இறால் குடமிளகாய் தொக்கு... (பாலா உனக்கு தான் ஓடிவா...)

மஞ்சுபாஷிணி · மஞ்சுபாஷிணி Tue Jun 29, 2010 5:13 pm

இறால் குடமிளகாய் தொக்கு

தேவையானவை

சுத்தப்படுத்திய இறால் (பெரியது)
குடமிளகாய் 3 (பெரியது)
வெங்காயம் 3 (பெரியது)
தக்காளி 4 (பெரியது)
இஞ்சி பூண்டு விழுது ஒரு டேபிள்ஸ்பூன்
தாளிக்க பட்டை, கறிவேப்பிலை
அலங்கரிக்க கொத்தமல்லி
எண்ணை, உப்பு தேவையான அளவு
மஞ்சள் தூள்
மசாலா தூள்
மிளகாய் தூள்

செய்முறை

இறால் சுத்தப்படுத்திக்கொண்டு உப்பும் கொஞ்சம் மஞ்ச்ள் தூளும் பிசறி வைத்துக்கொள்ளவும். வெங்காயம், தக்காளி, குடமிளகாய் நீளமாய் அரிந்துக்கொள்ளவும். கடாயில் எண்ணை ஊற்றி பட்டை, கறிவேப்பிலை தாளித்து குடமிளகாய் வறுத்து எடுத்து தட்டில் வைத்துக்கொள்ளவும், வெங்காயம் போட்டு வதக்கி அதில் இஞ்சி பூண்டு விழுது போட்டு வதக்கி, அதில் உப்பு, மஞ்சள் தூள், மிளகாய் தூள், மசாலா தூள் போட்டு நன்றாக வதக்கி அதில் தக்காளி போட்டு வதக்கி இறாலை போட்டு நன்றாக வதக்கி நீர் விடாமல் சிறுதீயில் வைத்து தட்டு போட்டு மூடிவைத்து 10 நிமிடங்களில் இறால் வெந்ததும் தீ அதிகமாக்கி நன்றாக வதக்கி தொக்கும் எண்ணையும் பிரியும்போது வறுத்து எடுத்து வைத்த குடமிளகாயை போட்டு வதக்கி கொத்தமல்லி பொடியாக நறுக்கி அதன் மீது தூவி இறக்கனும்...