மே.வங்கம் பெயர் மாற்றம்: மத்திய அரசு கைவிரிப்பு

by **ayyasamy ram** Thu Jul 25, 2019 7:26 am

கோல்கட்டா:
மேற்கு வங்கத்தின் பெயரை 'பங்கலா' என்று மாற்ற
அரசியலமைப்பில் திருத்தங்கள் செய்யும் எந்த திட்டமும்
இல்லை என ராஜ்யசபாவில் மத்திய இணை அமைச்சர்
தெரிவித்துள்ளார்.

மேற்குவங்க மாநிலத்தின் பெயரை, பெங்காலியில்,
'பங்கலா' என்றும், ஆங்கிலத்தில், 'பெங்கால்' என்றும்,
ஹிந்தியில், 'பங்கல்' என்றும் மாற்றுவதற்கான தீர்மானம்,
அம்மாநில சட்டசபையில் கடந்தாண்டு ஜூலையில்
எதிர்க்கட்சிகளின் கடும் எதிர்ப்பை மீறி, நிறைவேற்றப்பட்டது.

மாநிலத்தின் பெயரை மாற்றும் முயற்சிக்கு, கடும் எதிர்ப்பு
தெரிவித்து, பா.ஜ., - காங்., - கம்யூனிஸ்ட் கட்சிகள், சட்ட
சபையில் இருந்து வெளிநடப்பு செய்தன.

அம்மாநில முதல்வர் மம்தா பானர்ஜி , பங்கலா' என்பது இந்த
மாநிலத்தின் வரலாறு மற்றும் பாரம்பரியத்துடன் தொடர்புடையது.
இந்த தீர்மானத்திற்கு, மத்திய அரசு ஒப்புதல் அளிக்கும் என்ற
முழு நம்பிக்கை உள்ளது. பார்லிமென்டிலும் இதுதொடர்பான
மசோதா பிரச்னையின்றி நிறைவேறும் என்றார்.

இந்நிலையில் பார்லி. ராஜ்யசபாவில் மத்திய உள்துறை
இணை அமைச்சர் நித்யானந்த்ராய் கூறியது,மேற்குவங்க
மாநிலத்தின் பெயரை பங்கலா என மாற்ற அரசியலமைப்பு
திருத்தங்கள் செய்யும் திட்டம் மத்திய அரசிடம் இல்லை.

அம்மாநில அரசு கொண்டுவந்த தீர்மானம் ஏற்கனவே
நிராகரிக்கப்பட்டுள்ளது. 'பங்கலா' என்ற வார்த்தை பக்கத்து
நாடான பங்களாதேஷ் என்ற பெயருடன் உள்ளது என்றார்.

எம்.பி.க்கள் குழு சந்திப்பு

மேற்குவங்க மாநில ஆளும் திரிணாமுல் காங். எம்.பி.க்கள்
குழுவினர் இன்று பிரதமர் மோடியை நேரில் சந்தித்தனர்.
அப்போது மேற்குவங்க மாநிலத்தின் பெயரை மாற்ற அரசியலமைப்பு
திருத்தம் கொண்டு வர வேண்டும் என வலியுறுத்தினர்.
-
----------------------------
தினமலர்

by **T.N.Balasubramanian** Thu Jul 25, 2019 3:02 pm

மாநிலத்தின் பெயரை "கொல்கொத்தா" என்று மாற்ற கூறலாம்.

ரமணியன்

மே.வங்கம் பெயர் மாற்றம்: மத்திய அரசு கைவிரிப்பு

மே.வங்கம் பெயர் மாற்றம்: மத்திய அரசு கைவிரிப்பு

Re: மே.வங்கம் பெயர் மாற்றம்: மத்திய அரசு கைவிரிப்பு