அழைத்தது நிலா: பாய்ந்தது சந்திரயான் 2

**T.N.Balasubramanian** · **T.N.Balasubramanian** Mon Jul 22, 2019 3:15 pm

அழைத்தது நிலா: பாய்ந்தது சந்திரயான் 2

சென்னை: நிலவின் தென் துருவ பகுதியை ஆய்வு செய்யும், 'சந்திரயான் - 2' விண்கலம் இன்று வெற்றிகரமாக விண்ணில் செலுத்தப்பட்டது.

அழைத்தது நிலா: பாய்ந்தது சந்திரயான் 2 Tamil_News_large_2325763

அழைத்தது நிலா: பாய்ந்தது சந்திரயான் 2 Tamil_News_large_2325763

இஸ்ரோ நிறுவனம், நாட்டின் தகவல் தொடர்பு, வானிலை உள்ளிட்ட ஆய்வுகளுக்காக, பி.எஸ். எல்.வி., - ஜி.எஸ்.எல்.வி., வகை ராக்கெட்கள் உதவியுடன், செயற்கைக்கோள்களை, விண்ணில் நிலைநிறுத்தி வருகிறது. தற்போது, நிலவின் தென் துருவ பகுதியில் உள்ள கனிம வளங்கள் மற்றும் அங்கு மக்கள் வாழ சாத்தியம் உள்ளதா என ஆய்வு மேற் கொள்ள,'சந்திரயான் - 2' என்ற விண்கலத்தை, உருவாக்கியுள்ளது.

ஆந்திர மாநிலம், ஸ்ரீஹரிகோட்டாவில் இருக்கும், சதீஷ் தவான் விண்வெளி ஆய்வு மைய ஏவுதளத்தில் இருந்து, சந்திரயான் - 2 விண்கலத்தை சுமந்தபடி, 'ஜி.எஸ். எல்.வி., மாக் 3 - எம்1' ராக்கெட், 15ம் தேதி, அதிகாலை, 2:51 மணிக்கு,விண்ணில் பாய இருந்தது.

அதற்கு, 56 நிமிடங்கள், 24 வினாடிகள் இருந்த நிலையில், ராக்கெட்டில் ஏற்பட்டுள்ள தொழில்நுட்ப கோளாறை, விஞ்ஞானிகள் கண்டுபிடித்தனர். இதையடுத்து, சந்திரயான் - 2 விண்கலம் ஏவும் திட்டம் ஒத்திவைக்கப்பட்டதாக, இஸ்ரோ தரப்பில் தெரிவிக்கப்பட்டது.
தற்போது, ராக்கெட்டில் ஏற்பட்ட கோளாறு சரிசெய்யப்பட்டு சதீஷ் தவான் மையத்தின் ஏவுதளத்தில் இருந்து, சந்திரயான் - 2 விண்கலத்தை சுமந்தபடி, 'ஜி.எஸ்.எல்.வி., மாக் 3 - எம் 1' ராக்கெட், இன்று மதியம், சரியாக 2:43 மணிக்கு, விண்ணில் பாய்ந்தது.

நிலவை சென்றடையும்
மொத்தம், 3.8 டன் எடையுள்ள இந்த விண்கலம், ஜி.எஸ்.எல்.வி., மார்க் - 3 ராக்கெட் மூலம் அனுப்பப்பட உள்ளது. சந்திரயான் - 2 விண்கலம், 603 கோடி ரூபாயிலும், அதை ஏந்தி செல்லும், ஜி.எஸ்.எல்.வி., மார்க் - 3 ராக்கெட், 375 கோடி ரூபாய் செலவில் உருவாக்கப்பட்டுள்ளன. 3 லட்சத்து 84 ஆயிரம் கி.மீ., துாரம் பயணம் செய்யும் விண்கலம், செப்., 6 அல்லது 7ம் தேதி, நிலவை சென்றடையும்.

நன்றி தினமலர்.

ரமணியன்

**பழ.முத்துராமலிங்கம்** · 27/09/2015

**T.N.Balasubramanian** · **T.N.Balasubramanian** Mon Jul 22, 2019 5:38 pm

வெற்றிகரமாக இந்த முயற்சி அமைய பாடுபட்ட யாவரையும்
பாராட்டுவோம்.
வாழ்த்துக்கள்

ரமணியன்

Guest · Guest Mon Jul 22, 2019 5:55 pm

அழைத்தது நிலா: பாய்ந்தது சந்திரயான் 2 1571444738

மொட்டைமாடி

வாழ்த்துகள்.

Guest · Guest Thu Aug 22, 2019 7:57 pm

நேற்று இரவு, நிலவை அண்மித்த சந்திராயன் 2 ,L14 கமெரா மூலம் எடுத்து அனுப்பிய நிலவின் முதல் படம்.....................

அழைத்தது நிலா: பாய்ந்தது சந்திரயான் 2 Presentation_moon_photo1