இங்கிலாந்திலும் பறக்குது இந்தியக்கொடி

by **ayyasamy ram** Thu Jul 25, 2019 6:34 pm

லண்டன் :
இங்கிலாந்தின் புதிய பிரதமர் போரிஸ் ஜான்சன்
அமைச்சரவையில், இன்போசிஸ் நாராயணமூர்த்தியின்
மருமகன் உள்ளிட்ட, இந்திய வம்சாவளியை சேர்ந்த
3 பேருக்கு முக்கிய பொறுப்புகள் வழங்கப்பட்டுள்ளன.
-
இங்கிலாந்திலும் பறக்குது இந்தியக்கொடி Tamil_News_large_2328288

இங்கிலாந்திலும் பறக்குது இந்தியக்கொடி Tamil_News_large_2328288

-
பிரிட்டன் காலனி :

ஒரு காலத்தில், 200 க்கும் மேற்பட்ட ஆண்டுகள், இங்கிலாந்தின்
காலனி நாடாக இந்தியா இருந்தது. இங்கு பிரிட்டன் மகாராணியின்
ஆட்சியும் அதற்கு முன்னர் பிரிட்டன் கிழக்கிந்திய கம்பெனி ஆட்சியும்
நடந்தது.

ஆனால், தற்போதைய காலமாற்றத்தில், அங்கு ஆட்சி
அமைந்திருக்கும் அரசில் அமைச்சர்களாக இந்திய வம்சாவளியினர்
பங்கேற்றிருப்பது குறிப்பிடத்தக்கது.
-

by **ayyasamy ram** Thu Jul 25, 2019 6:36 pm

இங்கிலாந்திலும் பறக்குது இந்தியக்கொடி Gallerye_162040234_2328288

பிரீத்தி பட்டேலிடம் உள்துறை :

இந்திய வம்சாவளியை சேர்ந்த பிரீத்தி பட்டேல் என்ற
பெண் தான் உள்துறை அமைச்சராக நியமிக்கப்பட்டுள்ளார்.
இவர் பிரிட்டனின் இந்திய வம்சாவளியை சேர்ந்த முதல்
உள்துறை அமைச்சர்.

இதேபோல, இணையமைச்சர் பொறுப்பில் இருந்த அலோக் சர்மா,
இப்போது கேபினட் அந்தஸ்துடன் சர்வதேச மேம்பாட்டுத்துறையின்
அமைச்சராக நியமிக்கப்பட்டுள்ளார்.

பிரிட்டன் தனது தேசிய வருவாயில், 0.7 சதவீதத்தை ஆண்டுதோறும்
சர்வதேச உதவியாக வழங்கும் நிலையில், அதற்கு பொறுப்பான
துறைக்கு அலோக் சர்மா நியமிக்கப்பட்டுள்ளார்.

நாராயணமூர்த்தி மருமகன் :

இன்போசிஸ் நிறுவனர் நாராயணமூர்த்தியின் மருமகன்
ரிஷி சுனக் நிதித்துறை அமைச்சர் பொறுப்பிற்கு நிகரான கருவூல
தலைமைச் செயலராக நியமிக்கப்பட்டுள்ளார்.

முன்னர் உள்துறை அமைச்சர் பொறுப்பில் இருந்த, பாகிஸ்தான்
வம்சாவளியை சேர்ந்த சஜித் ஜாவீத் நிதித்துறை அமைச்சராக
நியமிக்கப்பட்டுள்ள நிலையில், அதற்கடுத்த பொறுப்பில்
அமைச்சரவைக் கூட்டங்களிலும் பங்கேற்கும் வகையில் ரிஷி சுனக்
நியமிக்கப்பட்டுள்ளார்.

முதல்முறை 3 அமைச்சர்கள்

ஹாம்ப்ஷையரில் பிறந்தவரான 39 வயது ரிஷி சுனக்,
யார்க்சையரின் ரிச்மாண்ட் தொகுதி எம்.பி. ஆவார்.
இங்கிலாந்தில் 1.5 மில்லியன் இந்தியர்கள் வசிக்கும் நிலையில்,
முதல் முறையாக, இந்திய வம்சாவளியை சேர்ந்த 3 பேர்
அமைச்சரவை பட்டியலில் இடம்பெற்றுள்ளனர்.

முன்னாள் மருமகன் :

ஏற்கனவே, தற்போது பிரதமராக பதவி ஏற்றுள்ள போரிஸ் ஜான்சன்
இந்திய வம்சாவளியை சேர்ந்த ஒருவரை மணந்திருந்தார்.
கடந்தாண்டுதான் அவரை கருத்து வேறுபாடு காரணமாக
விவாகரத்து செய்தார். அதற்கு முன்னர் ஜான்சன் தன்னை
இந்தியாவின் மருமகன் என்றே குறிப்பிடுவாராம்.
-
--------------------------------
தினமலர்