதர்கள் பல்வேறு
பிரச்னைகளை சந்தித்து வருவதுபோலவே பறவைகளும்,
விலங்குகளும் சந்திக்கும் பாதிப்புகளும் மிக
அபாயகரமானவை.

சமீபத்தில் அலாஸ்காவில் கொத்துக் கொத்தாக இறந்துகிடந்த
பஃபின் பறவைகள் இறப்பிற்குப் பருவநிலை மாற்றமே நேரடி
காரணமாக விளங்குவதாக எச்சரிக்கிறது சமீபத்திய ஆய்வு
ஒன்று.

2016ம் ஆண்டு அமெரிக்கா, ரஷ்யாவிற்கு இடைப்பட்ட புனித
பவுல் தீவில் உள்ள கடற்கரையில் பஃபின் பறவைகள் செத்துக்
கிடந்தன. இதற்கான காரணம் குறித்து ஆராய்ச்சியில் இறங்கிய
அமெரிக்க ஆய்வாளர்கள், கடந்த சில மாதங்களில் மட்டும்
ஏறத்தாழ 9,000 பஃபின் மற்றும் சிலவகை கடல் பறவைகள்
இறந்துள்ளன

இவை அனைத்திற்கும் பருவநிலை மாற்றமே முக்கிய காரணம்
எனக் கண்டறிந்துள்ளனர். கடலின் வெப்பநிலை உயர்ந்ததால்
இந்த பஃபின் பறவைகள் உண்ணும் மீன்கள் வடக்கு நோக்கி
இடம் பெயர்ந்திருக்கின்றன.

இதன் காரணமாக இந்த பஃபின் பறவைகள் பசியில் வாடி
இறந்திருக்கின்றன என்று ஆய்வாளர்கள் கூறுகிறார்கள்.
மீனும், முதுகெலும்பற்ற கடல் உயிரிகளும்தான் இந்த பஃபின்
பறவைகளின் உணவு. கடல் வெப்பநிலை உயர்வு இந்த உணவுச்
சங்கிலியில் தாக்கம் செலுத்தி யிருக்கிறது.

இதன் காரணமாக பஃபின் பறவைகளும் பாதிக்கப்பட்டுள்ளன
என்கிறார்கள் அறிவியலாளர்கள். இந்த ஆய்வுக்குத் தலைமை
தாங்கிய ஆய்வாளர் டிமோதி ஜோன்ஸ், “இப்படி கொத்துக்
கொத்தாக இறப்பது அதிகளவிலும், அடிக்கடியும் நடக்கிறது.
இதற்கும் பருவநிலை மாற்றத்திற்கும் நேரடி தொடர்பு இருக்கிறது”
என்று ப்ளோஸ் ஒன் எனும் இதழில் குறிப்பிட்டுள்ளார்.

மேலும், உயரும் வெப்பமானது பறவைகள், வெளவால் மற்றும்
காட்டில் வாழும் பிற விலங்குகள் மீதும் மோசமான விளைவுகளை
ஏற்படுத்தும் என்று அச்சம் தெரிவிக்கிறது இந்த ஆய்வு.
-
------------------------------
தினகரன்

**பழ.முத்துராமலிங்கம்** · 27/09/2015

பூமி வெப்ப மயமாதல் பல உயிர்களை பழி வாங்கும் என்பதில் ஐயமில்லை.
இதற்கு உலக நாடுகள் தக்க நடவடிக்கை எடுக்க வேண்டும்.

**Dr.S.Soundarapandian** · **Dr.S.Soundarapandian** Fri Jul 26, 2019 12:26 pm

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

Sponsored content · Sponsored content

பருவநிலை மாற்றத்தால் அழிந்துவரும் பறவைகள்!

பருவநிலை மாற்றத்தால் அழிந்துவரும் பறவைகள்!

Re: பருவநிலை மாற்றத்தால் அழிந்துவரும் பறவைகள்!

Re: பருவநிலை மாற்றத்தால் அழிந்துவரும் பறவைகள்!

Re: பருவநிலை மாற்றத்தால் அழிந்துவரும் பறவைகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக