ராணுவ தொழிற்சாலை தனியார்மயம் ஜனநாயக சக்திகள் அனைவரும் ஒன்றிணைந்து தடுக்க வேண்டும்: தமுமுக வேண்டுகோள்

**ayyasamy ram** · **ayyasamy ram** Fri 26 Jul 2019 - 9:09

சென்னை:
ராணுவ தொழிற்சாலையை தனியார் மயமாக்கும் மத்திய
அரசின் முயற்சியை ஜனநாயக சக்திகள் அனைவரும்
ஒன்றிணைந்து தடுக்க வேண்டும் என்று தமுமுக பொதுச்
செயலாளர் ஹைதர் அலி வேண்டுகோள் விடுத்துள்ளார்.

தமிழ்நாடு முஸ்லிம் முன்னேற்ற கழக பொதுச்செயலாளர்
செ.ஹைதர் அலி வெளியிட்ட அறிக்கை:

தாராளமயமாக்கல் நாட்டின் அனைத்து வளங்களையும்
தனியாருக்கு தாரைவார்க்கும் படலத்தின் தொடர்ச்சியாக
ராணுவ வளங்களும் தனியார் மயமாக்க ஆளும் பாஜ அரசு
திட்டமிட்டு வரும் தகவல் அதிர்ச்சி அளிப்பதாக உள்ளது.

மத்திய பாதுகாப்புத்துறை அமைச்சகத்தால் நிர்வகிக்கப்படும்
ராணுவ தொழிற்சாலை வாரியம் இத்தகைய செயலில் இறங்கி
உள்ளது. முதலில் பொதுத்துறை நிறுவனங்களாக்கி பின்னர்
அவற்றை தனியார்மயமாக்கும் முயற்சி மேற்கொள்ளப்பட்டு
வருகிறது.

மேக் இன் இந்தியா, ஸ்டார்ட் அப் இந்தியா என ஒருபக்கம்
விளம்பரப்படுத்தி கொள்ளும் அரசு இப்படி கொல்லைப்புறம்
வழியாக மக்களின் வரிப்பணத்தில் உருவாக்கப்பட்ட வளத்தை
தனியாருக்கு தாரைவார்க்க திட்டமிடுவது வன்மையாக
கண்டிக்கத்தக்கது.

நேரடியாக 90,000 பேருக்கும் மறைமுகமாக இரண்டு லட்சம்
பேருக்கும் வேலைவாய்ப்பு வழங்கி வரும் இத்துறை தனியார்
மயமாக்கப்பட்டால் அவர்களது வாழ்வாதாரம் கேள்விக்குறியாகி
விடும்.

இதுபோன்ற நாட்டின் வளத்தை கொள்ளை அடிக்க நடைபெறும்
முயற்சிகளை ஜனநாயக சக்திகள் அனைவரும் ஒன்றிணைந்து
தடுக்க வேண்டும்.இவ்வாறு அறிக்கையில் கூறப்பட்டுள்ளது.
-
-------------------------------
தினகரன்

ராணுவ தொழிற்சாலை தனியார்மயம் ஜனநாயக சக்திகள் அனைவரும் ஒன்றிணைந்து தடுக்க வேண்டும்: தமுமுக வேண்டுகோள்

ராணுவ தொழிற்சாலை தனியார்மயம் ஜனநாயக சக்திகள் அனைவரும் ஒன்றிணைந்து தடுக்க வேண்டும்: தமுமுக வேண்டுகோள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக